Display Style:
Column Style
गण्डकी प्रदेशय् १७ म्ह कोरोना सङ्क्रमित थपे जुल
लहानान्युज | अनलागा २ ११४०,असोज १७ सनिवाः
गण्डकी प्रदेशय् १७ म्ह कोरोना सङ्क्रमित थपे जुगु दु।
प्रदेशय् सङ्क्रमितपि ४००३म्ह थ्यःग दु धका गण्डकी प्रदेश स्वास्थ्य निर्देशनालयया निर्देशक नाप गण्डकी प्रदेश कोरोना नियन्त्रण तथा रोकथाम कार्यक्रमया प्रवक्तां जानकारी बियादिगु
दु।
थपे जुपि कास्की १०म्ह, गोरखाय् न्याम्ह व तनहुँ निम्ह खः।
सङ्क्रमितपि मध्ये प्रदेशय् आःतक २८३१ वसः याना छेँय् लिहावने धुकुगु दु। अथेहे सीपि ३३म्ह सी धुकुगु दु।
आः प्रदेशय् सक्रिय सङ्क्रमितपि ११३९म्ह दु धका निर्देशनालयं धाःगु दु।
येँ महानगर १७ वडाय् १९म्ह कोरोना सक्रमण
लहानान्युज | अनलागा १ ११४०,असोज १६ शुक्रवाः
येँ महानगरपालिका १७ वडाय् थौ जक १९ म्हेसित कोराना सक्रमणया पुष्टि जूगु दु।
थौं १७ वडाया दुने धौबिचौरय् ७ म्ह, ढल्को ५ म्ह, खुसिबुँ ३ म्ह, क्षत्रपाटी निम्ह नाप क्वाः बहाः व कुश्लेचौरय् छम्ह छम्हेसित कोरोना पुष्टि जूगु दु।
थ्व नाप येँ महानगरपालिका १७ वडाया दुने आःतक कोरोना सक्रमितपि १४२म्ह थ्यःगु दु। अथेहे थौं जक ३५म्ह कोरोनामुक्त जुगु दु। आःतक कोरोना संक्रमण स्वम्ह सी धुकुगु दु।
छु दिं न्ह्यः जक वडाया कर्मचारी निम्हेसित कोरोना सक्रमण जुया वडाया ज्याकू बन्द जुगु खःसा १७ वडा अधक्ष्य नबिन मानन्धर आ थ्व हे वइगु आइतवाः निसे वडाया ज्याकू चाइ धका लहनान्युजयात जानकारी बियादिगु दु।
कोरोना सक्रमणं ११म्ह मन्त
लहानान्युज | अनलागा १ ११४०,असोज १६ शुक्रवाः
वःगु २४ घन्टाया दुने नेपालय् थप ११ म्ह कोरोना संक्रमणं सीगु दु धका स्वास्थ्य तथा जनसंख्या मन्त्रालयं धाःगु दु। थ्व नाप आःतक नेपालय् कोरोना संक्रमणं सीपि ५२०म्ह थ्यःगु दु।
वःगु २४ घन्टाय् नेपालय् थप २७२२ म्हेसित कोरोना संक्रमण पुष्टि जूगु दु ।
अथेहे वःगु २४ घन्टाया दुने कोरोनामुक्त जूपि ३३०७ म्ह डिस्चार्ज जूगु दु।
अथेहे आःतक नेपालय् आइसोलेसनय् च्वना च्वपि कोरोना संक्रमितपि २१ हजार २३४ म्ह थ्यःगु दु। ४ हजार ८८५म्ह क्वारेन्टाइनय् च्वना च्वंगु दु धका प्रवक्ता गौतमं धाःगु दु।
आःतक पीसीआर विधिपाखे १० लाख ४८ हजार ६८६ परीक्षण याये धुकुगु दु धका मन्त्रालयं धाःगु दु।
नेपालय् आःतक ६० हजार ६९६म्ह कोरोनामुक्त
लहानान्युज | अनलागा १ ११४०,असोज १६ शुक्रवाः
वःगु २४ घण्टाय् जक कोरोना संक्रमणपाखे मुक्त जुपि ३ हजार ३०७ म्ह छेँय् लिहा वःगु दु धका स्वास्थ्य तथा जनसंख्या मन्त्रालयं धाःगु दु।
थ्व नाप आःतक कोेरोना संक्रमणपाखे मुक्त जूपि ६० हजार ६९६ म्ह थ्यःगु दु।
नेपालय् आःतक कोरोना संक्रमितपि ८२ हजार ४५०म्ह थ्यःगु दु।
येँ १२८०म्ह, यलय् १६२म्ह व ख्वपय् १९६म्ह कोरोना संक्रमण
लहानान्युज | अनलागा १ ११४०,असोज १६ शुक्रवाः
स्वनिगः दुने कोरोना संक्रमित छु ई न्ह्यःनिसे अप्वो जुया वया च्वंगु दु।
वःगु २४ घण्टाय् जक स्वनिगः दुने १ हजार ६३८ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
थौं शुक्रवा येँ जक १२८० म्हेसित कोरोना सक्रमण जुइ धुकुगु दु ।
अथेहे यलय् १६२ म्ह व ख्वपय् १९६ म्हेसित कोरोना संक्रमण जूगु दु धका मन्त्रालयय् धाःगु खः।
