Display Style:
Column Style
येँया सोह्रखुट्टेय् छम्ह नाप नुवाकोटय् हापां संक्रमण खनेदत
लहनान्युज | तछलाथ्व पारु ११४०,जेठ १० शनिवाः
थौं येँया सोह्रखुट्टेय् छम्ह नाप १९म्हेसित कोरोना भाइरसया संक्रमण खने दुगु दु ।
येँया १६वडाय् ६९दँया मिजंम्हेसित संक्रमण जूगु पुष्टि धका स्वास्थ्य तथा जनसंख्या मन्त्रालयं जानकारी बिःगु खः ।
मन्त्रालयया जानकारी कथं पर्सा, रुपन्देही, भैरहवा व कपिलवस्तुइ स्वम्ह स्वम्हेसित व मोरङ, बारा, रौटहत, सर्लाही, नुवाकोट व गुल्मिइ नाप येँ छम्ह छम्हेसित संक्रमण जूगु दु ।
थौं नुवाकोटय् न हापां संक्रमण खनेदुगु दु ।
थ्व नापं आतक कोरोनाया संक्रमण खनेदुगु ४२गू जिल्लाय् थ्यंगु दु ।
आतक नेपालय् कोरोना संक्रमतिपि ६०३म्ह थ्यंगु दु ।
जनकपुर अस्पतालय् कोरोना संक्रमित फरार
लहनान्युज | तछलाथ्व द्धितीया ११४०,जेठ ११ आइतवाः
प्रादेशिक अस्पताल, जनकपुरय् आइसोलेसन च्वना च्वम्ह छम्ह कोरोना संक्रमित फरार जुगु दु ।
संक्रमित अस्पतालपाखे बिस्यु वःगुलि जनकपुरय् त्रास फैले जुगु दु ।
अस्पतालय् उम्ह मनू मानसिक रोगी धका धाःगु दु ।
थ्व स्वया न्ह्य न उम्ह मनू अस्पतालया आइसोलेसनं बिस्यु वनेगु तकः तकं प्रयास याये धुकुम्ह खः ।
उम्ह मनू न म्हिगः शनिवाः जक अस्पतालया सीसीटीभी क्यामेरा तछ्याना बिःगु खः ।
उम्ह मनू संक्रमितम्ह जुग आ जनकपुर क्षेत्रय् त्रास जुया च्वंगु दु ।
शनिवाः जक ७५म्ह कोरोना भाइरस पुष्टि जुगु
लहनान्युज | तछलाथ्व द्धितीया ११४०,जेठ ११ आइतवाः
नेपालय् म्हिगः शनिवाः जक ७५म्ह कोरोना भाइरस कोभिड १९ पुष्टि जुगु दु । थ्व नाप संक्रमितपि ५९१ म्ह थ्यःगु दु ।
म्हिगः शनिवाः सुथय् ३२ म्ह, न्हिनय् ३६म्ह व बहनि ७ म्हेसित कोरोना पुष्टि जुग धका स्वास्थ्य तथा जनसंख्या मन्त्रालय जानकारी बिःगु खः ।
सर्लाहीइ १३ म्हेसित, कपिलवस्तुइ ८ म्हेसित, मायादेवी गाउँपालिकाय् ३, रुपन्देहीइ गैडहवा व रोहिणी गाउँपालिकाय् ११ म्हेसित, बैतडीइ प्यम्ह, सुर्खेतय् ३ म्हेसित कोरोना पुष्टि जुगु दु ।
अथेहे, बर्दिया, झापा, गुल्मी, बारा, चितवन व येँय् छम्ह छम्हेसित संक्रमित जुगु धका मन्त्रालया सहप्रवक्ता डा. समीरकुमार अधिकारीं जानकारी बिःगु खः ।
नेपालय् आतक ३ कोरोनापाखे सीपिनिगु ल्याः स्वम्ह थ्यःगु दु सा । ७० म्ह संक्रमितपि वास याका छेँय् लिहा वने धुकुगु दु ।
देँय् यकं ४५ द्धः व ९५९ म्हेसित पीसीआर विधिपाखे परीक्षण याये धुकुगु दु ।
७म्हेसित कोरोना पोजेटिभ
लहनान्युज | तछलाथ्व पारु ११४०,जेठ १० शनिवाः
रुपन्देही, कपिलवस्तु व दाङय् याना थौं हाकन मेपि न्ह्यम्ह कोरोना पोजेटिभ खनेदुगु दु ।
प्रदेश जनस्वास्थ्य प्रयोगशाला भैरहवाय् याःगु पीसीआर परीक्षणय् अथे न्ह्यम्हेसित कोरोना पोजेटिभ खनेदुगु खः ।
आः खनेदुपि न्ह्यम्हमध्ये दाङय् च्वम्ह ३३ दँया मनू गुल्मी मदानेय् कोरोना संक्रमितया छेँय् बालच्वम्ह खः । उम्ह बैंकया कर्मचारी खः ।
रुपन्देहीया स्वम्ह गैडहवा गाउँपालिकाया कपिलवस्तुइ मायादेवी गाउपालिकायापि खः ।
मनमोहन सेन्टरय् कन्ट्याक ट्रेसिङ सुरु
लहनान्युज | तछलाथ्वा पारु ११४०,जेठ १० शनिवाः
चिकित्साशास्त्र अध्ययन संस्थान (आइओएम)या मनमोहन कार्डियोभास्कुलर एण्ड ट्रान्सप्लान्ट सेन्टरय् भर्ना जुम्ह छम्ह मिसा कोरोना संक्रमण खनेदुगुलि कन्ट्याक ट्रेसिङ सुरु याःगु दु ।
अस्पतालय् वःगु जेठ ६ गते भर्ना जुम्ह हेटौंडायाम्ह ५४ दँयाम्ह मिसायात म्हिगः शुक्रवाः कोरोना पोजेटिभ खनेदुगु खः । उम्ह मिसायात गणेशमानसिंह भवनया कोभिड वार्डय् तया तःगु दु ।
अस्पतालया क्याथल्याब सहित कार्डियोलोजी सेवा मेगु सूचं मवतलेया लागि स्थगित याना संक्रमितनाप वार्डय् तया बिरामीयात अलग तया तःगु दु ।
स्वास्थ्यकर्मी, बिरामी व कुरुवापि नाप ४० म्हपि संक्रमित नाप स्वापू तयेगु ज्या जुइफु अनुमान याना तःगु दु ।
