Display Style:
Column Style
मलेसियाय् बन्धक दयेका ध्यवा असुलयाम्हेसित ज्वन
लहानान्युज | अनलाथ्व चतुर्दशी ११४०,असोज १४ बुधवाः
मलेसियाय् बन्धक दयेका ध्यवा असुल याःगु आारोपय् छम्हेसित ज्वःगु दु।
उम्ह मनू मोरङ साबिक सुन्दरपुर स्थायी च्वम्ह र्थाैं कन्ह्य मलेसियाया टप ग्लोभ कम्पनी नेपाल कर्नर क्यान्टिन सञ्चालन याना वयाच्वम्ह डेभिड धइम्ह दुर्गाबहादुर श्रेष्ठयात ज्वःगु खः ।
वयात केन्द्रीय अनुसन्धान ब्युरो (सीआईबी) या टोलीं येँया कान्ति बाल अस्पतालपाखे ज्वःगु खः। श्रेष्ठया टोलीं मलेसियाय् ज्या याइम्ह दाङया मध्म रैदासयात अपहरण याना न्ह्यन्हु तक
बन्धक दयेका वया कला मलेसियाया थीथी नम्बरं फोन याना धम्की बिया वयाच्वम्ह खः।
डेभिड धइम्ह दुर्गाबहादुर श्रेष्ठया नामंय् बैंक खाताय् मलेसियन ६० हजार रिङगेट बिउसा जक वया भातया ज्यान बचे जुइ धका धाःगु सीआईबीया प्रमुख (डीआईजी) सहकुल थापां
जानकारी बिःगु खः। थापाया कथं पीडितया कला न फिरौती बापतया १५ लाख ९२ हजार रुपैयाँ श्रेष्ठया खाताय् पटक पटक जम्मा यागुलि जक अपहरित मनू अपहरण मुक्त जूगु धका धाःग् दु।
लुँया भाः ताुला न्यासः थहावन
शोभा श्रेष्ठ | अनलाथ्व चतुर्दशी ११४०,असोज १४ बुधवाः
लुँया भाः थौं तोला न्यासः थहावःगु दु।
म्हिगः तोला गुसः थहावःगु खःसा थौं न्यासः थहावना तोलाया ९४ हजार ७ सय रुपैयाँ कायम जुगु दु।
अथेहे वहः न थौं न्यातका थहावःगु दु।
म्हिगः तोलाया ११७५ तका जूगु खःसा थौं ११९० रुपैयाँ कायम जुगु धका नेपाल सुनचाँदी व्यवसायी महासंघ धाःगु दु।
वैदेशिक रोजगार ज्याकूथि कर्मचारीयात कोरोना संक्रमण
लहानान्युज | अनलाथ्व चतुर्दशी ११४०,असोज १४ बुधवाः
वैदेशिक रोजगार कार्यालयय् ज्यायाइम्ह कर्मचारीयात कोरोना संक्रमण खने दुगुलि श्रम स्वीकृतिया ज्या रोके जुगु दु।
वैदेशिक रोजगार कार्यालय न छगु सूचं जारी यासे मेगु सूचं पिहा मवःतले ताहचलया कार्यालय बन्द जुइ धका धाःगु दु।
उगु ज्याकूथि ज्यायाइम्ह कर्मचारीयात कोभिड १९ संक्रमण खनेदुगुलि थौं छगु सूचं पिकाःगु खः । मेगु सूचं पिहामवतले उगु ज्याकूथि दक्को प्रकारया सेवा बन्द जुगु धका जानकारी बिःगु दु।
अथेहे थप जानकारीया लागि उगु ज्याकूथिया आधिकारिक फेसबुक स्वयेत न इनाप याःगु दु।
स्वनिगलय् ९३४म्ह कोरोना संक्रमण पुष्टि
लहानान्युज | अनलाथ्व त्रयोदशी ११४०,असोज १३ मंगलवाः
वःगु २४ घण्टाय् १५१३म्ह कोरोना भाइरस (कोभिड(१९) या संक्रमण पुष्टि जूगु दु।
अथेहे स्वनिगलय् जक २४ घण्टाय् जक थप ९३४ म्हेसित कोरोना संक्रमण जूगु दु।
स्वास्थ्य तथा जनसंख्या मन्त्रालयया थौं मंगलवाः नियमित मिडिया ब्रिफिङय् येँ जक ७४७ कोरोना संक्रमण जूगु दु धका धाःगु दु।
अथेहे यलय् ११४ म्ह व ख्वपय् ७३ म्हेसित कोरोना संक्रमण जूगु दु।
म्हिगः सोमवाः ८१७ म्हेसित कोरोना संक्रमण जूगु खः।
वःगु २४ घण्टाय् १० हजार ८९१म्हेसिगु पीसीआर परीक्षण याःगु खः।
१५१३म्ह कोरोना संक्रमित, संक्रमितपि ७६ हजार थ्यन
शोभा श्रेष्ठ | अनलाथ्व त्रयोदशी ११४०,असोज १३ मंगलवाः
वःगु २४ घन्टाय् नेपालय् थप १५१३ म्ह कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया नियमित प्रेस ब्रिफिङय् थौं मंगलवाः प्रवक्ता डा जागेश्वर गौतमया कथं नेपालय् कोरोना संक्रमितपि आः ७६ हजार २५८म्ह थ्यःगु दु ।
वःगु २४ घन्टाय् जक कोरोनामुक्त जुपि ७३१ म्ह डिस्चार्ज जूगु दु ।
वःगु २४ घन्टाय् नेपालय् थप १०म्ह कोरोना संक्रमणपि सीगु दु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोना संक्रमण सीपि ४९१म्ह थ्यःगु दु।
