Display Style:
Column Style
स्वनिगलय् छन्हु ५९७म्ह कोरोना संक्रमित
लहनान्युज | ञंलागा ११ ११४०,भाद्र २८ आईतवाः
स्वनिगः दुने थप ५९७म्ह कोरोना संक्रमित खने दुगु दु । वःगु २४ घन्टाय् येँ जक ४८३म्हेसित कोरोना सक्रमण पुष्टि जुगु दु ।
अथेहे ख्वपय् ८१म्ह व यलय् ३३म्हेसित संक्रमण पुष्टि जुगु दु धका स्वास्थ्य तथा जनसंख्या मन्त्रालयं थौं आइतवाः जानकारी बिःगु दु ।
अथेहे देय् यकं २४ घन्टाय् १ हजार ३९म्हसित संक्रमण पुष्टि जूगु दु ।
२४ घन्टाय् पीसीआर परीक्षण ९ हजार १६५म्हेसिगु याःगु खः धका स्वास्थ्य तथा जनसंख्या मन्त्रालयया प्रवक्ता डा जागेश्वर गौतमं धाःगु दु । आःतक ८ लाख ४० हजार ५२७म्हेसिगु पीसीआर विधिपाखे परीक्षण याःगु धका धाःगु दु ।
थौं आइतवाः तकया तथ्यांक कथं आइसोलेसनय् च्वना वासः याना वयाच्वपि १५ हजार ११७म्ह व क्वारेन्टाइनय् च्वना च्वपि ६ हजार ५३६म्ह दु धका धाःगु दु ।
२४ घन्टाया दुने सीपि कोरोना संक्रमणपाखे गुम्ह जुुगु दु धका प्रवक्ता गौतमं धाःगु दु।
१०३९म्ह कोरोना संक्रमण, ११७३म्ह डिस्चार्ज
लहनान्युज | ञंलागा ११ ११४०,भाद्र २८ आईतवाः
वःगु २४ घण्टाय् थप १०३९म्हेसित कोरोना भाइरस (कोभिड(१९) या संक्रमण पुष्टि जूगु दु ।
देय् यकं याःगु प्रयोगशालाय् ९ हजार १६५म्हेसिगु नमुना परीक्षणय् संक्रमण पुष्टि जूगु दु ।
अथेहे ११७३म्ह थौं डिस्चार्ज जूगु दु।
नारायणकाजी श्रेष्ठ प्रकाशं कोभिड १९ स्वयंसेवा गठन
लहनान्युज | ञंलागा ११ ११४०,भाद्र २८ आईतवाः
सत्तारुढ नेपाल कम्युनिष्ट पार्टी (नेकपा) प्रवक्ता नारायणकाजी श्रेष्ठ प्रकाशं कोभिड १९ स्वयंसेवा गठन याःगु दु ।
श्रेष्ठं कोरोना संक्रमण नियन्त्रणया लागि सरकारं थःगु ज्या प्रभावकारी दयेके माः धका धाःगु दु । नाप सरकारया कुत सफल यायेगु लागि संक्रमणपाखे समाजयात बचे यायेत सकसिया थःथःगु थासं माःगु ग्वाहालि यायेगु लागि स्वयंसेवा गठन यानागु धका श्रेष्ठ धाःगु खः ।
श्रेष्ठं निजी सचिवालय अन्तरगत गठित कोभिड १९ स्वयंसेवां कोभिड उपचार सम्बन्धि प्रकिया व उद्धारय् सहजीकरणया नाप मनोसामाजिक व आपतकालीन स्वास्थ्य परामर्श बिइ ।
आप्रवासी श्रमिक उद्धार तथा सुरक्षित छेँ लिहा वयेगु लागि तक समन्वय याइ धका धाःगु दु । स्वयं सेवाया ज्या प्रभावकारी दयेकेत ¥यापिड रेस्पोन्स टिम व उप समिति तक दयेके धुकुगु दु।
लमजुङय् १६म्ह सैनिक नाप मेपि २७म्ह कोरोना पुष्टि
लहनान्युज | ञंलागा ११ ११४०,भाद्र २८ आईतवाः
लमजुङय् आइतवाः १६ म्ह सैनिक नाप मेपि २७ म्हेसित कोरोना संक्रमण पुष्टि जूगु दु ।
प्रदेश जनस्वास्थ्य प्रयोगशालाय् याःगु परीक्षणय् १६म्ह नेपाली सैनिकपिन्त न कोरोना संक्रमण पुष्टि जुगु दु धका जिल्ला प्रशासन कार्यालय लमजुङं धाःगु दु ।
उपि दक्को सुन्दरबजार नगरपालिका–९, सिउँडीबारय च्वपि नेपाली सेनाया कृषि तथा व्यवसायिक तालिम केन्द्रय् ज्यायाइपि नेपाली सेनाया उदिपुरया श्रीजंग गणया गणपति प्रमुखंं धाःगु दु ।
भदौ ६ गते पीसीआर परीक्षणया झ्वलय् उगु तालिम केन्द्रया २०म्ह कोरोना संक्रमण पुष्टि जुगु खः । नमुना सामुदायिक अस्पताल सुन्दरबजारया आइसोलेसनय् च्वपि २२ म्ह मध्ये खुम्ह कोरोना संक्रमणमुक्त जुया छेँ लिहावने धुकुगु दु । तालिम केन्द्रय् २०म्ह सैनिकपि वःगु भदौ ६ गते कोरोना पुष्टि जुया छेँय् लिहा वने धुकुगु दु ।
तालिम केन्द्रय् ज्या याइपि छम्ह सैनिक साउन २९ गते बाग्लुङय् छेँ वःगु इलय् ज्वरो वया व मुसु वगुलि अस्पताल जुगुलि पीसीआर परीक्षण याःगु इलय् कोरोना पुष्टि जुगु खः।
नेपाली सेनाय जव सतकय् जहाज गुडे हल
लहनान्युज | ञंलागा ११ ११४०,भाद्र २८ आईतवाः
म्हिगः शनिवाः बहनि येँ सतकय् नेपाली सेनाया जहाज गुडे याना हःगु खः ।
नेपाली सेनाया जहाज त्रिभुवन अन्तर्राष्ट्रिय विमानस्थलपाखे गुडे याना दरबारमार्ग पाखे नारायणहिटी संग्राहलय हःगु खः ।
भीभीआईपी सेक्युरिटीं न्हापा राजसंस्थां प्रयोग यायेगु नेपाली सेनां जहाज नारायणहिटी संग्राहलय यकूगु खः धका नेपाली सेनाया सहायकरथी तथा प्रवक्ता सन्तोष बल्लभ पौडेलं जानकारी बिःगु खः ।
नेपाली सेनाया सहायकरथी तथा प्रवक्ताया कथं जहाजया पार्टपुर्जा लिकाना गुडे याना हयाःगु धका धाःगु खः । प्रवक्ताया कथं एभ्रो एयर क्राफ्टं जहाज सतकय् गुडे याना चान्ह्यः तक नारायणहिटी संग्रालय थ्यकूगु खः ।
उगु जहाज गुडे याना यकेगु झ्वलय् तीनकुने गैह्रीधाराया मोडय् जहाज न्याःगु खः । जहाजयात न्यागु ब्बय् थला हयागु धका जानकारी बिःगु खः ।
‘आउट अफ फेज’ दुगु थुगु जहाजयात नारायणहिटी संग्राहलय थ्यका ‘एसेम्बल’ याइ धका प्रवक्ता धाःगु खः।
