Display Style:
Column Style
मास्क छ्यलेत सकाकारया इनाप
लहनान्युज | तछलागा पञ्चमी ११४०,जेठ २८ बुधवाः
सरकारं छेँय् न पिहा वनिगु इलय् मास्क तया वनेगु लागि इनाप याःगु दु ।
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमं हुलमुलय्, छेँय् न पिहा वनेगु इलय्, सार्वजनिक थासय् वनेगु इलय् व सार्वजनिक यातायातय् यात्रा याये इलय् मास्क छ्यलेत इनाप याःगु दु ।
मास्क छ्यलगु इलय् कोरोना भाइरस संक्रमणया जोखिम घटे जुइगु सरकार धाःगु दु ।
विश्व स्वास्थ्य संगठन (डब्लुएचओ) नं छेँय् न पिहा वनेगु इलय् मास्क छ्यलिगु इलय् थप सुरक्षित जूगु धका धाःगु खः ।
मास्क छुयलेत सकाकारया इनाप
क्वरेण्टीन दयेकेगु अवरोध याइपिन्त कारवाही याइगु
लहनान्युज | तछलागा पञ्चमी ११४०,जेठ २८ बुधवाः
जिल्ला प्रशासन कार्यालय काठमाण्डौं विदेश लिहा वइपि नेपाली तयेगु लागि क्वरेण्टीन दयेकेगु थाय् या विरोध मयायेत इनाप याःगु दु ।
विज्ञप्तिमार्फत जिप्रका काठमाण्डौं क्वरेण्टीनस्थल व होटल क्वरेण्टीनय् थीथी बहानाय् अवरोध जुयाच्वगु धका ध्यानाकर्षण जूगु धका धाःगु दु ।
क्वरेण्टीन व होटल क्वरेण्टीनय् अवरोध याःसा संक्रामक रोग ऐन २०२० अनुसार कारबाही जूइगु धका कार्यालयं चेतावनी बिःगु दु ।
विदेश लिहावपि तयेगु लागि सरकारं दयेके त्यःगु क्वरेण्टीन व होटल क्वरेण्टीन जःखः च्वपिन्स विरोध याःगु घटनां काठमाण्डौ जिल्ला प्रशासन कार्यालय थज्याःगु सूचं पिकागु खः ।
थौं २७९म्ह कोरोना संक्रमण, संक्रमित जूपि ४३६४म्ह थ्यःन
लहनान्युज | तछलागा पञ्चमी ११४०,जेठ २८ बुधवाः
थौं बुधवाः थप २७९म्हेसित कोरोना संक्रमण खने दुगु दु ।
स्वास्थ्य तथा जनसंख्या मन्त्रालयया कथं कुल संक्रमितपिं ४३६४म्ह थ्यःगु दु ।
उकि मध्ये २५७म्ह मिजं व २२म्ह मिसापिन्त संक्रमण खने दुगु खः ।
मन्त्रालयया प्रवक्ता डा. जागेश्वर गौतमया कथं कोरोना भाइरस संक्रमण वासः यका छेँय् लिहा वःपि ६७४ म्हथःगु गु दु ।
वःगु २४ घण्टाय् छेँय् लिहा वपि ९०म्ह थ्यःगु दु ।
सामुदायिक स्कूल प्रतिस्पर्र्धी दयेकेत मेयर शाक्यया इनाप
नृपेन्द्रलाल श्रेष्ठ | तछलागा पञ्चमी ११४०,जेठ २८ बुधवाः
येँ महानगरपालिकां रेडियो शिक्षा ज्याझ्वः न्ह्याकूगु दु । बन्दाबन्दीया इलय् बैकल्पिक माध्ययमं ब्बकेगु लागि सामुदायिक स्कूलयात प्रतिस्पर्धी दयेकेत येँ महानगरपालिकां मेट्रो एफ एमपाखे थौंनिसे आधारभूत झीगुतगि तक रेडियो शिक्षा सुरु याःगु खः ।
येँ महानगरपालिकाया प्रमुख नाप शिक्षा समितिया अध्यक्ष बिद्यासुन्दर शाक्यं थौं राष्ट्रियसभा गृहय् च्वंगु मेट्रो एफ एम ९४ बिन्दु ६ मेगाहर्जमार्फत रेडियो शिक्षा ज्याझ्वः न्ह्याकूगु दु । ‘देशय् जारी जुया च्वंगु लकडाउनया कारण नियमित ब्बकेगु सम्भव मजूगुलि छेँय् च्वना मस्तयेत बैकल्पिक शिक्षा प्रदान यायेगुु उदेश्यं येँँ महानगरपालिकां आधारभूत निसे १०गू तक रेडियो शिक्षा सुरु यानागु धका,’ मेयर शाक्यं धयादिगु दु, ‘थुकि सामान्य जीवनप्रति उत्साहित यायेत व शैक्षिक गतिबिधियात निरन्तरता बिइत ग्वाहालि जुूइगु अपेक्षा याःगु दु । वयकलं रेडियो शिक्षाया सुझाव आधारय् मेगु प्रभावकारी दयेकेगु जानकारी बियादिगु खः ।
मेयर शाक्यं रेडियो ज्याझ्वःया शुभारम्भ लिपा शिक्षा बिभागया अधिकारी व प्रधानाध्यापकपि नाप खँ ल्हाना गुणस्तरीय शिक्षाय् जोड बिइत इनाप यानादिगु दु । ‘ पूर्वाधार उपलब्धताया दृष्टिं महानगर दुने संस्थागत व सामुदायिक स्कूलया दथुइ अन्तर मयायेत वयकलं धयादिगु खः, ‘कोभिड–१९ या संक्रमण व रोकथाम नियन्त्रणया लागि जारी लकडाउनया कारण स्कूलय् शैक्षिक ज्याझ्वः आः बन्द जुया च्वंगु खः । थुगु इलय् पूर्वाधार सुधारया ज्याय् निरन्तरता बिइत इनाप यानादिगु दु ।’
येँ महानगरं येया दक्को सामूदायिक स्कूलय् छगू हे प्रकारया रंग तयेगु ज्यायात न निरन्तरता बियादिगु दु । येँ महानगरं सामुदायिक स्कूलया दुने धू मुक्त दयेकेगु, फलफुल पिउगु, लैङ्गिक तथा अपाङ्गमैत्री चःबि निर्माण यायेगु, शुद्ध लः त्वनेगु व्यवस्था यायेगु, खुला थासय् लः पुनर्भरण (रिचार्ज) ज्याझ्वः, फोहोर तयेगु थलःया ब्यवस्था, दक्को स्कूलय् बालमैत्री चित्र व महावाणी च्वयेगु व छगू हे रंग तयेगु ज्याझ्वः सञ्चालन यायेगु नीति कायेगु ज्या जूगु मेयर शाक्यं धयादिगु दु ।
येँ महानगरपालिकाया प्रवक्ता ईश्वरमान डंगोल, शिक्षा विभागया शाखा अधिकृत मोती प्रसाद भट्टराई, सूचना प्रबिधि बिभागया निमित्त प्रमुख युवराज खनालपि उपस्थिति दुगु खः ।
येँ महानगरपालिका न्ह्याका वयाच्वंगु मेट्रो एफ एम ९४ बिन्दु ६ मेगाहर्जय् न्हि न्हि आधारभूत निसे १० तक कक्षा सञ्चालन जुइ धका धाःगु दु । रेडियो शिक्षाया लागि कक्षा १ निसे ३ तक २५ मिनेट व कक्षा ४ निसे १० तक ३० मिनेटया ई उपलब्ध याःगु दु।
येँय् बँ पसः चिइकेगु अभियान न्ह्यात
शोभा श्रेष्ठ | तछलागा पञ्चमी ११४०,जेठ २८ बुधवाः
थौं कन्ह्य कोरोना भाइरस कोभिड १९ संक्रमण जुइगुपाखें बचे जुइत व थुकिया रोकथाम यायेगु लागि येँया दुनेया सहरय् च्वंगु बँ पसः –फुटफाथ) चिइकेगु अभियानयात थौं बुधवाः नं निरन्तरता ब्यूगु दु ।
येँ महानगरपालिका २४ वडाया वडा दुजः विनोद तुलाधरं बिःगु जानकारी कथं सतकय् फुटपाथय् तयातःगु बँ पसःपाखें नं कोरोना संक्रमणया आपालं ग्याःचिकु दूगुलि बँ पसः चिइकेगु अभियान न्ह्याकेमाःगु खँय् बः बियादुग खः ।
बसः पसा चिइकेगु लागि जागरुक युवा समूह नीस्वनाः छु दिं न्ह्यःनिसें येँया दुनेयाश सहरय् अब्यवस्थित रुपं सतकय् तयातःगु बँ पसः चिइकेगु अभियान न्ह्याकूगु जानकारी २४ वडाया दुजःलिसें समूहया सल्लाहाकार तुलाधरं लहनान्युजयात बियादीगु खः ।
थौं बुधवाः पसः चिइकेगु अभियानया निरन्तरता कथं सुथय् ६ ताइलय् असं त्वालय् मुनाः बँ पसः चिइकेगु अभियानय् वडाया जनप्रतिनिधिपिं, स्थानीय संघसंस्था, खलः पुचः, येँ महानगरपालिकाया नगर प्रहरी, जनपद प्रहरी, स्थानीय बासिन्दापिनिगु उपस्थिति दूगु खः ।
