Display Style:
Column Style
नेपालया न्हुगु नक्सा राजपत्रय् प्रकाशित
लहनान्युज | बछलागा आमै ११४०,जेष्ठ ९ शुक्रवाः
सरकारं जारी याःगु नेपालया राजनीतिक तथा प्रशासनिक नक्सा राजपत्रय् प्रकाशित याःगु दु ।
थों शुक्रवाः भूमि व्यवस्था तथा सहकारी मन्त्रालयं थुकियाःगु राजपत्रय् प्रकाशित याःगु दु ।
भारतं अतिक्रमण याना वयाच्वःगु लिपुलेक, कालपानी व लिम्पियाधुरायात दुथ्याका सरकारं बुधवाः न्हुगु नक्सा जारी याःगु खः ।
बुधवाः सार्वजनिक याःगु नेपालया न्हुगु राजनैतिक तथा प्रशासनिक नक्सा
मन्त्रालयया सहसचिव एवं प्रवक्ता जनकराज जोशीं मन्त्रीस्तरीय निर्णयपाखे न्हुगु नक्सा राजपत्रय् प्रकाशन यायेत मुद्रण विभागय् छ्ःगु जानकारी बिःगु खः ।
न्हुगु नक्सा छापे याना राजपत्र आइतवाः दक्को मन्त्रालय, निकाय व प्रदेश सरकार व स्थानीय तहय् राज्यया दक्को ज्याकुथिइ छ्वये त्यःगु खः ।
थप २० म्हेसित कोरोना संक्रमण
लहनान्युज | बछलागा आमै ११४०,जेष्ठ ९ शुक्रवाः
नेपालय् थप २० म्हेसित कोरोना भाइरस (कोभिड(१९) संक्रमण पुष्टि जुगु दु । थ्व नाप संक्रमित जसुपिनिगु ल्याः ५०७म्ह थ्यःगु दु ।
स्वास्थ्य तथा जनसंख्या मन्त्रालयया कथं डडेलधुरा व वैतडीइ न संक्रमण खनेदुगु दु । डडेलधुराया पराशुराम १० या २८ दँया मिजं व वैतडीइ शिवनाथ १ या २२ दँया मिजंयात कोरोना संक्रमण पुष्टि जुगु दु ।
थ्व नाप कैलालीइ न स्वम्हसित संक्रमण पुष्टि जुगु दु । जानकी गाउँपालिकाया सरस्वती माविया क्वारेन्टाइनय् च्वपि १९, २३ व २६ दँया मिजंपिन्त संक्रमण पुष्ट जुगु दु ।
अथेहे बाँकेय् १४ म्हेसित संक्रमित खनेदुगु दु । इपि १८ निसे ६१ दँया मिजंपि खः । इपि १८ दँनिसे राप्ती सोनारीया खःसा मेपि १३म्ह नरैनापुरयापि खः।
थ्व नाप मोरङया रतुवामाई २ या छम्हेसित संक्रमण खनेदुगु दु ।
बाँकेय् २१ म्ह संक्रमितपि डिस्चार्ज
लहनान्युज | बछलागा आमै ११४०,जेष्ठ ९ शुक्रवाः
बाँकेय् २१ म्ह कोरोना संक्रमितपि वास याका अस्पतालं डिस्चार्ज जुया छेँय् लिहा वःगु दु ।
बाँके खजुराया शुशिल कोइराला प्रखर क्यान्सर अस्पतालय् वास याका च्वपि २१म्ह वास याका थौं छेँय् लिहा वःगु दु ।
इमित थौं सुथय् डिस्चार्ज याःगु खः ।
आइसोलेसनय् च्वना वास याका च्वपि २८ म्ह मध्ये २१ म्ह वःगु २४ घण्टाया दुने पीसीआर टेस्टय् नेगेटिभ वःगुलि इमित डिस्चार्ज याःगु खः ।
कपिलवस्तुइ निम्ह पत्रकारयात कोरोना संक्रमण
लहनान्युज | बछलागा आमै ११४०,जेष्ठ ९ शुक्रवाः
कपिलवस्तुइ थौं शुक्रवाः निम्ह पत्रकारयात न संक्रमण पुष्टि जुगु दु । कपिलवस्तुइ थौं गुम्हेसित संक्रमण पुष्टि जुगु खः ।
थौं पुष्टि जुपि निम्ह पत्रकारपि कपिलवस्तु नगरपालिका वडा नं. ३ तौलिहवाया २९ दँयाम्ह व वाणगंगा नगरपालिका वडा नं. ८ या २४ दँयाम्ह मिजंपि खः ।
निम्ह पत्रकारपिनिगु स्वास्थ्य अवस्था सामान्य जुगु व इपि स्वास्थ्यकर्मी तयेगु सम्पर्कय् वने धुकुगु दु ।
थ्व नाप कपिलवस्तुइ कोरोना संक्रमित जुपि ६९ म्ह थ्यने धुकुगु दु ।
थप ३० म्हेसित संक्रमण, संक्रमितपिं ४८७ म्ह थ्यन
लहनान्युज | बछलागा आमै ११४०,जेष्ठ ९ शुक्रवाः
नेपालय् कोरोना भाइरसया संक्रमितपिं ४८७ म्ह थ्यःगु दु ।
थौं शुक्रवाः राष्ट्रिय जनस्वास्थ्य प्रयोगशाला काठमाडौं व भरतपुर अस्पताल चितवनय् याःगु परीक्षणय् थप ३० म्हेसित संक्रमण पुष्टि जुगु दु ।
थुपि नाप याना संक्रमित जुपि आ ४८७ थ्यःगु दु ।
थौं संक्रमण पुष्टि जुपि नवलपरासी, चितवन, कपिलवस्तु, सर्लाहीयापि जुगु धका मन्त्रालयया सहप्रवक्ता डाक्टर समिरकुमार अधिकारीं धाःगु दु ।
संक्रमितजुपि सर्लाहीया जक १५ म्हेसित खने दुगु धका मन्त्रालयं धाःगु दु ।
