Display Style:
Column Style
१०६९ म्हेसित कोरोना संक्रमणपिन्त पुष्टि
लहनान्युज | ञंलाथ्व १४ ११४०,भाद्र १६ मंगलवाः
वःगु २४ घण्टाय् १०६९ म्हेसित कोरोना संक्रमणपिन्त पुष्टि जूग दु ।
स्वास्थ्य तथा जनसंख्या मन्त्रालयया कथं १२ हजार ८८म्हेसित याःगु परीक्षणय् १०६९ म्ह संक्रमण पुष्टि जूगु दु । थ्व नाप थौं मंगलवाः तक नेपालय् कोरोना संक्रमितपि ४० हजार ५२९म्ह
थ्यःगु दु ।
वःगु २४ घण्टाय् स्वनिगलय् जक ४८१ म्हेसित कोरोना संक्रमण पुष्टि जुगु दु ।
मन्त्रालयया कथं वःगु २४ घण्टाय् कोरोना संक्रमण मुक्त जूपि ७६८ म्हेसित डिस्चार्ज याःगु दु ।
थौं मंगलवाः तक २२ हजार १७८ म्ह डिस्चार्ज जूगु दु धका मन्त्रालयं धाःगु दु ।
देय् यकं सक्रिय संक्रमितपि १८ हजार ११२ म्ह दु ।
येँ ३९३म्ह नाप स्वनिगः दुने ४८१म्ह कोरोना संक्रमित
लहनान्युज | ञंलाथ्व १४ ११४०,भाद्र १६ मंगलवाः
वःगु २४ घण्टाय् स्वनिगः दुने ४८१ म्ह कोरोना संक्रमित थपे जूगु दु ।
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमया कथं स्वनिगः दुने जक ४८१म्ह संक्रमित थपे जूगु दु ।
थौं मंगलवाः येँ जक ३९३ म्ह कोरोना संक्रमित थपे जूगु दु । अथेहे ख्वपय् ३०म्ह व यलय् ५८म्हेसित कोरोना भाइरसया संक्रमण पुष्टि जूगु दु ।
म्हिगः सोमवाःयेँ १९० म्ह, ख्वपय् ४१म्ह व यलय् ६७म्ह याना २९८म्हेसित कोरोना भाइरसया संक्रमण खने दुगु खः ।
येँ ३९३म्ह नाप स्वनिगः दुने ४८१म्ह कोरोना संक्रमित
बुटवलय् प्लाज्मा बैंक स्थापना
लहनान्युज | ञंलाथ्व १४ ११४०,भाद्र १६ मंगलवाः
थेरापी विधिबाट कोरोना संक्रमितपि उपचारया लागि बुटवलय् प्लाज्मा बैंक स्थापना याःगु दु । नेपाल स्वास्थ्य अनुसन्धान परिषद प्रदेश ५ या समन्वयय् बुटवलया रक्त सञ्चार केन्द्रय् प्लाज्मा बैंक स्थापना याःगु खः ।
कोरोना संक्रमणपाखे गम्भीर स्वास्थ्य समस्या खने दुपि बिरामीपिन्त संक्रमणमुक्त स्वस्थ मनू तयेगु हि बिया उपचारया लागि प्लाज्मा संकलन याना प्लाज्मा बैंक स्थापना याःगु खः ।
कोरोना संक्रमित थिक जुइ धुकुपि मनू तयेगु १४ दिं थ्यने धुकुपिगिु हिंपाखे आरबीसी, डब्लुबीसी व प्लेटलेट्स छुटे याना बाँकी दुगु हिया अंश अर्थात प्लाज्मा जटिल अवस्थाय् कोरोना संक्रमितपिन्त बिलकि थिक जुइगुलि नेपालय् न थ्व विधि प्रयोगय् हयेत्यःगु खः ।
केन्द्रय् जम्मा जुइगु प्लाज्मा बुटवलया धागो कारखानाय् सञ्चालित कोरोना विशेष अस्थायी अस्पतालय् भर्ना जूपि जटिल अवस्थाया संक्रमितपिन्त बिइगु जुइ धका नेपाल स्वास्थ्य अनुसन्धान परिषद प्रदेश ५ या सदस्यं धाःगु दु ।
लुँ वहःया भाः थौं न थहा वन
लहनान्युज | ञंलाथ्व १४ ११४०,भाद्र १६ मंगलवाः
लुँ भाः हाकन छगु तोलाय् १ लाख पाखे थ्यने त्यःगु दु । लुँया भाः आइतवाः निसे थहा वना च्वंगु दु ।
लुँया भाः छगु तोलाय् थौं ९८ हजार प्यसः थ्यःगु दु । म्हिगः स्वया लुँया भाः थौं गुसः थहा वःगु खः । सोमवाः छगु तोलाया ९७ हजार न्यासः थ्यःगु खः ।
छापावाल लुँ न थौं गुसः थहा वःगु दु धका नेपाल सुनचाँदी व्यवसायी महासंघं धाःगु दु । महासंघं थौं छगु तोलाय् गुसः थहा वना ९७ हजार ९ सय थ्यःगु दु ।
अथेहे वहः तोलां स्वीतक थहा वःगु दु । थौं वहः छगु तोलाय् १३९५ तका कारोवार जूगु दु ।
पूर्वन्यायाधीश चालिसे कोरोना संक्रमण मन्त
ञंलाथ्व १४ ११४०,भाद्र १६ मंगलवाः
पूर्वन्यायाधीश माधवप्रसाद चालिसे कोरोना संक्रमण मन्त ।
तन्हु न्ह्यनिसे मुटु सम्बन्धी समस्याबाट पीडितम्ह चालिसे येँया बाँसबारी च्वंगु गंगालाल हृदयरोग केन्द्रय् मदुगु खः ।
७० दँया चालिसे न्यान्हु निसे अस्पताल भर्ना जुया च्वंगु खः । वासः यायेगु झ्वलय् कोरोना संक्रमण पुष्टि जूगु खः ।
येँ महानगरपालिका वडा नम्बर ३ य् च्वम्ह चालिसे २०७० साल असार २५ गते तत्कालीन पुनरावेदन अदालत पोखराया मुख्य न्यायाधीशपाखे सेवा निवृत्त जूम्ह खः ।
