Display Style:
Column Style
थौं मन्त्रिपरिषदया बैठक च्वनिइगु
लहनान्युज | बछलागा आमै ११४०,जेष्ठ ९ शुक्रवाः
मन्त्रिपरिषदया बैठक थौं शुक्रवाः च्वने त्यःगु दु ।
प्रधानमन्त्री निवास बालुवाटारय् थौं सुथसिया १० बजे बैठक च्वने त्यःगु दु । थौंया बैठकय् कोरोना रोकथाम, विदेशय् अलपत्र जुयाच्वपि नेपाली तयेगु समस्या लगायतया विषयय् छलफल जुइ त्यःगु खः ।
छु दिं न्ह्यया बैठकय् कोरोना क्राइसिस म्यानेजमेन्ट सेन्टरया बैठकय् विदेशय् च्वनाच्वपिन्त नेपालीयात लित हयेगु मोडालिटीया विषय छलफल जुगु खः ।
थौं जुइगु मन्त्रिपरिषद बैठकय् थुगु विषय छलफल जुइगु सम्भावना दु ।
अथेहे लकडाउनया मोडालिटीइ ह्युपाः हयेगु विषयलय् न थौंया बैठकय् छलफल जुइगु न सम्भावना दु ।
स्वनिगलय् अत्यावश्यक प्रयोजनया निंतिं जक वयेबीगु
नृपेन्द्रलाल श्रेष्ठ | बछलागा चःह्रे ११४०,जेष्ठ ८ बिहिवाः
स्वनिगःया दुहांवयेगु फुक्क नाकाय् अत्यावश्यक प्रयोजनयात बाहेक मेगु दक्को सील याइगु जूगु दु ।
थौं गृह मन्त्रालयं स्वनिगःया स्थानीय तहयात निर्देशन बिउसे अत्यावश्यक ज्यायात बाहेक स्वनिगलय् वयेग वनेगु बन्द याये त्यःगु खः । गृह मन्त्री रामबहादुर थापाया अध्यक्षताय् उपत्यका मेयर फोरमया अध्यक्ष नाप येँ महानगरपालिकाया मेयर विद्यासुन्दर शाक्य नाप स्वनिगः मेयरपि नाप गृहसचिव, स्वनिगःया सुरक्षा प्रमुखपि नाप च्वंगु मुँज्यां अथे निर्णय याःगु खः ।
मन्त्रालयं स्वनिगलय् वइगु गाडीयात वइगु पनेत प्रस्थान जिल्लाया सुरक्षा निकाययात विशेष निगरानी यायेगु लागि निर्देशन बिःगु खः । स्वनिगलय् दुने यदि सुं नं मनू थन वयेमाःसा उम्ह मनूखं आरडीटी परीक्षण याःगु रिपोर्ट क्यनाः अनुमतिया निंतिं माग यायेफइगु खँ न्ह्य थना तःगु दु । नापं स्वनिगःया प्रवेश नाकाय् चेकजाँच व निगरानीइ थप कडाई यायेत धाःगु दु ।
स्वनिगलय् सुला सुला मनूत दुहां वयाच्वलि अज्यागु ज्या पनेगु निंतिं स्वनिगःया स्थानीय तहं स्थानीय प्रशासनयात कानूनी कारवाहीया प्रक्रिया न्ह्याकेत नं मन्त्रालयं निर्देशन बिःगु खः ।
स्वनिगलय् स्थानीय तह नं स्थानीय प्रशासन नाप समन्वय यानाः स्थानीय होटल, पार्टी प्यालेस, सामुदायिक भवनय् क्वारेन्टाइन दयेकेगु व्यवस्थापनया ज्या न्ह्याकेत निर्देशन बिःगु खः ।
वःगु जेठ १ गतेय् जुगु छलफलय् उपत्यकाया जनप्रतिनिधिपिं गृहमन्त्री रामबहादुर थापा वादल नाप उपत्यका नगरपालिका फोरमइा अध्यक्ष नाप येँ महानगरपालिकाया मेयर बिद्यासुन्दर शाक्य यल महानगरपालिका, ख्वप नगरपालिका, चन्द्रागिरी नगरपालिका, ताराकेश्वर नगरपालिका, टोखा नगरपालिका, शंखरापुर नगरपालिका, दक्षिणकाली नगरपालिका व सुर्य्िवनायक नगरपालिकाया मेयरपि सहभागी दुगु खः ।
थप गुम्ह कोरोना संक्रमण पुष्टि
लहनान्युज | बछलागा चःह्रे ११४०,जेष्ठ ८ बिहिवाः
झापाय् च्याम्ह नाप मेपि गुम्हेसित कोरोना भाइरस (कोभिड(१९) संक्रमणया पुष्टि जुगु दु ।
स्वास्थ्य तथा जनसंख्या मन्त्रालयया कथं कचनाकवल गाउँपालिकाया लक्ष्मीप्रसाद देवकोटा मावि याःगु क्वारेन्टाइनय् च्याम्हेसित कोरोना संक्रमण पुष्टि जुगु दु ।
इपि १७ दँ निसे ५५ दँयापि खः । अथेहे रुपन्देहीया २७ दँया छम्ह मिजंयात न संक्रमण पुष्टि जुगु दु ।
थ्व नाप संक्रमित जुपि ४५३ म्ह थ्यःगु दु छ । संक्रमित जुपि मध्ये ३८३ म्ह मिजं व ७० म्ह मिसापि खः ।
टेकु अस्पतालं प्यम्ह कोरोना संक्रमितपि डिस्चार्ज
लहनान्युज | बछलागा चःह्रे ११४०,जेष्ठ ८ बिहिवाः
येँया टेकुइ शुक्रराज ट्रपिकल तथा सरुवा रोग अस्पतालं प्यम्ह कोरोना भाइरस संक्रमितपि थौं बिहीवाः डिस्चार्ज जुगु दु ।
इमिगु निगु रिपोर्ट नेगेटिभ वःगुलि डिस्चार्ज जुगु खः । थौं डिस्चार्ज जुपि निम्ह ख्वपया व निम्ह येँ च्वपि खः ।
टेकु अस्पतालय् वःगु वैशाख ३१ गते ख्वपया छम्ह मिजं व येँयाम्ह छम्ह मिसा भर्ना जुगु खः ।
अथेहे संक्रमित जुम्ह छम्ह सशस्त्र प्रहरी न अन भर्ना जुगु खः ।
थ्व नाप याना कोरोना भाइरसया संक्रमणपि वास याका डिस्चार्ज जुपि ४९ म्ह थ्यःगु दु ।
झापा, धनकुटा व सुनसरीइ १७म्ह कोरोना संक्रमित
लहनान्युज | बछलागा चःह्रे ११४०,जेष्ठ ८ बिहिवाः
नेपालय् थौं हाकन झापा, धनकुटा व सुनसरी जिल्लाय् मेपि १७ म्हेसित कोरोना संक्रमित खनेदुगु दु । थ्व नाप नेपाय् कोरोना संक्रमण पुष्टि जुपि भएकाहरुको संख्या ४४४ म्ह थ्यःगु दु ।
झापाया कचनाकवल गाउँपालिकाय् १५म्हेसित कोरोना भाइरस संक्रमण पुष्टि जुगु दु । स्वास्थ्य तथा जनसंख्या मन्त्रालयवया सहप्रवक्ता समिर कुमार अधिकारी कथं कचनाकवल गाउँपालिकाया वडा नम्बर ३, ६ व ८ य् कोरोना संक्रमित खने दुगु दु ।
अथेहे, धनकुटा छम्ह ३४ दँया मिजं व सुनसरी धरान उपमहानगरपालिय् ५१ दँया छम्ह मिसायात न कोराना पुष्टि जुगु दु धका मन्त्रालयं धाःगु दु ।
इमिगु बीपी कोइराला स्वास्थ्य विज्ञान प्रतिष्ठान धरान व प्रादेशिक जनस्वास्थ्य प्रयोगशाला विराटनगरय् परीक्षणय् झींन्ह्यम्हेसित संक्रमित खनेदुगु खः ।
इमिगु स्वास्थ्य सामान्यय् जुगु इपि दक्को स्वास्थ्यकर्मी नाप स्वापू तयाच्वंगु धका मन्त्रालयं धाःगु दु ।
