Display Style:
Column Style
यलय् आरोग्य फाउन्डेसन व निदान अस्पतालय् सिल
लहनान्युज | बछलागा षष्ठी ११४०, बैसाख ३१ बुधवाः
पुच्वःया आरोग्य फाउन्डेसन व निदान अस्पतालय् न थौं सिल याःगु दु ।
आरोग्य फाउन्डेसनय् ज्या याइम्ह छम्ह नर्सयात मंगलवाः कोरोना भाइरस (कोभिड–१९) संक्रमण पुष्टि जुगु खः ।
वया कन्ह्य कुन्हु हे छगु हे भवनय् दुगु फाउन्डेसन नाप निदान अस्पतालय् न सिल याःगु खः ।
कोरोनाया सम्भावित संक्रमणयात जोखिम म्हो यायेत स्वास्थ्य संस्था दुगु भवन न सिल याःगु धका प्रहरीं धाःगु खः ।
थौं बुधवाः सुथय् उगु छेँय् सिल यासे अन सुरक्षाकःमिपिन्स सुयात न छ्वःगु मदु ।
कोराना संक्रमण खने दुगु थासय् प्रहरीं सिल यात
लहनान्युज | बछलागा षष्ठी ११४०, बैसाख ३१ बुधवाः
ख्वपय् कोराना संक्रमण खने दुगु नि थाय् प्रहरीं सिल याःगु दु ।
म्हिगः मंगलवाः दुवाकोटय् छम्ह मिजं व मध्यपुर थिमि नगरपालिका, शंखधर चुकय् छम्ह मिसा याके कोरोना संक्रमण पुष्टि जुगु खः ।
संक्रमण पुष्टि जुगु थाय् थौं बुधवाः सुथय् हे प्रहरीं दुवाकोट व शंखधर चुकया जःखः सिल याःगु दु ।
ख्वपय् नर्स ज्या याना च्वम्ह सुनसरीं वया पासा नाप च्वना च्वम्ह खः ।
पासाम्ह न ख्वपया स्वास्थ्य संस्थाय् ज्या याना वयाच्वम्ह खः ।
दुवाकोटय् संक्रमित जुम्ह मिजंम्ह सशस्त्र प्रहरी जुगु दु ।
थौं चान्हय् ५.३ रेक्टरया भुखाय् ब्बल
लहनान्युज | बछलागा षष्ठी ११४०, बैसाख ३१ बुधवाः
थौं चान्हय् भुखाय् ११ः५३ बजे भुखाय् ब्वःगु दु ।
थौं ब्बःगु भुखाय् दोलखाय् केन्द्रविन्दु जुयाः ब्वःगु खः ।
राष्ट्रिय भूकम्प मापन केन्द्रया कथं दोलखाय् केन्द्र विन्दु जुया् ५.३ रेक्टर स्केलया भुखाय ब्बःगु धका जानकारी बिःगु दु ।
येँ व ख्वपय् न खनेदत, देय्न्यंक थप २६म्ह संक्रमित
लहनान्युज | बछलागा षष्ठी ११४०, बैसाख ३१ बुधवाः
५७म्हेसित खनेदुगु कोरोना संक्रमणय् येँ व ख्वपय् न न्हूपिं संक्रमितत खनेदुगु दु । अथे संक्रमण जूपिं येँ छम्ह व ख्वप जिल्लाय् निम्ह जूगु पुष्टि जूगु दु ।
संक्रमितत खनेदुपि येँ १म्ह, ख्वपय् २ म्ह, पर्साय् १८म्ह, महोत्तरीइ २म्ह, धनुषाय् २म्ह व सर्लाहीलय् १म्हेसित संक्रमण जूगु दु ।
स्वास्थ्य तथा जनसंख्या मन्त्रालयय् बिःगु जानकारी कथं येँय् ३३दँया मिसा व ख्वपय् २५दँया मिसा व २७दँया मिजंयात संक्रमण जूगु दु ।
अथेहे पर्सा जिल्लाय् २२, २८, २८, ३२, ४५, ६०दँया मिसात व १६, २२, २४, २५, २५, २८, २८, ३२, ५९, ५५, ६१ व ६१दँया मिजंतय्त संक्रमण जूगु दु ।
नापं महोत्तरी जिल्लाय् १६ व ३५दँया मिजं, धनुषा जिल्लाय् २०दँया मिसा व ४०दँया मिजं व सर्लाहीलय् ४५दँया मिजंयात कोरोनाया संक्रमण जूगु दु ।
नेपालय् मुक्कं संक्रमिततय् ल्याः २१७म्ह थ्यंगु दु ।
सडक छायपीगु ज्याय् येँ महानगर
बिराजकाजी राजोपाध्याय | बछलागा पञ्चमी ११४०
थीथी कथंया माग तयाः माइतिघर मण्डला व वया जःखःया क्षेत्रय् लकडाउनया इलय् तकं भिडभाड हे जुइगु याः । मंगलबाः नं अन छपुचः मुनाच्वंगु खनेदत, तर मेपिं मखु नगर प्रहरी ।
उपिं अन छुं नाराबाजी या आन्दोलन यायेत मुंगु मखसें सडक जःखः सिथय्, अले दथुइ अप्वयावःगु घाय्, मा चायेगु, झार पुयाः सडकयात चिटिक्क दयेकेगु अभियानय् जाःगु खः ।
लकडाउन न्ह्याःगुलिसें कोरोना संक्रमणयात महानगर क्षेत्र दुने न्यंकेमबीत सार्वजनिक थासय् कीटनाशक वासः छ्वाकेगु, लखं सडक च्वयेकेगु, बु्रमरं सडक यायेगु थुज्वःगु ज्या यानावःगु येँ महानगरपालिकां न्ह्याकूगु थुगु अभियानय् मंगलबाः करीब ४०म्ह धइथें नगर प्रहरी सामाजिक दुरी कायम तसें यचुपिचु अभियानय् सक्रिय जुल ।
लकडाउनलिसं सडक सिथय् व दथुइ माया कचा पिहांवयाः सडकया सौन्दर्य स्यंकेधुंकाः छाँटकाट यायेगु, झार पुइगु, सीधुंकूगु मा पुइगु थुज्वःगु ज्या न्ह्याकागु नगर प्रहरी प्रमुख धनपति सापकोटां जानकारी बियादिल ।
‘न्हापांगु चरणय् अरनीको राजमार्ग अन्तर्गत माइतीघर मण्डलानिसें तीनकुनेतक्कया क्षेत्रय् लाःगु सडकया जःखः सिथय् व दथुइ थहांवःगु माया कचा छाँटकाट यायेगु, झार पुइगु व सडकया सौन्दर्य कायम तयेगु योजना लिसें ज्या न्ह्याकागु दु’ सापकोटां धयादिल । ‘आःया निन्हु स्वन्हु दुने तीनकुनेतक्क क्लीयर यायगु योजना दु ।’
सापकोटां लकडाउनया इलय् सडक बेवारिसे त्वःतेबलय् सहरी सौन्दर्य हे स्यनीगु जूगुलिं यचुपिचुया ज्यायात प्राथमिकता बियागु धयादिल ।
वय्कलं न्हापांगु दिनय् हे छाँटकाँट यानागु हः, कचा, बँय् झार पुयाबलय् पिहांवःगु गुंगू ट्रिपर फोहोर टेकु छ्वयागु जानकारी बियादिल । ‘क्यबय् ज्या याइपिं पासापिन्सं जिमि प्रहरीतयत ज्या स्यनाबिल । वय्कःपिनिगु निर्देशन कथंसामाजिक दूरी कायम तसें सकसिनं ज्या यात ।’
थ्वयां न्ह्यः सहरयात हे कुरुप दयेकीगु कथं लालाःथे तयातःगु १३द्वः स्वयां आपाः तपाःगु चिपाःगु बोर्ड, ४४पाः तपाःगु होर्डिङबोर्ड चीकेधुनागु नं सापकोटां धयादिल । ‘जिमिसं ९ मिटर च्वयया सडकया दक्वं होर्डिङबोर्ड क्लीयर यानागु दु । आः चिब्यागु सडकय् दुहावने ।’
