Display Style:
Column Style
आपूर्ति व्यवस्था अपुइकेगु मेयर शाक्यया कुतः, सरोकारवालानाप सहलह
नृपेन्द्रलाल श्रेष्ठ | चौलागा चतुर्दशी ११४०, बैसाख १० बुधवाः
येँ महानगर दुने आपूर्ति व्यवस्था अपुकेगु लागि येँ महानगरपालिकां सरोकारवालानाप सहलह न्ह्याकुगु दु । कोरोना भाइरस रोकथाम तथा नियन्त्रणया लागि सरकारं जारी याःगु लकडाउन लम्वे जुगुलि आपूर्ति व्यवस्थाय् छु भचा असहज जुगुलि सहज यायेत येँ महानगरपालिकां सरोकारवालापि नाप सहलह न्ह्याकुगु दु ।
येँ महानगरपालिकाया मेयर बिद्यासुन्दर शाक्यया अगुवाइलय् जुगु उगु सहलहलय् महानगरपालिकाया प्रमुख प्रशासकीय अधिकृत एकनारायण अर्याल, काठमाडौँ जिल्लाया प्रमुख जिल्ला अधिकारी जनकराज दाहाल, सहसचिव राजेश्वर ज्ञवाली लगायतपिन्स न ब्बति कयादिगु खः ।
उगु बैठकय् येँ महानगरपालिकाया मेयर शाक्यं महानगर दुने आपूर्ति व्यवस्थाय् एक रुपता हयेगु विषयय् सहलह जुगु धका जानकारी बियादिगु खः । ‘लकडाउनया इलय् आपूर्ति व्यवस्थाय् एक रुपता कायम यायेगु आर्थिक गतिविधियात चलायमान दयेकेइगु विषयय् यक्को जोड बियाःगु,’ मेयर शाक्यं धयादिगु खः, ‘आः लकडाउनया अवस्थाय् अतिविपन्न, असाहय व मजदुरयात जक राहतया व्यवस्था यायेगु मखु थः हे न्यायेफुपिन्त न वातावरण दयेके बिइमाःगु अवस्था दु । थुगु विषयय् जिमिसं गम्भीर जुया सहलह याना फयाफतले सहज वातावरण निर्माण यायेगु जुइ ।’
उगु सहलहयु मेयर शाक्यं आः येँ महानगरपालिकापाखे जक ६२ द्धः ७२२ म्हसित राहत बिइ धुन व १४ द्धः व ५१७ म्हसित जा नका च्वनागु जानकारी न बियादिगु खः । ‘येँ महानगरपाखे थुलि मछि मनू तयेत राहत वितरण यानागु व जा नकेगु ज्या जुगु धका धयादिसे, ‘थुलि याना न नयेगु समस्या वया गामय् वनेत बाध्य जुगु बुखँ वयाच्वगु दु धका धयादिसे । नयेगु समस्या याना गामय् वनेगु अवस्था बिइ मखु धका जिमिसं पटक–पटक धया वयाच्वनागु दु, आः न सुयात नयेगु समस्या दु सा नकेत जिमि तयार दु धका धयादिगु दु ।’
मेयर शाक्यं आतक येँ महानगरपालिका दुने ८५६ म्हसित र्यापिड टेष्ट यायेगु झ्वलय् दक्को सिगु रिपोर्ट नेगेटिभ वःगु आतक याःगु अवस्थाय् येँय् सुरक्षित दु, हथाय् चाया स्वनिगः पिहा मवनेत न महानगरवासीयात इनाप याःगु दु । महानगरपालि दुनेया पसः गुवलय् वडां गुवलय् प्रहरीं बन्द यायेगु व गुुवलय् चायेकेगु बिइगुलि समस्या वःगुलि समन्वय याना न्ह्या वनेगु जुइ धका धयादिगु दु ।
लकडाउनयात पूर्णतयाः पालना यानादिगुलि व्यवसायीपिन्स सकारात्मक भूमिका म्हितुगु धका मेयर शाक्य सुभाय् न बियादिगु दु ।
उगु सहलहलय् प्रहरी नायब महानिरीक्षक (डिआइजी) विश्वराज पोखरेल, उद्योग परिसंघया अध्यक्ष शतिशकुमार मोर, अफ कमर्शया अध्यक्ष राजेशकाजी श्रेष्ठपिनिगु सहभागी दुगु खः ।
भोजपुरय् नं खनेदत कोरोनाया संक्रमण
लहनान्युज | चौलागा चतुर्दशी ११४०, बैसाख १० बुधवाः
भोजपुरय् छम्हेसित कोरोना भाइरसया संक्रमण खने दुगु दु ।
भोजरपुरया हथुवागढीया २६ दँ दुम्ह मिजंम्हेसित कोरोनाया संक्रमण जूगु पुष्टि स्वास्थ्य तथा जनसंख्या मन्त्रालयं याःगु दु ।
धरानय् बीपी कोइराला स्वास्थ्य प्रतिष्ठानय् जूगु उगु परिक्षणय् उम्ह मिजंया रिपोर्ट पोजेटिभ वःगु खः ।
थौं हे उदयपुर व जनकपुरय् नं छम्ह छम्हेसित कोरोनाया संक्रमण जूगु खः ।
थ्वनापं आः नेपालय् कोरोना जूपिनि ल्याः ४८ म्ह थ्यंगु दु ।
नेपालय् मेपि स्वम्ह कोरोना संक्रमण पुष्टि
लहनान्युज | चौलागा चतुर्दशी ११४०, बैसाख १० बुधवाः
नेपालय् हाकन मेपि स्वम्ह कोरोना भाइरस (कोभिड(१९) या संक्रमण पुष्टि जुगु दु ।
स्वास्थ्य तथा जनसंख्या मन्त्रालयया प्रवक्ता डा. विकास देवकोटां कथं २४, ६० व ७२ दँया मिजंत कोरोना संक्रमण खने दुगु दु ।
इपि उदयपुरया त्रियुगा नगरपालिका ३ भुल्केया नुरी मस्जिदय् च्वपि जमातीपि पुचः जुगु दु ।
मस्जिदय् च्वपि १६ म्ह जमती मध्ये १२ म्ह ११ भारतीय व छम्ह नेपाली) वैशाख ५ गते कोरोना संक्रमण पुष्टि जुगु खः ।
उकिया हाकन कन्हय कुन्हु मेम्ह छम्ह नेपालीयात संक्रमण खने दुुगु खः ।
संक्रमण खने मदुपि स्वम्हेसित टाँडीइ नेपाली सेना क्वारेन्टाइनय् तया तःगु खः । इमित न संक्रमण पुष्टि जुुगु दु धका स्वास्थ्य मन्त्रालयया प्रवक्ता डा. देवकोटां धाःगु खः ।
थ्व नाप नेपालय् कोरोना संक्रमितपिनिगु ल्याः ४५ म्ह थ्यःगु दु । उकि मध्ये न्ह्यय्म्ह वास याका छेँय् लिहा वने धुकुगु दु ।
कोरोनाया कारणं स्वनिगः त्वतिइपि अप्वोल
लहनान्युज | चौलागा चतुर्दशी ११४०, बैसाख ९ मंगलवाः
सरकारं घोषणा याःगु लकडउानया कारणं स्वनिगलं पिहांवनीपिं मनूत ल्याः अप्व जुया वना च्वंगु दु ।
जिल्लाया जनप्रतिनिधि तयेगु संयोजनय् जिल्लाय् छेँय् यंकेगु व्यवस्था जूगुलिं थौं मंगलवाः कोटेश्वर व कलंकीइ मनूतय् हुल जुगु दु ।
कोटेश्वर व जडिबुडी उगु थासय् दोलखा, रामेछाप, सिन्धुपाल्चोक वनीपिनि भीड जूगु दु । अथेहे कलंकीपाखे गुल्मि, अग्राखाँची, धनगढीइ वनीपिं मनूत यक्को दु ।
कोरोना संक्रमित ल्याः ४१ म्ह थ्यन
लहनान्युज | चौलागा चतुर्दशी ११४०, बैसाख ९ मंगलवाः
उदयपुरय् मेपि १० म्ह संक्रमण पुष्टि जुगु दु । थ्व नाप नेपालय् कोरोना संक्रमित जुपिनिगु ल्याः आः ४१ म्ह थ्यःगु दु ।
उदयपुरया त्रियुगा नगरपालिका च्वपिन्त कोरोना संक्रमण जाँच यायेगु लागि येँया राष्ट्रिय जनस्वास्थ्य प्रयोगशालाय् निम्ह व धरानया बीपी कोइराला स्वास्थ्य विज्ञान प्रतिष्ठानय् च्याम्हसित
कोरोना संक्रमण पुष्टि जुगु स्वास्थ्य तथा जनसंख्या मन्त्रालयया प्रवक्ता डा. विकास देवकोटा जानकारी बियादिुगु दु ।
थ्व नाप नेपालय् कोरोना संक्रमितपि ४१ म्ह थ्यःगु दु ।
