Display Style:
Column Style
थौं या फोटो फिचर
लहनान्युज | चौलागा षष्ठी ११४०, बैसाख १ सोमवाः
येँ मनपां निःशुल्क एम्बुलेन्स सेवा सुरू यात
नृपेन्द्रलाल श्रेष्ठ | चौलागा षष्ठी ११४०, बैसाख १ सोमवाः
हलियकं महामारीं रूपं फैले जुयाच्वंगु कोरोना भाइरस (कोभिड–१९) रोकथामया लागि सरकारं देय् यक लकडाउन याःगु कारण विशेष परिस्थितियात ध्यान तया नगरवासीया सुविधाया लागि येँ महानगरपालिकां थौं निसे निःशुल्क एम्बुलेन्स सेवा सञ्चालन याःगु दु ।
कोरोना भाइरस संक्रमित बाहेक मेगु स्वास्थ्य समस्या जुपि नगरवासीयात छेँय् न अस्पतालय्, अस्पतालं छेँय् व छगु अस्पताल मेगु अस्पतालय् यक्केत लागि थुगु सेवा संचालन यायेगु निर्णय
महानगर याःगु दु । थुकिया लागी येँ महानगरपालिका व संयुक्त एम्बुलेन्स चालक संघ, नेपाल काठमाडौं जिल्ला कार्यसमितिया सहकार्य यायेगु लागि थौं छगु सम्झौता याःगु दु ।
थुगु सेवां महानगरवासीं आः निशुल्क सेवा काये फइगु जुगु दु । थ्व निःशुल्क सेवा महानगरया को भौगौलिक सीमा स्वया २ कि.मि. तापाक्क तक काये फइ । येँ महानगर स्वया निगु किमि तापाक्क च्वपिन्स धाःसा आवश्यक शुल्क बिइ माःगु प्रावधान तया तःगु दु ।
थुगु सेवाया लागि न्यागः एम्बुलेन्स २४ सै घन्टा उपलब्ध जुइगु व सेवा बिउगु बापत एम्बुलेन्स सेवां सेवाग्राही नाप छु न मेगु शुल्क कायेगु व नाइँनास्ती, भाः याये मदइगु थुगु सम्झौताय् उल्लेख दु । थुगु सेवाया लागि कामपाया टोल फ्रि नं. ११८० य् स्वापु तया थुगु सेवा काये फइ ।
कोरोना भाइरसपाखे संक्रमित ल्वगियात महानगरपालिकाया सहकार्यय्् सञ्चालित नेपाल एम्बुलेन्स सेवा–१०२ न्हापानिसे दु । १०२ या एम्बुलेन्स थौंकन्ह्य कोरोना भाइरस ल्वगियात छुटे याना मेपि ल्वगियात येँ महानगरपालिकां मेगु थप सुविधा व्यवस्था याःगु खः । कामपां थुगु सेवा नुगः ल्वय् न्हिन्हि डायलसिस याये माःपि चिनि ल्वय्या ल्वगि तयेत फाइदा जुइगु बिस्वास महानगरपालिका याःगु दु ।
येँ महानगरपालिकाया मेयर विद्यासुन्दर शाक्यं थौंकन्ह्य लकडाउनया कारण येँं महानगरपालिका दुने न्हापागु प्राथमिकताय् तया ज्या न्ह्याकेगु जुइ धका धयादिगु दु ।
पेप्सिकोलाय् छगु परिवारय् स्वम्हसित आशका
लहनान्युज | चौलागा षष्ठी ११४०, बैसाख १ सोमवाः
पेप्सिकोलाय् सनसिटी अपार्टमेन्टय् छगु हे परिवारय् स्वम्र्हे यापिड टेष्टमा पोजेटिभ वःगुलि अस्पताल भर्ना जुगु दु ।
इमित पाटन अस्पतालय् भर्ना याःगु दु । पीसीआर विधिपाखे नमुना संकलनय् इमिगु थ्रोट स्वाब याःगु दु ।
अपार्टमेन्टको ए ब्लकय् च्वना च्वम्ह इपि २८ दिं न्ह्यः बेलायतं थःन वपि खः । इपित लक्षण खनेदुगुर्लि यापिड टेष्ट काःगु खः ।
इपि स्वम्ह आशंकितयात अस्पतालय् यकिगुलि प्रहरीले सनसीटी अर्पाटमेन्टय् च्वपि मनू तयेत दुने पिने वनिगु हे सिलबन्दी याःगु दु ।
आः अपार्टमेन्ट दुने प्रहरी पाः तया तःगु दु ।
स्वयम्भुया भुइख्यल जा नकेगु यानाच्वंगु दु
लहनान्युज | चौलागा षष्ठी ११४०, बैसाख १ सोमवाः
येँ महानगरपालिका वडा नं. १५ य् न्हि न्हि असाहय, बिपन्न, न्हिया न्हिथं ज्यायाइपि मजदुरी तयेत जा नका च्वंगु दु ।
सरकारं याःगु लकडाउनया कारण थौं कन्ह्य न्हिया न्हिथ ज्या याइपिनिगु नयेत समस्या जुया वयाच्वंगु दु ।
स्वयम्भुया भुइख्यल येँ महानगरपालिका इमित सुथय नकेगु याना वया च्वंगु खः ।
इमित जा नकेगु लागि नेपाली सेना रेञ्जर रेजिमेन्ट छाउनीपाखे रासनया ग्वाहालि याःगु खः ।
उगु नयेगु सामाग्री रेञ्जर रेजिमेन्टया गणपति राजेश बिक्रम शाहीं १५ वडा अध्यक्ष नाप कामपा प्रवक्ता ईश्वरमान डंगोलयात हस्तान्तरण याःगु दु ।
थौं स्वयम्भुया भुइख्यल १ बजे तकया दुने १५० म्ह स्वया अप्वो मनू तयेत जा नके धुकुगु दु । न्हिन्हि अन ११ बजे निसे नका बयाच्वंगु दु ।
कोरोना महामारीया इलय् राष्ट्रिय म्ये न्हुगु दँया सुरुवात
नृपेन्द्रलाल श्रेष्ठ | चौलागा षष्ठी ११४०, बैसाख १ सोमवाः
दकोरोना भाइरस संक्रमणया महामारीया इलय् नेपाली राष्ट्रिय म्ये हाला २०७७ दँया सुरुवातया याःगु दु ।
थौं चिकिसत्क, स्वास्थ्यकःमि, सुरक्षाकःमि व अत्यावश्यक सेवाय् खटे जुपिनिगु सम्मानय् नेपाःमि तयेस सोमवाः सुथय् ८ बजे राष्ट्रिय म्ये हाःगु खः ।
सुरक्षाकर्मी, कर्मचारी, पत्रकार, सर्वसाधारण लगायतपिन्स सुथय् ८ बजे थःथःगु थासे दना राष्ट्रिय म्ये हाःगु खः । राष्ट्रिय म्ये लिपा लाबा थायेगु याःगु खः ।
म्हिगः आइतवाः प्रधानमन्त्री केपी शर्मा ओलीं कोरोना भाइरसया संक्रमण रोके यायेत चाःन्हि खटे जुपि निगु सम्मानय् राष्ट्रिय म्ये हालिगु व लावा थायेगु लागि सकसित आह्वान यानादिगु खः ।
थौं सिंहदरबार न्ह्यने बग्गीखानाय् ट्राफिक प्रहरीपिन्स ल्हाति राष्ट्रिय ध्वाय् ज्वना राष्ट्रिय म्ये हाःगु खः ।
