Display Style:
Column Style
लुँया भाः थौं खु द्धः क्वहा वल
लहनान्युज | गुंलागा ८ ११४०, साउन २८ बुधवाः
लुँया भाः छन्हु हे खुद्धः ध्यवा क्वहा वःगु दु । मंगलवाःया तुलनाय् तोलाय् हे ६ हजार व निसः क्वहा वःगु दु धका नेपाल सुन चाँदी व्यवसायी महासंघ धाःगु दु ।
मंगलवाः नेपाःया लुँया बजारय् छगु तोला छगु लाख व १६०० ध्यवा खःसा थौं बुधवाः छगु तोलाय् ९५ द्धः व प्यसः थ्यःगु दु ।
छन्हु हे तोलाय् ६ हजार व निसः क्वहा वःगु थ्व न्हापागु पटक जूगु धका महासंघया महासचिव धर्मसुन्दर बज्राचार्य धाःगु दु ।
महासंघं तेजाबी लुँया भाः ९४ हजार व गुसः थ्यःगु दु ।
अथेहे वहः तोलां १२१० ध्यवा कायम याःगु दु ।
पाटन अस्पतालय् कोरोना छम्ह मन्त
लहनान्युज | गुंलागा ८ ११४०, साउन २८ बुधवाः
वःगु चान्ह्यः यलया पाटन अस्पतालय् वासः याका वयाच्वम्ह जनकपुरया ३८ दँया मिसा मदुगु दु धका अस्पतालं धाःगु दु ।
वःगु साउन १८ गते अस्पताल भर्ना जूम्ह उम्ह मिसा आईसीयूय् वासः याका वयाच्वम्ह खः । वयाःगु वासः याकेगु झ्वलय् चान्ह्य मदुगु खः ।
स्वास्थ्य तथा जनसंख्या मन्त्रालयय् थुकिया बारेय् नियमित पत्रकार सम्मेलनय् जानकारी बिइ ।
आः तक ४ लाख ६२ हजार ६९८म्हेसिगु पीसीआर परीक्षण याये धुकगुलि २३ हजार ९४८म्हेसित कोरोना पुष्टि जुइ धुकुगु दु ।
उकि मध्ये १६ हजार ६६४ म्ह वासः याना छेँय् लिहा वने धुकुगु दु । आःतक ७ हजार २०१ म्ह आइसोलेशनय् दु धका मन्त्रालयं जानकारी बिःगु दु ।
किस्ट अस्पतालय् मदुम्ह मिसायात कोरोना पुष्टि
लहनान्युज | गुंलागा ८ ११४०, साउन २८ बुधवाः
यलया ग्वार्को किस्ट मेडिकल कलेजय् मदुम्ह छम्ह मिसा कोरोना परीक्षण रिपोर्ट पोजेटिभ वःगु दु ।
येँया टेकुइ ७८दँ मिसा मंगलवाः चान्ह्यःया १ः१५ बजे मदुगु धका किस्ट अस्पतालया चिफ अपरेटिङ अफिसरं जानकारी बिःगु खः ।
वयागु बुधवाः सुथय् कोरोना परीक्षण रिपोर्ट पोजेटिभ वःगु धका धाःगु खः ।
वयात वःगु साउन २६ गते पाटन अस्पतालं किस्टय् रिफर याःगु खः ।
वयात ज्वरो, झाडा जुगु व वान्ताया समस्या वःगु खः ।
फोनिजं ‘फोनिज अवार्ड’ व अक्षयकोषया घोषण यात
नृपेन्द्रलाल श्रेष्ठ | गुंलागा ८ ११४०, साउन २८ बुधवाः
नेपाल आदिवासी जनजाती पत्रकार महासंघ (फोनिज) केन्द्रिय समितिं थःगु २१ क्वःगु स्थापना दिवसया लसताय् नीगु लाखया ‘फोनिज अवार्ड’ व नीगु अक्षयकोषया स्थापना घोषणा याःगु दु ।
फोनिजया महासचिव मनोज घर्तिमगर ंस्थापना दिवसया लसताय् फोनिजया संगठनात्मक जीवनय् दकलय् महत्वपूर्ण ज्या सावित जुइ कथं नीगु नीगु लाखया निगु ज्या अक्षयकोषया स्थापना व वे फोनिजया फोनिज अवार्ड जूगु धका धयादिगु खः ।
भबिष्यय् नीगु नीगु लाख थ्यकिइगु कथं आः झीगु झीगु लाख जम्मा यानागु धका धयादिगु खः । १० लाखं ‘आदिवासी जनजाति राष्ट्रिय पत्रकारिता पुरस्कार (फोनिज अवार्ड) अक्षयकोष’ व १० लाखं ‘आदिवासी जनजाति पत्रकार सहयोग अक्षयकोष’ स्थापना यानागु दु धका महासंघया अधक्ष्य डण्ड गुरुङ्गं घोषणा यानादिगु खः ।
थौं कन्ह्य हलियकं महामारी कोरोना भाइरसया कारण तःजिक मयास्ये सचिवालय सदस्यपिनिगु उपस्थितिइ भर्चुअल ज्याझ्वः याना २१क्वःगु स्थापना दिवस हःगु खः ।
स्थापना दिवसया लसताय् कोरोना महामारीया कारण थीथी समस्या वयाच्वंगुलि फोनिजया संस्थागत सदस्य संस्था, प्रदेश समिति व देय् यकंया शाखाय् आर्थिक ग्वाहालि याःगु खः ।
फोनिजया स्थापना दिवसया भर्चुअल ज्याझ्वलय् मूपाँहा आदिवासी जनजाति उत्थान राष्ट्रिय प्रतिष्ठानया उपाध्यक्ष गोकुल घर्तीमगर, फोनिजया पूर्वअध्यक्ष तथा सल्लाहकार खिम घले ब्बति कयादिगु खः ।
सप्तरी एम्बुलेन्सय् छम्ह मन्त
लहनान्युज | गुंलागा ८ ११४०, साउन २८ बुधवाः
सप्तरी कोरोना संक्रमित छम्ह सीइगु दु । थ्व नाप सप्तरी कोरोना संक्रमित सीपिनिगु ल्याः स्वम्ह थ्यःगु दु ।
मंगलवाः चान्ह्य जिल्लाया डाक्नेश्वरी नगरपालिका वडा नम्बर ८ य् छेँय् दुम्ह राजविराज ६ या सिरहा रोड च्वम्ह ८० दँ दुम्ह सीइगु धका जिल्ला स्वास्थ्य कार्यालयं धाःगु दु ।
उम्ह मनूयात प्यन्हु न्ह्य ज्वरो वया च्वंगु खः । ज्वरो वये वः वयागुस्वाब परीक्षण याःगु खः ।
मंगलवाः चान्ह्य वयाःगु रिपोर्ट पोजेटिभ वये वः वयात आइसोलेसनय् हयेगु लागि एम्बुलेन्स काः वःगु खः । एम्बुलेन्सय् गयेवः हे मदुगु धा स्वास्थ्य कार्यालयया कर्मचारीं धाःगु खः ।
उम्ह मनूयात मुटु, थाइराइड, सुगर, उच्च रक्तचापया ल्वय् दुम्ह खः ।
