Display Style:
Column Style
हात्तीसारय् थौं नं हिति मालेज्या जुइगु
शोभा श्रेष्ठ | कछलागा दशमी, ११४०
येँया हात्तीसारय् थौं नं हिति मालेगु नितिं उत्खनन् यायेत्यंगु दु । म्हिगः बिहिबाः डोजरं म्हुयाः हितिया संचरना लुयावःगु खःसा सरोकारवालातयगु रोहवरय् थौं नं उत्खनन् यायेत्यंगु खः ।
हात्तीसारया छगू निजी बुँइ पुरातात्विक व ऐतिहसिक महत्वया ल्वहँहिति ल्हाकाछ्वःगु धासें छथ्व सम्पदा अभियन्तातयसं सः थ्वयेकेधुंकाः बिहिबाः उत्खनन् न्ह्याकूगु खः ।
उगु इलय् हिति दुगु धयातःगु थासय् डोजरं म्हुयावंबलय् ल्वहँहितिया पःखाः व बँ खनेदयावःगु खःसा लः नं पिहांवःगु दु ।
बुँथुवाःया ग्वाहालिं महानगरपालिका, पुरातत्व विभाग र स्थानीय बासिन्दाया रोहवरय् ल्वहँहिति उत्खननया ज्या जुयाच्वंगु दु ।
उत्खननया निरिक्षण यायेत थ्यंकःझाःम्ह वडा १ या वडाध्यक्ष भरतलाल श्रेष्ठं उगु थासय् हिति थम्हं खनागु जक मखु, न्हापा अन म्वः तकं ल्हुइनंगु धयादिल ।
वि.सं. २०५१ सालय् नं उगु बुँइ नक्सा पासया प्रक्रिया न्ह्यःने यंकेत स्ववःबलय् वडां रोक्का यानाब्यूगु खः । उगु इलय् अन जुइत्यंगु निर्माणया ज्या पनेत स्थानीयया पुचलं निवेदन ब्यूगु खः ।
५१ सालया उगु मुद्दायात थम्हं हे स्वयागु तत्कालीन वडा दुजः पुरुषोत्तम खकुरेलं धयादिल । न्हापा थम्हं खनागु हिति आः वयाः नापीया नक्साय् तकं खनेमदुगु खकुरेलं धयादिल । पुरातात्विक ऐतिहासिक महत्वया सम्पदा न्हंकाः बुँ नयेगु नियोजित षडयन्त्र हे जूगु दावी वयकलं यानादिल ।
२४ आना ३ पैसा ३ दाम दुगु उगु बुँ २०७२ सालय् बुद्धिलक्ष्मी गुरुङं न्याःगु धाःगु दु । न्हापा बीरशमसेर जबराया नामय् दुगु बुँ शाक्य परिवारं न्याःगु व शाक्य परिवारपाखें तेजराज मानन्धर जुयाः गुरुङतक्क थ्यंगु जानकारी पूर्व वडाध्यक्ष किरण श्रेष्ठं बियादिल ।
न्हुपिं मन्त्रीपिन्स पद तथा गोपनीयताया शपथ काल
लहनान्युज | कछलागा नवमी ११४० (नोभेम्वर २१ २०१९)
राष्ट्रपति कार्यालय शीतलनिवासय् थौं बिहीवाः छगु ज्याझ्वः दथुइ राष्ट्रपति विद्यादेवी भण्डारीं न्हुपिं खुम्ह मन्त्रीयात शपथ याकुगु दु । अथेहे स्वम्ह राज्य मन्त्रीयात प्रधानमन्त्रीं शपथ कायेकुगु दु ।
उगु शपथ ग्रहण समारोहय् उपराष्ट्रपति नन्दबहादुर पुन, प्रधानमन्त्री केपी शर्मा ओलीलगायत पिनिगु न उपस्थित दुगु खः । प्रधानमन्त्रीया सिफारिसय् राष्ट्रपति विद्यादेवी भण्डारीं म्हिगः बुधवाः मन्त्रिपरिषद् हेरफेर याउगु खः ।
नवनियुक्त मन्त्रीपिन्त राष्ट्रपतिं व राज्यमन्त्रीपिन्त प्रधानमन्त्रीं शपथ यायेगु संवैधानिक व्यवस्था दु । शपथ ग्रहणलिपा नवनियुक्त मन्त्रीसन्सि मन्त्रालयया ज्या यायेगु लँपु चाउगु दु ।
नवनियुक्त मन्त्री नेकपाया सांसदपि वसन्त नेम्वाङ भौतिक पूर्वाधार तथा यातायात मन्त्रालय , घनश्याम भुसालयात कृषि मन्त्रालय, हृदयेश त्रिपाठी संघीय मामिला तथा सामान्य प्रशासन, पार्वत गुरुङ महिला बालवालिका तथा जेष्ठ नागरिक मन्त्रालय, लेखराज भट्ट उद्योग मन्त्रालय व रामेश्वर राय यादव श्रम मन्त्रालयया जिम्मेवारी बिउगु दु ।
अथेहे मोतिलाल दुगदयात उद्योग, वाणिज्य तथा आपूर्ति, नवराज रावतयात स्वास्थ्य तथा जनसङ्ख्या व रामवीर मानन्धरयात सहरी बिकास मन्त्रालयया जिम्मा बिउगु दु ।
ऐतिहासिक शान्ति सम्झौता थौं १३ दँ थ्यन
लहनान्युज | कछलागा नवमी ११४० (नोभेम्वर २१ २०१९)
तत्कालीन नेकपा माओवादीं न्ह्याकुगु १० दँया सशस्त्र संघर्ष औपचारिक रूचं अन्त्य जुगु थौं १३ दँ थ्यंगु दु ।
२०६३ मंसिर ५ गते तत्कालीन प्रधानमन्त्री गिरिजाप्रसाद कोइराला व विद्रोहीया पाखे तत्कालीन माओवादी अध्यक्ष प्रचण्डं विस्तृत शान्ति सम्झौताय् ल्हाःचिं तयादिगु खः ।
छगु दशक तःहाकगु द्वन्द्व अन्त्य यायेगु सहमति यासे तत्कालीन सरकार व विद्रोहीपाखे शान्तिपूर्ण राजनीतिकया लँपु न्ह्याकेगु सहमति याउगु खः ।
उगु सम्झौताय् ल्हाःचिं तम्ह छम्ह कोइराला मदेय् धुकुगु दुसा तत्कालीन विद्रोही समूहया प्रचण्ड एमालेनाप पार्टी एकीकरण याना नेकपाया अध्यक्ष जुगु दु ।
न्हुपिं मन्त्रीपिनिगु पद व गोपनीयताया शपथ
लहनान्युज | कछलागा नवमी ११४० (नोभेम्वर २१ २०१९)
राष्ट्रपति विद्यादेवी भण्डारीं थौं ११ बजेय् राष्ट्रपति कार्यालय शीतलनिवासय् न्हुपि मन्त्रीपिन्त शपथ नकिगु ज्याझ्वः दु ।
प्रधानमन्त्रीया सिफारिसय् राष्ट्रपति विद्यादेवी भण्डारीं बुधवाः मन्त्रिपरिषद् हेरफेर याउगु ख । न्हुपि मन्त्रीपिन्त राष्ट्रपतिं शपथ याकेगु संवैधानिक व्यवस्था दु ।
न्हुपिं मन्त्रीपिं नेकपाया सांसदपिं वसन्त नेम्वाङ, घनश्याम भुसाल, हृदयेश त्रिपाठी, पार्वत गुरुङ, लेखराज भट्ट उद्योग व रामेश्वर राय यादव खः ।
नेम्वाङयात भौतिक पूर्वाधार तथा यातायात मन्त्रालय, भुसालयात कृषि मन्त्रालय, हृदयेश त्रिपाठीयात संघीय मामिला तथा सामान्य प्रशासन व पार्वत गुरुङयात महिला बालवालिका तथा जेष्ठ नागरिक मन्त्रालयया जिम्मेवारी बिउगु दु । रामेश्वर राय श्रम व लेखराज भट्ट उद्योगमन्त्रीया जिम्मेवारी बिउगु खः ।
च्याम्ह मन्त्रीयाते बर्खास्त याउगु खः । बर्खास्त जुपि मन्त्री भौतिक पूर्वाधार मन्त्री रघुवीर महासेठ, संघीय मामिलामन्त्री लालबाबु पण्डित, श्रममन्त्री गोकर्ण विष्ट, महिला बालबालिका तथा जेष्ठ नागरिकमन्त्री थममाया थापा खः।
अथेहे पर्यटन राज्यमन्त्री धनबहादुर बुढा, कृषिमन्त्री चक्रपाणि खनाल, उद्योगमन्त्री मात्रिका यादव व कृषि राज्यमन्त्री रामकुमारी चौधरीपिं खः ।
कालभैरवया बुसादँ क्वचाल
विकाश | कछलागा अष्टमी ११४०
थौं कछलागा अष्टमी येँया हनुमानध्वाखा लायकुलिइ दुगु कालभैरवया विधि कथं पूजा यासें कालभैरवया बुसादँ याःगु दु ।
थौंया दिं भैरवाष्टमी कथं कायेगु याः । भैरवाष्टमीया दिनयात हनुमानध्वाखाय् दुगु कालभैरव स्थापना याःगु दिंकथं नं कायेगु याः । व हे कथं थौंया दिंयात कालभैरवया ६सः व ५९क्वःगु स्थापना दिवस कथं नं हंगु दु ।
कालभैरवया बुसादँया झ्वलय् न्याम्ह गुरुपिनिपाखें तान्त्रिक विधिकथं होम नं याःगु खःसा निम्ह दुगु नं बलि ब्यूगु खः ।
तान्त्रिक विधि कथं कालभैरवया पूजा लिसें होम याःसा शनि, राहु, व केतु लिसेंया ग्रहदशाा चिलावनीगु जनविश्वास समाजय् दयाच्वंगु दु ।
काल भैरवयात महाःद्यःया उग्ररुप कथं नं कायेगु याः ।
थुगु कालभैरवया मुर्ति मल्लकालय् यमितयसं नागार्जुन पहाड उत्खनन यानाच्वंबलय् लुयावयाः येँया वसन्तपुलिइ हयाः स्थापना याःगु धयातःगु दु ।
मल्लकालया उत्तरार्धपाखे थुगु मूर्तियात तत्कालीन नेपाःया न्यायालय कथं काइगु खः । उगु इलय् थुगु कालभैरवया मुर्तिया न्ह्यःने अपराधीयात अपराध कबुले याकेगु याइगु खः ।
उम्ह संदिग्धं मखूगु लिसः बिल धाःसा थ्व हे मूर्तिया न्ह्यःने हि ल्ह्वयाः सी धइगु विश्वास थौंतक्क नं समाजय् ल्यं दनि ।
