Display Style:
Column Style
नेपाल लकडाउन कन्ह्यनिसे छवाः तकः छेँय् पिहावये दइ मखू
लहनान्युज | सिल्लागा चतुर्दशी ११४०
सरकारं कन्ह्य मंगलवाः निसे छवाः तक सार्वसाधारणयात छवाः तक छेँय् न पिहा वयेगुलि रोके याउगु दु । कोरोना भाइरस (कोभिड १९) या संक्रमण खने दुगुलि सरकारं देशय् दक्को थाय् लकडाउन यायेगु निर्णय याःगु दु ।
फ्रान्सं जुया कतारया दोहा जुया चैत ४ गते नेपाल वम्ह छम्ह नेपालीयाके कोरोना संक्रमण दुगु पुष्टि जुगु दु ।
कोरोनासम्बन्धी उच्चस्तरीय समितिया थौंं सोमवाः च्वंगु बैठकं कन्ह्य मंगलवाः सुथय् ६ बजे निसे छवाःया लागि सार्वसाधारणयात छेँय् न पिहा वयेगु लागि बन्द याःगु दु ।
अथेहे, सुरक्षा निकाय, स्वास्थ्यकःमि खाद्यान्न व अत्यावश्यक बस्तु ढुवानी यायेगु नाप अनुमति दुगु बाहेकया सवारी साधन जक चले याये दइ ।
थौं जुगु निर्णय
१. औषधी उपचार, खाद्यवस्तु खरिद थे जाःगु अत्यावश्यक ज्या बाहेक सु न मनूत छेँय् न पिहा वये मदइगु ।
२. अनुपति दुपि सवारी साधन, स्वास्थ्यकःमि, सुरक्षा निकायं छ्यसलग बाहेक दक्को प्रकारया सार्वजनिक वा निजी यात्रुवाहक सवारी साधन सञ्चालनया पूर्ण रोक लगे यायेगु
३. सुरक्षा निकायपाखे छ्यलिगुे वायुयान व तोके याउगु मेगु उडान बाहेक छु न आन्तरिक व्यवसायिक उडान बन्द यायेगु
४. स्वास्थ्य, सुरक्षा, नँसा त्वँसा, लः, दूरु, मत, दूरसञ्चार, सूचना तथा सञ्चार, भन्सार, क्वारेन्टाइन, फोहोरमैला व्यवस्थापन थे जाःगु अति आवश्यक सेवाबाहेक मेगु कार्यालय सञ्चालनया
लागि आवश्यक दुगु कर्मचारीपिं जक सम्बन्धित कार्यालय प्रमुखं विदा बिइगु ।
५. वासः व स्वास्थ्य उपकरण, नँसा त्वँसा, लः, दुरु, इन्धन उत्पादन यायेगु उद्योगया बाहेक निजी क्षेत्रपाखे सञ्चालित मेगु उद्योग, कलकारखानापि ज्यायेमापिं कर्मचारीपिन्त सम्बन्धित उद्योगं विदा बिइगु व्यवस्था मिले यायेगु ।
६. व्यवसायीपिन्स वासः व वासः यायेत छ्यलिगु सामाग्रीयात नियमित आपूर्तिया व्यवस्था यायेगु ।
कोरोना राहतकोषय् सभामुखपाखे छगु महिनाया तलब बिइगु
लहनान्युज | चिल्लागा चर्तुदशी ११४०
सभामुख अग्निप्रसाद सापकोटां कोरोना संक्रमणया महामारीविरुद्ध सरकारं गठन याउगु केन्द्रीय राहत कोषय् थःगु छगु महिनाया पारिश्रमिक उपलब्ध याउगु दु ।
सरकारं कोष स्थापना याउगु निर्णया लसकुस यासे थःम्ह उगु कोषय् छगु महिनाया तलब उपलब्ध यानागु धका सभामुख सापकोटां धयादिगु खः ।
संघीय संसद सचिवालयया आर्थिक प्रशासन शाखा मार्फत उगु ध्यवा कोषय् जम्मा जुइ ।
सभामुख सापकोटां उगु ध्यवा संसद सचिवालययो आर्थिक प्रशासन शाखाय् बुझे याउगु दु ।
सरकारं नोवेल कोरोना भाइरस (कोभिड(१९)विरुद्ध ल्वायेत पूर्वतयारी स्वरुप आइतवाः केन्द्रीय राहत कोष खडा याउगु खः ।
उगु कोषय् सरकारं ५० करोड तःगु खः ।
थौंनिसे सार्वजनिक गाडी चले यायेगु रोक
लहनान्युज | चिल्लागा चर्तुदशी ११४०
सरकारं सोमवाः निसे ताहाकःगु चले जुइगु सार्वजनिक गाडी चले यायेगु रोक लगे याःगु दु । तर निजी गाडीयात धाःसा रोके यागु मदु ।
कोरोना भाइरस (कोभिड १९) या जोखिम अप्वो वउगुया कारण सरकारं सोमपाः निसे ताहाक चले जुइगु सार्वजनिक गाडीयात रोक लगे याउगु दु ।
निजी गाडीयात आतक रोके मयाना धका यातायात व्यवस्था विभागं धाःगु दु ।
विभागउा महानिर्देशक गोगनबहादुर हमालं येँ पाखे ताहाकःगु दुरीया बस चले याके बिउगु मदु ।
अथेहे छगु जिल्लां मेगु जिल्ला दुने सार्वजनिक गाडी चले याये मदु ।
कोरोना भाइरसया जोखिम अप्वोया वःगुलि येँ सुनसान थे जुइ धुकुगु दु ।
थौं प्रधानमन्त्रीं मन्त्रिपरिषदको बैठक सतल
लहनान्युज | चिल्लागा त्रयोदशी ११४०
प्रधानमन्त्री केपी शर्मा ओलीं मिर्गौला पुनः प्रत्यारोपण लिपा दकलय् न्हापां मन्त्रिपरिषदको बैठक थौं सतुःगु दु ।
मिर्गौला प्रत्यारोपणया लागि त्रिवि शिक्षण अस्पतालमा भर्ना जुइगु छन्हु न्ह्यः वःगु फागुन १८ गते बालुवाटारय् मन्त्रिपरिषदया बैठक सतःगु खः ।
उगु बैठकं कोरोना संक्रमण नेपालय् मवयेकेगु लागि माःगु तयारी यायेत उपप्रधानमन्त्री ईश्वर पोखरेलया संयोजकत्वय् उच्चस्तरीय समन्वय समिति गठन याउगु खः ।
चिकित्सकपिनिगु सल्लाह कथं प्रधानमन्त्रीयात संक्रमणपाखे बच्चे याउगु लागि छलफल व बैठक मयायेत सुझाव बिउगुया कारण मन्त्रिपरिषद बैठक च्वना मच्वंगु खः ।
थौंया मन्त्रिपरिषद बैठकं कोरोना संक्रमणया हे सन्दर्भय् छु महत्वपूर्ण निर्णय याये त्यःगु दु ।
येँ महानगरया मास्क व स्यानिटाइजर छ्वल
लहनान्युज | चिल्लागा द्धादशी ११४०
येँ महानगरं दक्को वडाय् द्धःछि मास्क व आधा लिटरया निगु थान स्यानिटाइजर छ्वःगु दु ।
थःथे छ्वःगु मास्क वितरण व स्यानिटाइजरयात छ्यलिगु वडा समितिया निर्णय बमोजिम याइ, महानगरया निमित्त प्रमुख प्रशासकीय अधिकृत राजेश्वर ज्ञवालीं जानकारी बियादिगु दु ।
महानगरया दक्को वडाय् बिपद् व्यवस्थापन तथा नागरिक सुरक्षा समिति गठन याये धुकुगु दु ।
वडांं समिति नाप समन्वय याना मास्क वितरण याइ धका, निमित्त प्रमुख प्रशासकीय अधिकृत ज्ञवाली धाःगु दु ।
जिमिसं हरेक वडा सहित वातावरण व्यवस्थापन बिभागया लागि स्वद्धः मास्क छ्वयाःगु दु ।
महानगरया सहरी स्वास्थ्य महाशाखाया प्रमुख नरेन्द्रबिलास बज्राचार्यं वडापाखे प्रभावकारी वितरण याइ धका जिमिसं भलसा यानागु दु धयादिसे निगु स्यानिटाइजर मध्ये छगु वडाया क्लिनिक व छगु वडा कार्यालयया लागि धका धयादिगु खः । महाशाखां सहरी स्वास्थ्य क्लिनिकया अतिरिक्त मेगु २१ गु थासय् स्वास्थ्य सहायता कक्ष सञ्चालनया तयारी दु ।
मास्क, स्यानिटाइजर, प्रचार सामाग्री, थर्मल गनसहित सहायता कक्षया सेवाग्राहीें आशंका निवारण यायेगु ज्या जुइ धका धयादिगु दु ।
