Display Style:
Column Style
टी–२० कासाय् भारतं दक्षिण अफ्रिकायात बुकल
लहनान्युज | यंलागा पंचमी ११३९ (सेप्तेवर १९ २०१९)
दक्षिण अफ्रिकाया विरुद्ध निक्वःगु टी–२० कासाय् भारतं न्ह्यःगु विकेटं त्याकुगु दु ।
स्वगुगु टी–२० कासाया श्रृङ्खला अन्तर्गत मोहालीइ निगुगु कासा विराट कोहलीया अर्धशतकीय योगदानं भारतं त्याकुगु खः ।
दक्षिण अफ्रिकां बिउगु १५० रनया सामान्य लक्ष्य भारतं छगु ओभर न्ह्यः हे स्वगुगु विकेटया क्षतिइ पूरा याउगु खः ।
भारतया लागि विराट कोहलीं ५२ बलय् ७२ रनया योगदान याउगु खःसा शिखर धवनं ४० रन, श्रेयस ऐयरं १६ रन दयेकुगु खः ।
दक्षिण अफ्रिकां २० ओभरय् न्याःगु विकेटय् १४९ रन दयेकेगु खः । थुगु कासाय् दक्षिण अफ्रिकापाखें स्वम्ह कासामि डेब्यू याउगु खः ।
तेम्बा बभुमा, बोर्न फोर्टुन व एनरिच नोर्टेपिं खः । बभुमां दक्षिण अफ्रिकाया लागि ४९ रन, क्वीन्टन डिकक ५२ रनया योगदान याउगु खः ।
संसदया प्यक्वःगु अधिवेशन थौं क्वचाइगु
लहनान्युज | यंलागा पंचमी ११३९ (सेप्तेवर १९ २०१९)
प्रधानमन्त्री केपी शर्मा ओलीं संसद बैठकय् सम्बोधन यायेगु ज्याझ्वः स्थगित जुगु दु ।
वयकलं कन्ह्यः शुक्रवाः संविधान दिवसया लसताय् देशबासीया नामय सम्बोधन याइगु धका प्रेस संयोजक चेतन अधिकारीं धयादिगु दु ।
वयकलं शुक्रवाः देशबासीया नामय् सम्बोधन याइगु जुगुलि थौं बिहीवाः लागि तय जुगु सम्बोधन स्थगित यानागु धका प्रधानमन्त्रीया प्रेस संयोजक अधिकारीं जानकारी बियादिगु खः ।
प्रधानमन्त्री ओलीया सट्टाय् संसद बैठकय् नेपाल कम्युनिष्ट पार्टी नेकपा संसदीय दलया उपनेता सुवासचन्द्र नेम्वाङं सम्बोधन यायेगु तयारी जुया च्वंगु प्रधानमन्त्रीया प्रेस सल्लाहकार विष्णु रिजालं जानकारी बियादिगु खः ।
वःगु वैशाख १६ निसे न्ह्याःगु संसदया प्यक्वःगु अधिवेशन थौं बिहीवाः क्वचाये त्यःगु खः ।
नेपाःया संविधान विश्वकै अनुपम दस्तावेज
लहनान्युज | यंलागा पंचमी ११३९ (सेप्तेवर १९ २०१९)
नेपाल कम्युनिस्ट पार्टी (नेकपा) या वरिष्ठ नेता माधवकुमार नेपालं नेपाःया संविधान विश्वकै अनुपम दस्तावेज जुगु धका धयादिगु दु ।
वयकलं संविधान उत्कृष्ट जुगुलिं कार्यान्वयनय् इमान्दार जुया न्ह्याः वनेत इनाप न यानादिगु खः ।
संविधान दिवसया लसताय् निजी तथा आवासीय विद्यालय एशोसिएसन (एन प्याब्सन) थौं ग्वसाः ग्वंगु ज्याझ्वलय् ‘संविधानमा बालबालिका’ विषयक अन्तरक्रियाय् नेता नेपालं संविधानसभापाखे पारित जुगु संविधानय् दक्को दुथ्याःगु विचाः व भावना समावेश जुगु नाप छु विषयलय् छलफल याये फइ धका न धयादिगु खः ।
व्यकलं मस्तय्गु हितया लागि केन्द्रय् तया नीति, योजना हये माःगु व मस्तय्गु लागि सामाजिक व व्यवहारिक दयेके माःगु बिचाः तयादिगु खः ।
जनगायक श्रेष्ठ म्हं मफयाः अस्पतालय् भर्ना
लहनान्युज | यंलागा पंचमी ११३९ (सेप्तेवर १९ २०१९)
जनगायक भृगुराम श्रेष्ठ म्हं मफयाः छुं दिं न्ह्यःनिसें कुपुण्डोलया सर्वाङ्गी स्वास्थ्य सेवा अस्पतालय् भर्ना जुयाः वासः याकाच्वनादीगु दु ।
ताःई न्ह्यःनिसें थीथी ल्वय् जुयाच्वंगु वय्कः छेँय् हे च्वनाः आराम यानाच्वनादीगु खःसा म्हिगः मंगलवाः तच्वकं म्हं मफयेवं अस्पतालय् भर्ना याःगु खः ।
भाजु श्रेष्ठयात उच्च मधुमेह जूगु व जलास्यँया समस्या जूगु लिसें ज्वरो वयाः डेंगु ल्वचं कःगु सी दूगु दु ।
येँ मनपाया मेयर व जापानिज मेयर दथुइ भेटघाट
नृपेन्द्रलाल श्रेष्ठ | यंलागा पंचमी ११३९ (सेप्तेवर १९ २०१९)
नेपाःया लागि जापानया राजदूत मासामिचि साइगाें बुधवाः येँ महानगरका प्रमुख बिद्यासुन्दर शाक्यनाप लाप लानादिगु दु । राष्ट्रिय सभा गृहया बिशिष्ट कक्षय् करीब आधा घण्टा अथे लाप लानादिगु खः ।
नाप लायेगु झ्वलय् मेयर शाक्यं जापान व नेपाःया दथुइ निगु देय् जापान व नेपाःया नगर—नगर दथुइ सम्बन्धया असर जुइगु छु न ज्या सुइपाखे न मजुइमा धका धयादिगु खः ।
अथेहे, राजदूत साइगों जापान सरकारया ग्वाहालिं बसन्तपूरय् निर्माणाधीन अबस्थाय् दुगु आगमछेँ पुननिर्माणया बिषयय् फरक—फरक थासय् फरक—फरक खँ वगुलि थःपि अन्यौलय् लाःगु धका मेयर शाक्यं आपसी सम्बन्धया खँ ल्ह्वनादिगु खः ।
उगु लाप लायेगु झ्वलय् राजदूत साइगाें आगमछेँ नाप येँ दुने दुगु सांस्कृतिक मूर्त अमुर्त सम्पदापाखे थः प्रोत्साहित जुगु धका न धयादिगु खः। इन्द्रजात्राया प्रसङ्ग वयकलं कुमारी रथ सालिइ झ्वलय् रथं वाः छ्वया हःगु स्वां जि सुरक्षित याना तयागु दु धका धयादिसे येँया जात्रा स्वयेगु लागि जिमि थासं मात्सुमोतो नगरपाखे प्रतिनिधि मण्डल वःगु खः धयादिगु खः । वयकलं आ वइगु नेपाल पर्यटन बर्षय् जापानीजत नेपाः वयेगुलि सहजीकरण यायेगु जुइ धका न धयादिगु खः ।
नाप राजदूत साइगां जापानया वातावरण मन्त्रालयं ग्वसा ग्वये त्यःगु फोहोर व्यबस्थापन सम्बन्धि प्राबिधिक ज्याझ्वलय् न मेयर शाक्ययात ब्बनादिगु खः सा वयकलं येँ फोहोर व्यवस्थापनय् प्रबिधि छ्यलेत जिपि इच्छुक दु धका न जानकारी बियादिगु खः ।
