Display Style:
Column Style
मरूबहिया क्वाःपाछेँ पुनः निर्माणया जग स्वन
सुरेन्द्रभक्त श्रेष्ठ | सिल्लाथ्व नवमी ११४० (फ्रेअवरी २ २०२०)
येँ महानगरपालिका १९ वडाय् च्वंगु ऐतिहासिक बहिया रुपय् स्थापित जुयाच्वंगु शाक्यकेतु महाविहार, मरूबहिया क्वाःपाछेँ पुनः निर्माणया नितिं येँ महानगरपालिकाया मेयर विद्यासुन्दर शााक्यं छगु ज्याझ्वः दथुइ मरूबहिलि शिलान्यास यानादीगु दु ।
मञ्जुश्री रत्न बज्राचार्यं बज्रयानी पुजा विधि कथं पुजा याना बहीया पुष्पराजन शाक्यं जजमान जुया पुजा यानादिगु खः । उगु ज्याझ्वलय् महानगरया मेयर विद्यासुन्दर शाक्य, उपमेयर हरिप्रभा खड्गी श्रेष्ठ, १९ वडा अधक्ष्य शशीलाल श्रेष्ठ थःथःगु नुगः खँ तयादीगु खः ।
उगु शिलान्यास ज्याझ्वलय् कामपाया सम्पदा विभाग प्रमुख राम थापा, हनुमानध्वाखा दरवार क्षेत्र संरक्षण कार्यक्रम प्रमुख रोशन शाक्य, राजगुरूजु मञ्जुश्री बज्राचार्य ,वडा सदस्यपिं चन्द्रमान डंगोल, रेणुकमल शाही, मधुसुदन प्रधान पिनिगु न उपस्थितिइ दुगु खः ।
किपाः सुगतरत्न सिन्दुराकार
नेपाल खड्गी सेवा समितिया न्हुगु नेतृत्वय अन्जिता खड्गी
नृपेन्द्रलाल श्रेष्ठ | सिल्लाथ्व अष्टमी ११४० (फ्रेअवरी २ २०२०)
नेपाल खड्गी सेवा समितिया न्ह्यक्वःगु तःमुँज्याय् थौं नेपाल पुलिस क्लवय् जुगु बन्दसत्रं अन्जिता खड्गीयात सर्वसम्मतं नायः ल्यःगु जुगु दु ।
थौं जुगु समितिया न्ह्यक्वःगु तःमुँज्याय् देय् न्यक २२ जिल्ला ब्बति काःगु खःसा स्वसः न मल्याक प्रतिनिधि व १५० म्ह पर्यवक्षकपिन्स ब्बति काःगु खः ।
अथेहे उगु मुँज्या बरिष्ठ उपाधक्ष्यय् प्रकाश खड्गी, न्वकुलय् दिलबहादुर खड्गी, गोबिन्द्र बहादुर खड्गी, श्रवणकुमार नेवाः खड्गीयात नाप महासचिवय् राज शाही व उप महासचिवय् राकेश खड्गी व कोषधक्ष्यय् प्रदिप खडगीयात न सर्वसम्मतं ल्यःगु खः ।
अथेतु, दुजलय् तोरण शाही, मुकेश खडगी, सबिक शाही व सजित खड्गीयात ल्यःगु खः ।
उगु निर्वाचन कमितिइ आनन्द बहादुर शाहीया संयोजकय् कपिलमान खड्गी दुजः च्वनादिगु खः ।
खड्गी सेवा समितिं पत्रकारपिन्त हन
लहनान्युज | सिल्लाथ्व सप्तमी ११४० (फ्रेअवरी १ २०२०)
नेपाल भाषाया माध्यमपाखे पत्रकारिता याना च्वपिं खुम्ह पत्रकारपिशनत थौं शनिवाः छगु ज्याझ्वः यासे सम्मान याउगु दु । नेपाल खड्गी सेवा समितिया न्ह्यक्वःगु तःमुँज्याया झ्वलय् वसन्तपुरय् खुम्ह पत्रकारयात सम्मान याउगु खः ।
सम्मानित जुयादिपिं लहनान्युज डट् कमया सम्पादक नृपेन्द्रलाल श्रेष्ठ लहना वाःपौंया ब्यवस्थापक सुरेन्द्रभक्त श्रेष्ठ, नेपालमण्डल टेलिभिजनया सिल्भिया राजोपाध्याय, झीगु डटकमया संवाददाता रेखा शाक्य, नेवा टिभीइा नवीन जोशी व रेडिया मिर्मरेया बुद्धशरण शाहीयात येँ महानगरपालिकाया मेयर विद्यासुन्दर शाक्यं हनापौ व नेपाल प्रहरी महानिरीक्षक सर्वेन्द्र खनालं स्वामा क्वखायेकादिगु खः ।
खड्गी सेवा समितिं प्रहरी महानिरीक्षक सर्वेन्द्र खनालयात हन
नृपेन्द्रलाल श्रेष्ठ | सिल्लाथ्व सप्तमी ११४० (फ्रेअवरी १ २०२०)
नेपाल खड्गी सेवा समितिं थौं छगु ज्याझ्वः यासे प्रहरी महानिरीक्षक सर्वेन्द्र खनालयात सम्मान याउगु दु । समितिं येँया वसन्तपुरय् थःगु न्ह्यक्वःगु तःमुँज्याया झवलय् महानिरीक्षक खनालयात सम्मान याउगु खः ।
मूपाँहा येँ महानगरपालिकाया मेयर विद्यासुन्दर शाक्यं महानिरीक्षक खनालयात दोसल्ला न्येयका हनापौ लल्हाःगु खः । उगु ज्याझ्वलय समितिया संरक्षक मनोज नेवाःखड्गीं खनालयात स्वामा व खादा न्ययेकादिगु खः । नेपाल प्रहरीय् व्यावसायिकता, नागरिकमैत्री व जवाफदेही प्रहरी प्रशासनया लागि निष्ठा व दक्षतापूर्वक ज्या याउगु कदर यासे महानिरीक्षक खनालयात समितिं सम्मान यानगु धका समितिया अध्यक्ष अन्जिता खड्गीं धयादिगु खः ।
सम्मानित जुइ धुका प्रहरी महानिरीक्षक खनालं सम्मानं बालागु ज्या यायेत न्ह्यने वनिपिन्त व ज्या याइपिन्त उत्साह व जाँगर याइ धका धयादिगु खः । नेपाल प्रहरी संगठन समुदायपाखे अलग जुइ फइमखु धका थःगु धारणा तयादिसे प्रहरी महानिरीक्षक खनालं समुदायया ग्वाहालि व सद्भाव बिना प्रहरी संगठन जक शान्ति सुरक्षा व अपराध न्यूनीकरणया ज्या याये फइमखु धका धयादिगु खः
उगु ज्याझ्वलय् मूपाहा येँ महानगरपालिकाया मेयर शाक्यं प्रहरी संगठनयात समुदायमैत्री व व्यावसायिक दयेकेगु लागि महानिरीक्षक खनालया नेतृत्वं निर्वाह याउगु भूमिका तसक च्वछाय् बः जु धका धयादिगु खः । जन्मं सू तःध व चिधः मजुइगु नाप कर्मं हे तधः व चिधः जुइ धका मेयर शाक्यं धयादिगु खः । वयकल ‘संस्कृति, परम्परायात म्वाकेगु लागि समुदायया आर्थिक व शैक्षिक स्तर थकायेगु ज्या याये माःगुलि जोड बियादिगु खः । ’
मेयर शाक्यं थःगु कार्यकालय भुखाच दुगु, जीर्ण जुगुु, देवालय, देगः, फल्चा, सतः, विहार, चैत्य दक्को मर्मत व संरक्षण यायेगु येँयात सांस्कृतिक शहरया रुपय ल्यःका तयेगु उद्देश्यं ज्या याना च्वनागु धका धयादिगु खः ।
येँ मनपा वडा १८ या भवन पुननिर्माण क्वचाल
सुरेन्द्रभक्त श्रेष्ठ | सिल्लाथ्व सप्तमी ११४० (फ्रेअवरी १ २०२०)
येँ महानगरपालिका वडा नंं. १८ या वडा भवन पुननिर्माण क्वाचागु दु । वःगु दँया माघ ७ गते महानगरया प्रमुख बिद्यासुन्दर शाक्यं उगु भवनया शिलान्यास यानादिगु खःसा थौं वयकःयाहे ल्हातं उलेज्या यानादिगु खः ।
थौंया उलेज्या ज्याझ्वलय् सहरी विकास राज्यमन्त्री रामवीर मानन्धरया न ब्बति दुगु खः । ‘केन्द्रनिसे दक्को वडाया थः थःगु हे भवन निर्माण यायेगु नीति कथं या योजनाया लिच्वः हे थुगु वडा १८ या भवन जुगु खः ।’ धका मेयर शाक्यं उलेज्या ज्याझ्वलय थःगु नुगः खँ तयादिगु खः । ‘सांस्कृतिक ऐतिहासिक येँ सहरय् हनुमान ढोका बिश्व सम्पदा क्षेत्रया परम्परागत शैलीमा वडा भवन निर्माण क्वचायेके खःगुलि थःत तसक लयतागु दु धका धयादिगु खः ।’
मेयर शाक्यं थःगु हे कार्यकालय् ३२ गु वडाया सुविधा सम्पन्न भवन निर्माण यायेगु योजना दु धका धयादिसे आ थःगु हे वडाया अप्वो भवन दये धुकुगु दु धयादिगु खः ।
उगुु भवनया उलेज्या झ्वलय् सहरी विकास राज्यमन्त्री रामवीर मानन्धरं सांस्कृतिक सुहरया दथुइ वडा भवन परम्परागत शैलीइ हे पुननिर्माण जुगु महानगर सम्पदा व्यवस्थापनय् ध्यान बिउगु बालगुु सन्देश वनेगु बिचाः तयादिगु खः ।
१८ वडाया वडाध्यक्ष न्हुछेकाजी महर्जनं लक्षित इलय् भवन निर्माण ज्या क्वचाःगु दु धयादिसे, ‘न्हुगु भवन निर्माणया लागि ४० लख खर्च जुगु धका धयादिगु खः । पुलागु भवनया पिनेया ख्वाः व न्हुगु भवनया डिजाइन तयार यायेत २० लख तक खर्च जुगु दु धका धयादिगु खः । वडा भवन सम्पदा मार्गय लागुलि सम्पदामैत्री दु धका न धयादिगु खः ।’
