Display Style:
Column Style
पूर्वमन्त्री धमला नेकपाय् दुहा वन
लहनान्युज | दिल्लाथ्व तृतिया ११३९ (जुलाइ ४ २०१९)
सङ्घीय समाजवादी फोरम नेपाल नाप एकीकरण लिपा तत्कालीन नयाँ शक्ति पार्टी पाखे ५० म्ह स्वया अप्वो नेता नाप कार्यकर्ता नेपाल कम्युनिष्ट पार्टी (नेकपा) दुहा वःगु दु ।
फोरम नेपालव नाप एकीकरण लिपा असन्तुष्टि जुयादिम्ह पूर्वमन्त्री नापं तत्कालीन नयाँ शक्ति नेपालया सचिवालय सदस्य कल्पना धमला, मेम्ह सचिवालय सदस्य देवेन्द्र पराजुली लगायतया नेता तथा नेकपा दुहा वःगु खः । धमला डा. बाबुराम भट्टराईया नेतृत्वया सरकारय् विज्ञान नाप प्रविधि मन्त्री जुगु खः ।
थौं शुक्रवाः पार्टी ज्याकुथि धुम्बाराहीलय् प्रधानमन्त्री नाप पार्टी अध्यक्ष केपी शर्मा ओली व मेम्ह अध्यक्ष पुष्पकमल दाहाल प्रचण्डं धमला व पराजुलीयात लसकुस याःगु खः ।
अथेहे मेपि मनु हुमागाइँ, भूमि देवकोटा, गोकुल केसी, अशोक पाण्डे, नवीन तामाङ, हरिमाया खत्री, प्रकाश सापकोटा, कुमार तिवारी, नकुल थापा, अशोक बस्नेत, प्रकाश लम्साल, बिनोद कार्की, रमेश देवकोटा, होमप्रसाद न्यौपाने, अञ्जना श्रेष्ठ, मनिषा कँडेल, नवराज पाण्डे, हरिभक्त आचार्य लगायतपिं नेकपाय् दुहा वःगु खः ।
त्रिशूली खुसीइ ट्रक कुथु वना निम्ह सित
लहनान्युज | दिल्लाथ्व तृतिया ११३९ (जुलाइ ४ २०१९)
सर्लाहीपाखे येँ वया च्वंगु मालबाहक ट्रक त्रिशूली खुसीइ कुथु वना निम्ह सिगु दुसा छम्ह घाइते जुगु दु ।
ना ७ ख ६७६५ नम्बरया उगु आपा ज्वना वया च्वंगु ट्रक थौं सुथय् पृथ्वी राजमार्ग अन्तर्गत चितवनया इच्छाकामना–३ चुम्लिङटार नापन्तु त्रिशूली खुसिइ अथे दुर्घटना जुगु खः ।
उगु दुर्घटनाय् लाना ट्रक चलेयाना वया च्वम्ह बालकृष्ण यादव व ट्रक साहु रविकान्त यादव सिगु खः ।
दुर्घटनाय् लाना घाइते जुम्हसित भरतपुर अस्पताल वासः याकाच्वंगु दु ।
कमलपूखु पुननिर्माणया शिलान्यास जुल
लहनान्युज | तछलागा द्धितीया ११३९ (जुलाई ४ २०१९)
थौं छगु ज्याझ्वः दथुइ कमलपूखुया पुननिर्माण येँ महानगरया प्रमुख बिद्यासुन्दर शाक्य, उपप्रमुख हरिप्रभा श्रेष्ठ खड्गी व वडाध्यक्ष भरतलाल श्रेष्ठं मंकाः कथं शिलान्यास यानादिगु दु ।
उगु शिलान्यास लिपा औपचारिक ज्याझ्वलय् संघीय संसद सदस्य नाप पूर्वमन्त्री गगनकुमार थापां पूखु पुननिर्माणया लागि महानगरया नेतृत्व व लगानीप्रति प्रशंशा यासे नक्साल भगवती निसे नागपोखरी तक सम्पदा पुनस्र्थापनाया नेतृत्व कायेत इनाप न यानादिगु खः ।
अथेहे महानगरया प्रमुख बिद्यासुन्दर शाक्यं सम्पदा पुननिर्माण यायेत पर्यटन नाप स्वाना दिगो व्यवस्थापनय् थःगु ध्यान वःगु दु धाःसे थुगु पूखु बचे यायेत योगदान यापिं, थुकिगु पुनस्र्थापना यायेत डिजाइन यापिं व पूखुयात व्यवस्थित नाप संरक्षण यायेत दक्को सिगु योगदान हे थःथे सम्भव जुगु धका धयादिगु खः ।
थुगु पूखुया आर्किटेक्ट इञ्जिनियर प्रियङ्का प्रधान, सिभिल इञ्जिनियर नितेष श्रेष्ठ व प्रभात गौत्तमं डिजाइन याःगु खः
देय् दबूया कोषाध्यक्ष अन्जिता खड्गी हे कायम
नृपेन्द्रलाल श्रेष्ठ | तछलागा द्धितीया ११३९ (जुलाई ४ २०१९)
नेवाः देय् दबूया कोषाध्यक्ष अन्जिता खड्गी हे कायम जुगुदु । वंगु फागुन २४/२५ गते धनगढी जुगु केन्द्रीय मूँज्यां अन्जीता खड्गीजुयात चीका सचिब शान्त श्रेष्ठयात भाला बिगु खः ।
उगु निर्णयया बिरुद्ध खड्गीं येँया जिल्ला प्रसाशन कार्यालय् उजुरी तःगु खः । उगु उजुरीया आधारय् थौं निगु पक्षयात छथाय् तया सहलह याकुगु खः ।
थौंं येँ जिल्ला प्रसाशनय्ं नेवाः देय् दबूया नायः नरेश ताम्रकार व महासचिव माइला बाबु द्यौला नाप कोषाध्यक्ष अन्जिता खड्गी व नेपाल खड्गी सेवा समितिया पुलाम्ह नाय: व आ याम्ह संरक्षक मनोज नेवाः खड्गी सहभागी जुगु खः ।
उगु निगु पक्षयात छथाय् हे तया येँ जिल्ला प्रशासनया प्रमुख राम प्रसाद आचार्यं बिधान सम्मत मजुलि अन्जिता खड्गीयात कोषाध्यक्ष हे कायम याये माःगु, दबूया नायः पाखें भैपरी आउने शीर्षकया नामे य: य थें खर्च याना च्वंगु पारदर्शी याये माःगु व देय् दबूया आःया बिधान लोकतान्त्रिक मजुगुलिं याकन हे लोकतान्त्रिक कथं संशोधन याना पेश यायेत निर्देशन न बिगु दु ।
थौंया येँ जिल्ला प्रशासनया निर्णय लिपा दांभरी अन्जीता खड्गीजुं लहनान्युज नाप खँल्हानादिसें देय् दबूया नायःपाखें बिधिसम्मत ज्या मजुगु नापं आर्थिक पारदर्शी कथं खर्च मजुगु खँ तये वं थःत कोषाध्यक्ष पदं चिइका नाय: नं थ य: थें याय्त स्वगु खः धका धयादिगु खः । आः थःगु कुतः धइगु आर्थिक पारदर्शी कथं देय् दबू न्ह्याकिगु जुइ धका धयादिगु दु ।
दीपक मनाङ्गे व विप्लव पुचःया नेता नेकपाय्
लहनान्युज | दिल्लाथ्व दुतिया ११३९ (जुलाइ ४ २०१९)
गण्डकी प्रदेशया सांसद राजीव गुरुङ (दीपक मनाङे) नेकपा दुहा वःगु दु । उगु ज्याभ्वलय् राजीव नाप विप्लव पुचःया कास्की सचिवालय दुजः नाप माछापुच्छ्रे गाउँपालिकाया संयोजक पुष्प कार्की न नेकपाय् दुहा वःगु खः।
थौं सुथय् गण्डकी प्रदेशया मुख्यमन्त्री पृथ्बीसुब्बा गुरूङं निम्हसित लसकुस याःगु खः । मनाङ्गेयात सिन्ह टिकां नाप नेकपाया विधान बिया पार्टीइ लसकुस याःगु खः ।
नेकपाया ग्वाहाहि हे मनाङपाखे प्रदेशसभाय् स्वतन्त्र उम्मेदवारी बिया वःगु प्रदेशसभाय् त्याःगु खः । वयात फौजदारी मुद्दाय् उच्च अदालत पाटनं दोषी ठहर याःगु नि सपथ काये मखगु खः
।
उगु मुद्दाय् सर्वोच्चं पुनरावेदन यासे मनाङ्गे सर्वोच्च अदालतं थुना मच्वसे मुद्दा ल्वाये फइगु खँपु चायेका बिगु खः वया लिपा प्रदेश सांसदया रुपय् सपथ काःगु खः ।
