Display Style:
Column Style
गण्डकीइ ५८म्हेसित कोरोना पुष्टि
लहनान्युज | तछलागा चतुर्दशी ११४०,असार ६ सनीवाः
गण्डकी प्रदेशया न्ह्यगु जिल्लाय् थप ५८म्हेसित कोरोना संक्रमित जूगु दु ।
थौं तनहुँइ २५म्ह, नवलपुरय् १६म्ह, बाग्लुङय् ८म्ह, गोरखाय् ५म्ह, कास्कीइ निम्ह, म्याग्दी व स्याङ्जाय् छम्ह छम्हेसित कोरोना संक्रमण पुष्टि जूगु दु ।
थ्व नाप गण्डकी प्रदेशय् कोरोना संक्रमण पुष्टि आः ४३८म्ह थ्यःगु दु धका गण्डकी प्रदेश कोरोना नियन्त्रण तथा रोकथाम कार्यक्रमया निर्देशक डा. विनोद विन्दु शर्मां जानकारी बियादिगु दु ।
न्हुपि संक्रमितहरु मध्ये तनहुँया ऋषिङ गाउँपालिकायापि २१म्ह, ब्यास नगरपालिका निम्ह, शुक्लागण्डकी नगरपालिकाय् निम्हेसित कोरोना पुष्टि जूगु दु ।
नवलपुर जिल्लाय् १६ म्ह संक्रमित मध्ये बुलिङटार गाउँपालिकाय् ११म्ह, मध्यविन्दु नगरपालिकाय् निम्हेसित कोरोना पुष्टि जुगु दु ।
गण्डकीइ थप ३२म्ह कोरोना संक्रमण
लहनान्युज | तछलागा त्रयोदशी ११४०,असार ५ शुक्रवाः
थौ जक आजमात्र ५६म्ह गण्डकी प्रदेशय् थप ३२ म्ह कोरोना संक्रमित थपे जूगु दु ।
बागलुङय् १०म्ह, तनहुँइ १७म्ह व पर्वतय् न्याम्हेसित कोरोना संक्रमित थपे जूग दु ।
बागलुङ नगरपालिकाय् न्याम्ह मिजंपि, ढोरपाटन नगरपालिकाय् प्यम्ह मिजंपि व बागलुङय् छम्ह मिसायात कोरोना संक्रमण खने दुगु धका प्रदेश स्वास्थ्य निर्देशनालयं पुष्टि जूगु दु ।
तनहुँया घिरिङ नगरपालिकाय् झींप्यम्ह मिजंपि व स्वम्ह मिसायात कोरोना संक्रमण खने दुगु दु । पर्वतया कुश्मा नगरपालिकाय् स्वम्ह मिजंपि व निम्ह मिसा स्वास्थ्यकमीयात कोरोना संक्रमण पुष्टि जूगु दु ।
थौं सुथय् जक गण्डकीइ प्यगु जिल्लाय् २४म्हेसित संक्रमित खने दुगु खः ।
येँ महानगरं सुविधा सम्पन्न ५० सैयाया अस्पताल दयेकेइगु
लहनान्युज | तछलागा त्रयोदशी ११४०,असार ५ शुक्रवाः
येँ महानगरपालिकाया मेयर बिद्यासुन्दर शाक्यं आर्थिक वर्ष ७७÷०७८ या नीति तथा कार्यक्रम सार्वजनिक यानादिसे २५९ बुँदा दुगु नीति तथा कार्यक्रमय् जनस्वास्थ्य सेवायात प्राथमिकताय् बिःगु दु ।
महानगरया मेयर शाक्यं येँ महानगरपालिकां थःगु नीति तथा कार्यक्रमय् थःगु हे सुविधा सम्पन्न म्हति ५० सैयाया अस्पताल स्थापना यायेत आवश्यक पूर्वाधार व्यवस्था यायेगु, महानगरपालिका दुने सञ्चालन जुया वयाच्वंगु सामुदायिक अस्पतालयात हे महानगरपालिका अस्पतालया रुपय् सञ्चालन यायेगु योजना समावेश याःगु दु ।
वरिष्ठ ज्येष्ठ नागरिकपिन्त विशेषज्ञ चिकित्सकपाखे नियमित नाप निशुल्क स्वास्थ्य परीक्षण सेवायात निरन्तरता बिइगु, महानगरय् च्वपिन्त स्वस्थ जीवनया लागि स्वच्छ आहार विहारया नीति अवलम्बन यायेगु खँ प्राथमिकता बिःगु दु । ‘गुणस्तरीय एवं न्युनतम स्वास्थ्य सेवा यायेत दइगु हकयात सुनिश्चित यायेत येँं महानगरपालिका दुने सञ्चालित दक्को सरकारी, निजी व सामुदायिक अस्पतालपाखे बिया वयाच्वंगु स्वास्थ्य सेवाया गुणस्तर नियमन व अनुगमन यायेत संस्थागत व्यवस्था मिले याये त्यःगु दु,’ नीति तथा कार्यक्रमय् वडा वडाय् मृगौला जोगाउ अभियान सञ्चालन याये योजना न हःगु दु ।
अर्बुद रोग लगायत मेगु दीर्घ ल्वय् इलय् हे स्वास्थ्य परीक्षण याना दीर्घरोग स्वास्थ्य परीक्षण कार्यक्रम सञ्चालन यायेगु नीति हःगु दु । कोभिड १९ व मेमेगु सम्भावित महामारीपाखे बचे जुइत आवश्यक निरोधात्मक उपाय प्रभावकारी रुपं लागु यायेगु धका धाःगु दु ।
येँं महानगर दुने खिचा लहिइत अनुमति अनिवार्य
नृपेन्द्रलाल श्रेष्ठ | तछलागा त्रयोदशी ११४०,असार ५ शुक्रवाः
येँ महानगरपालिका दुने खिचा लहिइत आ येँ महानगरपालिकाया अनुमति काये माःगु जूगु दु ।
म्हिगः बिहीवाः राष्ट्रिय सभागृहय् महानगरपालिकाया मेयर विद्यासुन्दर शाक्यं आर्थिक वर्ष २०७७ व ७८ या लागि हःगु नीति तथा कार्यक्रमय् खिचा लहिइत न येँ महानगरया अनुमति अनिवार्य यायेगु निति हःगु दु ।
नीति तथा कार्यक्रमय् छाडा पशुपाखे सतक दुर्घटना जूइ फइगु व ल्वय् फैले जूइगु सम्भावनायात ध्यान तया पशुपिनिगु व्यवस्थापन ‘बहुउद्देश्यीय परियोजना’ पाखे यायेगु उल्लेख याना तःगु दु ।
घरपालुवा व छाडा पशुपाखे रेबिज ल्वय् उन्मूलन यायेत ‘बृहत् भेक्सिनेसन’ ज्याझ्वः हयेगु धका येँ महानगरया मेयर शाक्यं धयादिगु खः ।
अथेहे छेँय् लहिइपि जनावरपिनिगु स्वास्थ्य जाँच सेवाया लागि उपचार केन्द्रया व्यवस्था यायेगु धका न धाःगु दु ।
गण्डकीइ थप २४म्ह कोरोना संक्रमित
लहनान्युज | तछलागा त्रयोदशी ११४०,असार ५ शुक्रवाः
गण्डकी प्रदेशया प्यःगु जिल्लाय् थप २४म्हेसित कोरोना भाइरस संक्रमण पुष्टि जूग दु ।
पूर्वी नवलपरासीय् निम्ह, बागलुङय् १४म्ह, कास्कीइ खुम्ह व स्याङ्जाय् खुम्हेसित कोरोना संक्रमण पुष्टि जूगु दु ।
थ्व नाप गण्डकी प्रदेशय् कोरोना संक्रमण पुष्टि जूपि ३४८म्ह थ्यःगु दु धका गण्डकी प्रदेशया स्वास्थ्य निर्देशनालयं थौं शुक्रवाः सुथया ६ बजे जारी याःगु प्रेस विज्ञप्तिइ धाःगु दु ।
उपि दक्को भारत लिहावपि धका धाःगु दु । दक्को सम्बन्धित पालिकाया क्वारेन्टाइनय् च्वना च्वपि व दक्को सम्बन्धित जिल्लाया आइसोलेसन कक्षय् यंकेगु तयारी जूया च्वगु धका निर्देशनालयय् धाःगु दु ।
गण्डकी प्रदेशय् कोरोना संक्रमितपि ३४८म्ह थ्यःगु दु नाप २२म्ह छेँय् लिहा वने धुकुगु दु । गण्डकी प्रदेशय् मुस्ताङ दक्को जिल्लाय् कोरोना भाइरस संक्रमण खने दये धुकुगु दु ।
