Display Style:
Column Style
येँ महानगरं आर्थिक बर्ष २०७६ व ०७७ या आय व्यय न्ह्यब्बल
नृपेन्द्रलाल श्रेष्ठ | तछलागा नवमी ११३९ (जुन २६ २०१९)
आर्थिक बर्ष २०७६ व ०७७ या लागि येँ महानगरं १५ अर्ब ५० करोड ७० लाख १२ द्धःतका आय व्यय प्रस्ताव न्ह्यब्बःगु दु ।
येँ महानगरयां न्याक्वःगु साधारण सभाया निक्वःगु बैठकय् महानगरया प्रमुख बिद्यासुन्दर शाक्यं अबार्थिक बिधेयक व उपप्रमुख हरिप्रभा श्रेष्ठ खड्गीें बिनियोजन बिधेयक न्ह्यब्बसे आय व्यय प्रस्ताव तयादिगु खः । थ्व खर्च अनुमान चालु आर्थिक बर्षयो बिनियोजित १३ अर्ब २ करोड १२ लाख ३७ द्धः तुलनाय् १९ प्रतिशतं अप्वःग खः ।
कुल बजेट ३९ प्रतिशत ५ अर्ब ९८ करोड ३० लाख २४ द्धः तका थुगु क्षेत्रया लागि बिनियोजित याःगु खः। थुकिइ उर्जा, भवन नाप सहरी विकास, वैकल्पिक उर्जा व सञ्चार, सडक व थीथी पूर्वाधार लाः।
अथेहे मेगु बजेट सामाजिक विकास क्षेत्र अन्तरगत लः नाप सुचुपुचु, लैङ्गिक समानता व सामाजिक समावेशीकरण, शिक्षा, स्वास्थ्य व संस्कृति प्रबर्धनया कार्यक्रमयात ३ अर्ब ७२ करोड १५ लाख ४९ द्धः बजेट बिनियोजन याःगु दु । थ्व कुल बजेटया २४ प्रतिशत खः ।
अथेहे सस्थागत विकासया लागि ३ अर्ब ५९ करोड १८ लाख ५० द्धः अथे धइगु कुल बजेटयो २३ प्रतिशत बजेट तःगुु दु । सेवा प्रवाह व सुशासनय् अभिलेख व्यवस्थापन, नागरिक वडापत्र, मानव संसाधन विकास, सूचना प्रविधि, सुरक्षा व्यवस्थापन, सेवा प्रवाह, आन्तरिक व अन्तिम लेखा परीक्षण, राजस्व परिचालन, संस्थागत क्षमता विकास, पूँजीगत सम्पत्तिको सञ्चालन व सम्भार खर्च, कार्यालय सामान व सेवा, मेगु सेवा व परामर्श खर्च, कार्यक्रम सम्बन्धी खर्च, अनुगमन व मुल्याङ्कन, भ्रमण अन्तर्गत जुइगु खर्च, स्थिर सम्पत्तिया उपभोग खर्च, आन्तरिक ऋणया व्याज, सेवा शुल्क दुथ्याः ।
जग्गा बिकासया लागि १ अर्ब १२ करोड ८२ लाख ७० द्धः छुटे याःगु दु । अथेहे उद्योग व वाणिज्य, कृषि, पर्यटन, वित्तिय व सहकारी क्षेत्रयात आर्थिक बिकासया लागि ६९ करोड ७ लाख ७४ हजार द्धः व वातावरण व विपद व्यवस्थापन पाखे वाताबरण संरक्षण, जलवायु परिवर्तन, फोहोरमैला व्यवस्थापन, ल्याण्डफिल्ड साईटया ब्यबस्थापन, वन व भू (संरक्षण, बारुणयन्त्र सञ्चालन व विपद व्यवस्थापनया लागि ३९ करोड १५ लाख ४५ द्धः तका प्रस्ताव याःगु दु ।
आन्तरिक श्रोतपाखे ७ अर्ब ५६ करोड ६ लाख ३७ द्धः अर्थात् अनुमानित आम्दानीया ५२.५८ प्रतिशत ध्यवा अनुमान याःगु दु । अथेअे बाह्य श्रोतपाखे ४ अर्ब १८ करोड ९० लाख ८ द्धः, महानगरपालिकाया नामय् बैंकय् दुुगु मौज्दातपाखे २ अर्ब ६२ करोड ९० लाख ९७ द्धः व थःगु मातहतया आयोजपाखे १ अर्ब १२ करोड ८२ लाख ७० द्धः याना १५ अर्ब ५० करोड ७० लाख १२ द्ध आय जुइग अनुमान याःगु दु ।
चालु आर्थिक बर्ष २०७५ व ०७६ या कुल राजस्व असुलीया अनुमान १३ अर्ब २ करोड १२ लाख ३७ द्धः तःगु दु । थुगु आन्तरिक श्रोतपाखे ४ अर्ब ९० करोड २१ लाख ५७ द्धः, नगद मौज्दातपाखे १ अर्ब ४८ करोड ३८ लाख तका व बाह्य श्रोतपाखे ५ अर्ब ६५ करोड ५२ लाख असुली यायेगु गर्ने अनुमान याःगु दु ।
अथेहे येँ महानगरपालिका अन्तर्गत सञ्चालन याना तःगु थीथी आयोजनापाखे ९८ करोड ८० द्धः आम्दानीया आश याःगु दु । थुकिइ मध्ये चालु आर्थिक बर्षया बैशाख मसान्त तकया अवधिइ आन्तरिक आयपाखे ३ अर्ब ३९ करोड २ लाख १२ द्धः व अन्य श्रोतपाखे २ अर्ब ८४ करोड ५५ लाख ७८ द्धः जम्मा व ६ अर्ब २३ करोड ५७ लाख ९० द्ध कुल राजस्व पाखे दु । थ्व ल्याः अनुमानित आम्दानीया ५१.५ प्रतिशत खः ।
राष्ट्रियसभां गुठी विधेयक लितकाल
लहनान्युज | तछलागा अष्टमी ११३९ (जुन २५ २०१९)
विवादास्पद गुठी सम्बन्धी कानूनयात संशोधन व एकीकरण यायेत दयेके त्यःगु विधेयक राष्ट्रियसभां लितकाःगु दु ।
भूमिसुधारमन्त्री पद्मा अर्यालं बिधयेक लित कायेगु प्रस्ताव थौं मंगलवाः तःगु खः । उगु प्रस्ताव थौं राष्ट्रियसभापाखे पास जुगु खः ।
विधेयकयात कया आन्दोलन चके जुइवः सरकारं विधेयक लित कायेगु घोषणा याःगु खः ।
थुगु गुठी विधेयक
बैशाख १७ गतेः विधेयक राष्ट्रियसभाय् दर्ता ।
बैशाख १९ गतेः विधेयक सांसदपिन्त वितरण ।
जेठ ६ गतेः राष्ट्रियसभाय् प्रस्तुत ।
जेठ १३ गतेः विधेयकयात राष्ट्रियसभा बैठकय् सामान्य छलफल ।
जेठ १९ गतेः गुठी संरक्षण पुचः पाखे. विधेयक सम्पदा विरोधी जुगु धाःसे पुनर्विचार यायेत माग ।
जेठ २८ गतेः विधेयकया विरोधय् माइतीघर मण्डलाय् प्रदर्शन । प्रहरीं लः या फोहरा छ्वाकुगु ।
जेठ ३१ गतेः दाङय् गुठी विधेयकया पक्षय् व यलय् विरोधया पक्षय् प्रदर्शन ।
असार १ गतेः विधेयकया विरोधय् ख्वपय् व जनकपुरय् प्रदर्शन ।
असार २ गतेः प्रधानमन्त्री केपी शर्मा ओलीपाखे बालुवाटारय् स्वनिगलय् निर्वाचित नेकपाया सांसदपिं नाप छलफल ।
असार ३ गतेः सरकारपाखे विधेयक लित कायेगु निर्णय ।
चित्तधर ‘हृदय’ बुदिंया लसताय् थीथी सिरपां हन
लहनान्युज | तछलागा षष्ठी ११३९ (जुन २३ २०१९)
कविकेशरी चित्तधर ‘हृदय’ या ११३ क्वःगु बुदिंया लसताय् नेपालभाषा परिषदया ग्वसालय् नेपाल प्रज्ञा प्रतिष्ठानय् छगु ज्याझ्वः याःगु दु ।
उगु ज्याझ्वलय् भाषाथुवाः, चित्तधर सिरपाः व पूर्ण–हीरा सिरपाः पाखे हना ज्याझ्वः नाप चित्तधर हृदयया चिनाखँ व म्ये सफू पितब्वज्या जूगु दु ।
चित्तधर ‘हृदय’ या ११३ क्वःगु बुदिंया लसताय् जुगु ज्याझ्वलय् फणिन्द्र रत्न बज्राचार्य मूपाँहा कथं झायादीगु खः । उगु ज्याझ्वलय् प्रा.डा. तेजरत्न कंसारकारयात ‘ने.सं. ११३९ मानार्थ
‘भाषाथुवाः’ उपाधि, नागार्जुन पब्लिकेशनयात ‘चित्तधर सिरपाः’ व ‘पूर्ण–हीरा सिरपाः’ साहित्यकार शान्तराज शाक्ययात हनापौ नापं नगद लःल्हानादिगु खः ।
अथेहे, ज्याझ्वलय् चित्तधर ‘हृदय’या चिनाखँ व म्ये सफू मूपाहाँ बज्राचार्य छत्रबहादुर कायस्थं मंकाः कथं पितब्वज्या यानादीगु खः । उगु सफूया समालोचक पूर्णकाजी ताम्राकारं समीक्षा यानादिगु खः ।
छत्रबहादुर कायस्थया सभाधक्ष्यताय् जुगु उगु ज्याझ्वः प्रतिसरा साय्मिं न्ह्याकादीगु खः ।
बुँखः नेवाः सुचना केन्द्र किपाः राजेन्द्र रंजित
यलय् साहित्यिक ज्याझ्वलय् स्वम्हेस्या ब्बन बाखं
लहनान्युज | तछलागा षष्ठी ११३९ (जुन २३ २०१९)
सः छगू फरक अभिव्यक्तिया ग्वसालय् यलय् छगु चिबाखं साहित्यिक मुँज्या जूगु दु ।
उगु चिबाखं साहित्यिक मुँज्या ज्याझ्वलय् शरद कसाः, श्याम आशा कायस्थ, निजिरोस श्रेष्ठ स्वम्हस्या न्यापु न्यापु चिबाखं ब्वनाः न्यंकादीगु खः ।
अथेहे उगु ज्याझ्वलय् डा. पुष्प राज राजकर्णिकारं थःगु नुगःखँ तयेगु झ्वलय् बाखं च्वमि शरद कसाःया बाखं न्ह्यब्वयेगु इलय् कलाकारिता नं खने दु धका धयादिसे श्याम आशाया बाखनय् धायेय् माःगु थःगु सकतां खँ चीहाकलं न्ह्यैपुक्क न्ह्यब्व दु धयादिसे निजिरोस बाखं च्वयेगु ब्यागलं पहः दुगु खँ कनादिगु खः ।
सुनिल बज्राचार्यं न्ह्याकादीगु उगु ज्याझ्वलय् नरेश अमात्यं लसकुुस यानादीगु खःसा सुधिर ख्वविं स्वम्ह बाखं च्वमिपिन्त मतिनाया चिं लःल्हानादीगु खः ।
बुँखः नेवाः सुचना केन्द्र किपाः राजेन्द्र रंजित
थौं ब्ल्यायक आउट जुल
नृपेन्द्रलाल श्रेष्ठ | तछलागा पंचमी ११३९ (जुन २२ २०१९)
थौं येँ व यलया थी थी थासय् गुथि बिधेयकयात खारेजया माग यायेगु ज्याझ्वः कथं ब्ल्यायक आउट ज्याझ्वः जुगु दु ।
थौंया ज्याझ्वः राष्ट्रिय पहिचान संरक्षण सयुक्त संघर्ष समितिया ग्वसालय् शनिवाः बहनिं ७ः३० बजे निसें ७ं४५ बजे तक ब्ल्यायक आउटया ज्याझ्वः याःगु दु ।
