Display Style:
Column Style
विषादी प्रकरणय् छ्वया हःगु पौं क्यःनागु दु कृषिमन्त्री खनाल
लहनान्युज | दिल्लाथ्व एकादशी ११३९ (जुलाई १२ २०१९)
कृषिमन्त्री चक्रपाणि खनालं विषादी प्रकरणय् भारतीय दूतावासं छ्वया हःगु पौं थःम्ह हे प्रधानमन्त्री क्यनागु खः धका धयालिगु खः ।
दूतावासं छ्वया हःगु पौंया जानकारी थःत मवःगुनि धकाः प्रधानमन्त्री म्हिगः छगु ज्याझ्वलय् न्ववानादिगु खः ।
उगु ज्याझ्वलय् प्रधानमन्त्रीं सार्वजनिक रुप थःत मछालेपुगु ज्या जुगु धका माफी तका फ्वःगु खः ।
कृषिमन्त्री खनालं भारतीय पौंया बारे प्रधानमन्त्रीयात जानकारी मदुगु सिया थःम्ह हे उगु पौं क्यनाःगु धका न धयादिगु खः ।
यलय् संस्कृति व पर्यटन प्रवद्र्धनय् बारेय् अन्तरक्रिया
नृपेन्द्रलाल श्रेष्ठ | दिल्लाथ्व दशमी ११३९ (जुलाई ११ २०१९)
यलया संस्कृति व पर्यटन प्रवद्र्धनय् सञ्चारया भूमिका बारेय् छगु अन्तरक्रिया ज्याझ्वः जुगु दु । उगु ज्याझ्वः नेवाः पत्रकार राष्ट्रिय दबुया ग्वसालय् यल महानगरपालिका समाज कल्याण महाशाखाया ग्वाहालिं ताम्राकार समाजया भवनय् जुगु खः ।
उगु अन्तरक्रिया ज्याझ्वलय् मूपाँहा कथं संघिय मामिला तथा स्थानिय मन्त्रालयया सहसचिव रुद्रसिंह तामाङया झायादिगु खः । उगु अन्तरक्रिया ज्याझ्वलय् यल महानगरपालिका सामाजिक विकास संयोजक नाप वडा नंबर २४ या वडा अध्यक्ष दिनेश कार्की, १६ वडा अध्यक्ष निर्मलरत्न शाक्य, २१ वडा अध्यक्ष रविन्द्र महर्जन, नेपालभाषा टाइम्सया सम्पादक सुरेश किरण
मानन्धर, कान्तिपुर न्हिपौया संवाददाता प्रशान्त माली, कल्पना महर्जन व यलया पर्यटनबिज्ञ दिलेन्द्र श्रेष्ठ पिन्स उगु बिषय बिचाः तयादिगु खः ।
यल जिल्लाया सचिव राजेश बज्राचार्य न्ह्याकादिगु उगु ज्याझ्वलय् पत्रकार दबुया केन्द्रिय महासचिव सुनिल महर्जनं लसकुस यानादिगु नाप केन्द्रिय अध्यक्ष श्रीकृष्ण महर्जनया सभाध्यक्षताय् जुगु खःसा यल जिल्लाया अध्यक्ष सुरज व्यञ्जनकार सुभाय् बियादिगु खः ।
विषादी प्रकरणय् थःत झुके यात : प्रम ओलि
लहनान्युज | दिल्लाथ्व दशमी ११३९ (जुलाई ११ २०१९)
प्रधानमन्त्री केपी शर्मा ओलीं विषादी प्रकरणय् थःत झुके याःगु धका धयादिगु दु ।
भारतं वःगु पौं थःत सुचूका तया थःत मछालेपुगु अवस्था हःगु धका धयादिसे उकिइगु खोजबिन जुइ धका न धयादिगु खः ।
येँ जुगु छगु ज्याझ्वलय् प्रधानमन्त्री ओलीं अथे धयादिगु खः ।
प्रधानमन्त्री ओलीं नेपाःमिया भूतुलि विषादी नयेगु जुइ मज्यु धका धयादिसे शुद्ध नँसा जुइ माःगु सरकारया उद्देश्य खः धका धयादिसे सरकार विरुद्ध न्ह्याकुगु मिसन पूरा मजुइगु धका न धयादिगु खः ।
विषादीया विषयस मन्त्रीपरिषदया निर्णय कार्यान्वयन मयायेत सर्बोच्चया अन्तरिम आदेश
लहनान्यूज | ने.सं. ११३९ दिल्लाथ्व अष्टमि/नवमि (९ जुलाइ, २०१९), बुधवाः
नेपालय् आयात जुइगु तरकारी लिसें सिसाबुसाय् विषादी परीक्षण मयायेगु मन्त्रीपरिषदया निर्णय कार्यान्वयन मयायेत सर्बोच्चं अन्तरिम आदेश ब्यूगु दु ।
न्यायाधिस डा. आनन्दमोहन भट्टराईया एकल इजलासं मन्त्रीपरिषदया असार १८ गतेया निर्णय कार्यान्वयन मयायेत धाःगु खः ।
उद्योग, वाणिज्य तथा आपूर्ति मन्त्रालयं असार २गते नेपालय् आयात जुइगु तरकारीलिसें सिसाबुसाय् विषादी परीक्षण यायेकथं निकासी पैठारी सम्बन्धी आदेश राजपत्रय् पिथंगु खः । तर असार १८ गते सरकारं तयारी मगाःगु धासें विषादी परीक्षण यायेगु थःम्हेस्यां याःगु निर्णय लित काःगु खः ।
थ्व स्वयां न्ह्यः येँय् च्वंगु भारतीय दूतावासं विषादी परीक्षणया विरोध यासें मन्त्रालयस पौतकं छ्वःगु खः ।
गल्ती याःपिं त्रिविवि कर्मचारीयात कडा कारबाही : प्रम ओली
लहनान्यूज | ने.सं. ११३९ दिल्लाथ्व अष्टमि/नवमि (९ जुलाइ, २०१९), बुधवाः
प्रधानमन्त्री केपी शर्मा ओलीं गल्ती याःपिं त्रिभुवन विश्वविद्यालयया कर्मचारीयात कडा कारबाही यायेगु ख्याच्वः बियादीगु दु ।
त्रिभुवन विश्वविद्यालयया कूलपतितकं जुयादीम्ह प्रधानमन्त्री ओलीं विश्वविद्यालय थेंजाःगु पवित्र थासय् बेथिति दुतहःपिं नापं अनियमितता याइपिं सुं नं कर्मचारीयात कडा कारवाही जुइगु धयादिल ।
त्रिभुवन विश्वविद्यालयया ६०क्वःगु स्थापना दिवसया झ्वलय् थौं बुधवाः येँय् ग्वसाः ग्वःगु प्राज्ञसभाय् न्ववानादिसें ओलीं विश्वविद्यालयस गल्ती याइपिं कर्मचारीपिन्त सरकारं दण्ड व बांलाःगु ज्या याइपिं कर्मचारीपिन्त सिरपाः बीगु नं स्पष्ट यानादिल ।
प्रधानमन्त्री ओलीं देशया शिक्षा क्षेत्रयात हलिमय् हे प्रतिस्पर्धा यायेबहः जुइकथं दयेकेत सरकार प्रतिबद्ध जूगु नं धयादिल । वय्कलं आवश्यकताकथं दक्ष जनशक्ति दयेकेगु ज्याय् न्ह्यज्यायेत नं फुक्क विश्वविद्यालययात इनाप यानादिल ।
ज्याझ्वलय् शिक्षा, विज्ञान तथा प्रविधिमन्त्री गिरीराजमणि पोखरेलं विश्वविद्यालयया छवि हे बुलुइगु कथं गल्ती मयायेत विश्वविद्यालयया पदाधिकारीपिन्त सचेत याकादिल । वय्कलं विश्वविद्यालय दुने कल्पनातकं यायेमफइकथंया बेथिति दुहांवःगु न्ह्यथनादिसें दुःख नं प्वंकादिल ।
मुँज्याय् विश्वविद्यालयया उपकूलपति प्राध्यापक डा. तीर्थराज खनियां विश्वविद्यालयपाखें नालीगु नीति व ज्याझ्वःयात कयाः जानकारी याकादिल ।
