Display Style:
Column Style
धादिङय् २४म्हेसित कोरोना भाइरस संक्रमण पुष्टि
लहनान्युज | तछलागा नवमी ११४०,जेठ ३२ आइतवाः
यापिड डायग्नोस्टिक किट (आडीटी) याना छेँ लिहा वःपि धादिङया २४म्हेसित कोरोना भाइरस (कोभिड–१९) या संक्रमण पुष्टि जूगु दु ।
नीलकण्ठ नगरपालिकाय् भारत लिहा वःपि १४ न्हु क्वारेन्टिनय् च्वपि आरडीटी परीक्षण लिपा छेँ लिहा वःपि खः ।
छेँ लिहा वःपिन्त स्वाब संकलन याना पीसीआर टेस्ट याःगुलि २४म्हेसित संक्रमण पुष्टि जूगु खः
येँ महानगरय् निशुल्क एम्बुलेन्स सेवा प्यद्धः स्वया अप्वोेसिया काल
लहनान्युज | तछलागा नवमी ११४०,जेठ ३२ आइतवाः
येँँ महानगरपालिकाया आर्थिक ग्वाहालि न्ह्याःगु निःशुल्क आकस्मिक एम्बुलेन्स सेवां लकडाउनया इलय् करीब प्यद्धः व न्यासःम्हसिया निशुल्क सेवा प्रदान याःगु दु ।
हृदयघात, मृगौला ल्वगि तयेत अस्पताल तक यंकेगु व हयेगुलि महानगरपालिकां सुरु याःगु निशुल्क एम्बुलेन्सं लकडाउनया इलय् एकतर्फी करीब द्धःछि व दुईतर्फी करीब प्यद्धः व
न्यासम्हसिया सेवा बियागु धका येँ महानगरपालिकाया प्रशासन विभाग प्रमुख नमराज ढकालं जानकारी बियादिगु दु ।
येँ महानगरपालिकाया मेयर बिद्यासुन्दर शाक्यं लकडाउनया इलय् हृदयघात, मृगौला ल्वगि तयेत नाप महानगरय् च्वपिन्त २४ हे घण्टा आकस्मिक निशुल्क एम्बुलेन्स सेवा बिइगु उदेश्यं थुगु सेवा सुरु यानागु धका जानकारी बियादिगु खः ।
थःगु छेँय् अस्पताल तक वनेगु वः, छगु अस्पतालं मेगु अस्पताल तक यंकेगु व अस्पतालं छेँय् हयेगु यंकेत निशुल्क एम्बुलेन्स सेवाया सुविधा उपलब्ध यानगु धका धयादिगु खः,’ मेयर शाक्यं महानगर दुने लकडाउनया इलय् महानगरय् दुने च्वपि विरामीपिन्त यातायातया सुविधा उपलब्ध मजुगु अवस्थाय् अस्पताल तक हयेगु व यंकेत समस्या जूपिन्त हटलाइन नम्वर ११८० य् स्वापू तयेत इनाप याना दिगु खः । उगु हटलाइनय् लकडाउनया इलय् खुद्धः स्वया अप्वोसिया स्वापू तःगु धका धयादिगु दु ।
एम्बुलेन्स चालक संघ, नेपाल (काठमाडौं जिल्ला कार्य समिति) आर्थिक ग्वाहालि याना येँ महानगरपालिकां लकडाउन इलय् निशुल्क एम्बुलेन्स सेवा सुरु याःगु खः ।
४२५म्हेसित कोरोना, थौं तक संक्रमितपि ५७६०म्ह थ्यन
लहनान्युज | तछलागा नवमी ११४०,जेठ ३२ आइतवाः
नेपालय् थौं थप ४२५म्हेसित कोरोना संक्रमणया पुष्टि जूगु दु ।
थौं स्वास्थ्य तथा जनसंख्या मन्त्रालय बिःगु जानकारी कथं ३७५म्ह मिजंपि व ५०म्ह मिसापिन्त संक्रमण जूगु दु ।
थौं तक नेपालय् न्याद्धः व ७६०म्हेसित कोरोनाया संक्रमण जुइ धुकुगु दु ।
वंगु २४घण्टाया दुने थप ६१म्हे मनूत वासः याका अस्पतालं डिस्चार्ज जूगु दु ।
थौं तक अस्पतालं डिस्चार्ज जूपिं ९७४म्ह थ्यंने धुकुगु दु ।
प्रदेश १ य् थप २७बम्ह कोरोना संक्रमण पुष्टि
लहनान्युज | तछलागा नवमी ११४०,जेठ ३२ आइतवाः
थौं आइतवाः मोरङय् जक थप २५म्ह कोरोना संक्रमण पुष्टि जूगु दु ।
अथेहे थौं हे झापा व सुनसरी न छम्ह छम्हेसित कोरोना संक्रमण खने दुगु दु ।
थ्व नाप प्रदेश १ य् कोरोना संक्रमितपि २७ म्ह थ्यःगु दु धका प्रदेश १ या सामाजिक विकास मन्त्रालयं धाःगु दु ।
रतुवामाई नगरपालिका– ८ सरस्वती माध्यमिक विद्यालयया क्वारेन्टाइनय् च्वपि ५३ मध्ये २५म्हेसित कोरोना पोजेटिभ खनेदुगु दु । अन संक्रमित जूपि मध्ये २२ म्ह भारत वःपि खः ।
उमिगु विराटनगर प्रदेश जनस्वास्थ्य प्रयोगशालाय् याःगु परीक्षणय् कोरोना पोजेटिभ खनेदुगु खः ।
थ्व नाप मोरङय् कोरोना संक्रमितपि ७१ म्ह थ्यःगु दु । थ्व नाप आतक प्रदेश १ य् कोरोना संक्रमित जूपि ३७१म्ह थ्यःगु दु ।
स्थानीय नगरपालिकाया अनुमति लिपा स्वनिगलय् दुहा वये फइगु
लहनान्युज | तछलागा नवमी ११४०,जेठ ३२ आइतवाः
सरकारं स्वनिगलय् दुहा वयेगु लागि स्थानीय नगरपालिका याःगु अनुमति माःगु निर्णय याःगु दु ।
स्वनिगल पिने च्वपि लिहा वयेगु लागि थः च्वनाच्वंगु नगरपालिकाया अनुमति माःगु व्यवस्था आइतवाः गृह मन्त्रालयय् च्वंगु बैठकं निर्णय याःगु खः ।
गृहया निर्णय कथं नगरपालिकाय् दुहा वयेगु लागि अनुमति बिइ धुका उगु अनुमतिपत्र नाप थः च्वनाुगु जिल्लाको प्रशासन कार्यालयय् सवारी पासया लागि निवेदन बिइमाः।
वया लिपा जिल्ला प्रशानसन कार्यालर्य संक्रमण जोखिम विश्लेषण, यात्रा औचित्यतायात पुष्टि याइगु भ्वँ बिइ धुका जक पास बिइ मबिइगु गृहं निर्णय याइ ।
अथेहे स्वनिगलय् पिने वनेगु लागि अत्याश्यक ज्या खुल्ले जुगु भ्वँ पेश यातकि तुरुन्तै सवारी पास बिइगु न गृह मन्त्रालयं निर्णय याःगु दु ।
