Display Style:
Column Style
बौद्धय् क्षमापुजा ल्वापु
लहनान्युज | यंलागा औशी ११३९ (सेप्तेवर २८ २०१९)
चिनियाँ लामा पक्षयापिं व बौद्ध घ्याङ गुथिया दथुइ बौद्धय् ल्वापु जुगु दु ।
बौद्धनाथ स्तुपा दुने ग्वसाः ग्वःगु क्षमापुजा व दीप प्रज्वलन ज्याझ्वलय् गुथिया समर्थक व पुजाया ग्वसाः खलः चिनियाँ लामापिं दथुइ ल्वापु जुया बौद्धय् तनाव ग्रस्त जुगु दु ।
प्रहरी घटनास्थलमा पुगेको छ । तग्वसाः खलःया पुजाया बिरुद्धय् नाराबाजी जुगु खः ।
छु ई पुजा दिउसां प्रहरीया सुरक्षा घेराय् लामा गुरुपिन्स पुजा याउगु खः ।
उपमेयर सत्यालपाखें पर्यटकयात प्रवेश पास
नृपेन्द्रलाल श्रेष्ठ | यंलागा औशी ११३९ (सेप्तेवर २८ २०१९)
यल लाय्कु स्वयेगु लागि वपि ३०म्ह पर्यटकपिन्त निशुल्क प्रवेश बिउगु दु ।
४० क्वःगु विश्व पर्यटन दिवसया लसताय् शुक्रवाः यलया लाय्कुलि दुहा वयेगु लागि ३० म्ह पर्यटक तयेत सितिक दुहा वयेगु व्यवस्था याउगु दु ।
यल महानगरपालिकाया उपमेयर गीता सत्यालं शुक्रवाः सुथय् यल लाय्कु स्वयेगु लागि दकलय् न्हापा वःपि ३० म्ह पर्यटक तयेत टपुलि व दोसल्ला न्ययेका लसकुस यासे प्रवेश पास लल्हाःगु
खःसा च्याः गिफ्ट भौचर व छन्हुया लागि डिनर कुपन तक लल्हाःगु खः ।
अथेहे शुक्रवाः सुथय् लाय्कुलिं मिसापिन् स धिमे बाजंया तालय् प्याखं व लाखे प्याखं क्यना लसकुस याउगु खः ।
पर्यटक तयेत ज्यापू समाज अध्यक्ष चन्द महर्जन नाप बौद्ध बिहार संघ, चाईनिज गाइड एसोसियसनया दुजः तयेगु न ब्बति दुगु खः ।
मिसा हिंसा न्यूनीकरण अभिमुखीकरण ज्याझ्वः
लहनान्युज | यंलागा द्धादशी ११३९ (सेप्तेवर २६ २०१९)
ताम्रकार कुलदेवता उग्रचण्डी माई संरक्षण समिति (ताम्रकार समाज)या ग्वसालय् मिसा हिंसा न्यूनीकरण अभिमुखीकरण ज्याझ्वः जुगु दु ।
उगु ज्याझ्वलय् यलय् न्हुपि महानगरीय प्रहरी प्रभाग मंगलबजाःया चञ्चला श्रेष्ठ, यलया प्रमुख जिल्ला अधिकारी भगिरथ पाण्डे व महानगरीय प्रहरी परिसरय् प्रहरी प्रमुख वरिष्ठ प्रहरी उपरीक्षक टेकप्रसाद राईयात लसकुस ज्याझ्वः न जुगु खः ।
उगु अभिमुखीकरण ज्याझ्वलय् प्रभागया प्रमुख नाप प्रहरी निरीक्षक चञ्चला श्रेष्ठं सहरय् नं मिसातय्त कयाः फरक कथंया हिंसा जुइगु यानाच्वंगु धासें गां गामय् अज्याःगु घटना झन् ग्यानापुसे च्वंगु धयादिल । वय्कलं धयादिल, ‘मिसातय्गु सहन शक्ति हे इमिगु कमजोरी खः, उकिं थज्याःगु ज्याझ्वलं थनया जनताया भावना, समस्या थुइकेत तःधंगु ग्वाहालि जुइ धका धयादिगु खः ।’
अथेहे ज्याझ्वलय् प्रमुख जिल्ला अधिकारी नियुक्त जुयाःदीम्ह भगिरथ पाण्डे यल छगू सांस्कृति, पुरातात्विक नगरी जूगु व स्थानीय जनतया भावना व मनोविज्ञानयात थुइकाः प्रशासनं ज्या याना वनेगु जुइ धयादिसें ‘मिसा हिंसा न्यूनीकरणया निंतिं स्थानीय व प्रहरी प्रशासनया कुतलं जक सम्भव मजुइगुलिं स्थानीय समुदायया नं ग्वाहालिया नितान्त आवश्यक दु धयादिगु खः ।’
समाजया अध्यक्ष रविन्द्रराज ताम्रकारं आःया प्रशासन उत्तरादायी समुदायमैत्री जुइ फयेकेमाः धका धयादिसे प्रशासन, प्रहरी परिसर व प्रहरी प्रभागय् न्हूगु नेतृत्व वइबलय् लसकुस यायेगु व परिचयात्मक ज्याझ्वः यायेगु न्हूगु खँ मखये धुंकल धयादिसे समाजं फरक अभ्यासया रुपय् लसकुस यायेगुया नापनापं शान्ति, सुरक्षाया विषयय् अन्तक्र्रिया, सहलह ज्याझ्वः याना वयाच्वंगु जानकारी न बियादिगु खः ।
अथेतु, महानगरीय प्रहरी परिसरय् प्रहरी प्रमुख वरिष्ठ प्रहरी उपरीक्षक टेकप्रसाद राई न समुदाय प्रहरी साझेदारीया मर्मयात हरेक नागरिकया मन मस्तिष्कय् स्थापित यायेत छुं नं कसर ल्यंकेगु जुइमखु धासें नेवाः समुदायया भाषा, कला, संस्कृतिप्रति थःगु तःधंगु सम्मान दु धका धयादिगु खः ।
ज्याझ्वलय् समाजया उपाध्यक्ष विनोद ताम्रकार, महासचिव शम्भू गोविन्द ताम्राकारं नं नुगःखँ तयादिगु खः ।
गोरखाय् केन्द्रबिन्दु जुया भुखाय् ब्बल
लहनान्युज | यंलागा द्धादशी ११३९ (सेप्तेवर २६ २०१९)
थौं बहनिइ गोरखाया जःखः जिल्लाय् भुखाय् ब्बःगु महसुस जुगु दु ।
थौं बिहीबार बहनिइ ६ बजे जुया ४९ मिनेटय् गोरखाया खरिबोटनिसे उत्तरपाखे केन्द्रविन्दु जुया ४.७ रेक्टर स्केलया भुखाय् ब्वःगुु धका राष्ट्रिय भूकम्प मापन केन्द्रं जानकारी बिउगु दु ।
सच्छिम्ह मिसापिन्सं धिमे प्याखं क्यनिगु
नृपेन्द्रलाल श्रेष्ठ | यंलागा द्धादशी ११३९ (सेप्तेवर २६ २०१९)
विश्व पर्यटन दिवसया लसताय् कन्ह्यः शुक्रवाः यलया लाय्कुलिं सच्छिम्ह मिसापिन्सं धिमे प्याखं क्यनिगु जुगु दु ।
परम्परागत बाजा, प्याख व कलाकारपिनिगु व्यावसायिक देयके माःगु बिचाः तया वया च्वपिं नृत्य तथा संगीत एकेडेमी नेपालं उगु प्याखं क्यने त्यःगु खः ।
हरेक डिसेम्बर २७ तारिखया दिं हलियंक विश्व पर्यटन दिवस न्यायेका वया च्वंगु खःसा उगु लसाताय् एकेडमीपाखे उगु ज्या याये त्यःगु खः ।
उगु धिमे प्याखं स्वयेगु लागि श्रम रोजगार तथा सामाजिक सुरक्षा मन्त्री गोकर्ण विष्ट, जिल्लाया सांसद्, स्थानीय तहया प्रतिनिधि, प्रहरी प्रशासनया अधिकारीपिं वइगु धका न एकेडमीया प्रमुख मोहन व्यञ्जनकारं लहनान्युजयात जानकारी बिउगु दु ।
पाटन संग्रहालय, ललितपुर महानगरपालिका– १६, ललितपुर उद्योग वाणिज्य संघ, पाटन पर्यटन विकास संस्था व रोटरी क्लब अफ यलया सहकार्य उगु ज्याझ्वः जुइ त्यःगु खः ।
