Display Style:
Column Style
नेपाल चेम्बर अफ कमर्सया पुचः भारतय्
लहनान्युज | कौलागा चौथि ११३९ (अक्टुवर १७ २०१९)
नेपाल चेम्बर अफ कमर्सया पुचः भारतया गोवाय् स्वन्हु यकं जुइगु ‘भाइब्रेण्ट गोवा एक्स्पो २०१९’ यु ब्बति कायेगु लागि उखेपाखे वःगु दु ।
निगु देशय् दथुइ व्यापारिक सम्बन्ध बिस्तार याना पर्यटकीय सम्भावना अध्ययन यायेगु लागि गोवा चेम्बर अफ कमर्सया ब्बनाय् नेपाली पुचः उखे वःगस खः ।
अक्टोबर १७ निसे १९ तारिख तक जुइगु उगु ज्याझ्वलय् राजेशकाजी श्रेष्ठया नेतृत्वय् १९ म्ह दुजःया पुचः भारतय् वःगु खः । नेपाली प्रतिनिधि मण्डलय् भक्तपुर चेम्बर अफ कमर्सया अध्यक्ष न्हुछे रत्न मानन्धर, उपाध्यक्ष कविदास श्रेष्ठ, नेपाल चेम्बर अफ कमर्सया निर्देशक, रुपेन्देही, गण्डकी, पोखरा, नुवाकोट, चितवन, रुपन्देही, दाङ लगायतया जिल्लापाखे ब्बति कायेत वःगु खः ।
ज्याझ्वः असोज २९ गते भारत वना कात्तिक ३ गते स्वदेश लिहा वइगु खः । नेपाली प्रतिनिधि मण्डलय् राजेशकाजी श्रेष्ठ, अध्यक्ष नेपाल चेम्बर अफ कमर्स, बालकृष्ण पोख्रेल, निर्देशक नेपाल चेम्बर अफ कमर्स, यदु अधिकारी, अध्यक्ष गण्डकी चेम्बर, किसान सुनार, अध्यक्ष पोखरा चेम्बर, बिष्णुकुमार श्रेष्ठ, अध्यक्ष सुन्दर बजार चेम्बर, कबिन्द्र मान प्रधान, अध्यक्ष नुवाकोट चेम्बर, न्हुछे रत्न मानन्धर, अध्यक्ष भक्तपुर चेम्बर, कविदास श्रेष्ठ, उपाध्यक्ष भक्तपुर चेम्बर, दीर्घमान श्रेष्ठ, चितवन चेम्बर, पदम श्रेष्ठ, अध्यक्ष रुपेन्देही चेम्बर, शरद खनाल, उपाध्यक्ष घोराही चेम्बर, भोजप्रसाद श्रेष्ठ, कार्यक्रमया पर्यवेक्षणपिं उखेपाखे वःगु खः ।
विप्लव समूहया मुँज्यायाना च्वंथाय् २१ नेता ज्वन
लहनान्युज | कौलागा चौथी ११३९ (अक्टुवर १७ २०१९)
नेपाल प्रहरीं प्रतिबन्धित विप्लव समूह वःगु चान्ह्यः ब्युरोया मुँज्याय् विप्लवया दाजु चन्द्रबहादुर चन्द ‘बीरजंग’ नाप २१ म्हसित ज्वःगु दु ।
५ नं. प्रदेश प्रहरी कार्यालय, तुल्सीपुर व जिल्ला प्रहरी कार्यालय, दाङया टोलीं विशेष सुराकीया आधारय् मुँज्या जुया च्वं थाय् अथे ज्वःगु खः । ज्वपिं अप्वो याना राप्ती ब्युरोया नेतापिं खः ।
प्रहरीया निरन्तरको निगरानीलिपा वःगु चान्ह्यः भारतया सीमा नाप घना जंगल दुने ज्ञानेन्द्र ओलीया छेँय् १ बजे अथे ज्वःगु खः ।
ज्वपिंपाखे महत्वपूर्ण दस्तावेज, चन्दा फ्वलनेगु विवरण, ३२ गः मोबाइल, विष्फोटक पदार्थलगायतया सामग्री बरामद याउगु खः ।
शीतलनिवासं हेलिकप्टर गया एयरपोर्ट थ्यकल राष्ट्रपति
लहनान्युज | कौलागा तृतिया ११३९ (अक्टुवर १६ २०१९)
राष्ट्रपति विद्यादेवी भण्डारी शीतलनिवासं हेलिकप्टर गया विमानस्थल थ्यकुगु दु ।
थ्व स्वया न्ह्यः सतकं विमानस्थल वना च्वम्ह राष्ट्रपति भण्डारी म्यानमार वनेगु झ्वलय् थौं बुधवाः सथय् हेलिकप्टरं विमानस्थल थ्यकुगु खः ।
म्यानमारया समकक्षी विन मिन्टया ब्बनाय् म्यानमार वने त्यःम्ह राष्ट्रपति भण्डारी वने त्यःगु खः ।
राष्ट्रपति भण्डारी बिडाइ बिइत विमानस्थलय् उपराष्ट्रपति, प्रधानमन्त्री, सरकारया मन्त्रीपिं थ्यगु खः ।
लोकसेवा आयोगं एघारौं व नवौं तहया पदय् विज्ञापन प्रकाशित
लहनान्युज | कौलागा तृतिया ११३९ (अक्टुवर १६ २०१९)
लोकसेवा आयोगं सहसचिव व उपसचिव पदया लागि ६८८ म्हसियागु विज्ञापन प्रकाशित याउगु दु । लोक सेवां निजामती सेवा व स्वास्थ्य सेवापाखे (एघारौं व नवौं तह)या पदय् थौं बुधवाः विज्ञापन प्रकाशित याउगु खः ।
निजामतीपाखे १८१ म्ह सहसचिव व ३९३ म्ह उपसचिव नाप स्वास्थ्य सेवापाखे ३५ म्ह सहसचिव व ७९ म्हसिगु लागि विज्ञापन खुले जुगु खः । सहसचिव व उपसचिव पदय् छकलं थथे यक्को विज्ञापन खुले जुगु थ्व हे न्हापांगु खः ।
आयोग पिकागु बिज्ञापनय् प्राविधिकपाखे प्रशासन सेवाय् दकय् अप्वो ३७ म्ह सहसचिव माग याउगु खः । प्राविधिकपार्ख इन्जिनियरिङ, सिभिल, हाइवेपाखे ३ म्ह व विल्डिङ एण्ड आर्किटेक्टपाखे २ म्ह सहसचिवया विज्ञापन खुले याउगु खः ।
विवेकशील दलया अध्यक्ष मिलन पाण्डे निर्वाचित
लहनान्युज | कौलागा तृतिया ११३९ (अक्टुवर १६ २०१९)
विवेकशील नेपाली दलया अध्यक्ष मिलन पाण्डे निर्वाचित जुगु दु ।
मंगलवाः क्वचाःगु दलया निर्वाचनय् पाण्डें ५८ प्रतिशत मत हया निर्वाचित जुगु दु । उगु निर्वाचनय् करिव ५ प्रतिशत मत नो भोट वःगु खः ।
अथेहे महासचिवय् निर्देश सिलवाल व नीति सचिवय् सञ्जीव भट्टराई निर्वाचित जुगु खः । नापं उपाध्यक्ष, व्यवस्थापन सचिव व कोषध्यक्षय् चुनाव थौं जुइगु ज्याझ्वः दु ।
विवेकशील नेपाली दलं विदेशय् च्वंपि सदस्यपिनिगु लागि न अनलाइन भोटिङया ब्यवस्था याउगु खः । पार्टीया राष्ट्रिय सम्मेलन धाःसा १ व २ कात्तिकय् जुइगु दु ।
