Display Style:
Column Style
हलिं नेवाः दबूया सहलह मुँज्या
लहनान्युज | चिल्लाथ्व चौथी ११३९ (मार्च १० २०१९)
नेपालय् जुइत्यंगु हलिं नेवाः दबूया स्वक्वःगु तःमुँज्या नितिं खलःपुचः नाप सहलह ज्याझ्वः सनिवाः जूगु दु ।
ज्याझ्वलय् पाहाँ कथं लक्ष्मी दास मानन्धर, हितकर वीर सिं कंसाकार, मल्ल के सुन्दर, प्रेम शान्ति तुलाधर, डा. महेश मान श्रेष्ठ लगायत नेपालभाषा ख्यःया थीथी खलः पुचःत, थीथी राजनीतिक पार्टीया प्रतिनिधि, नेवाः बुद्धिजीविपिं, संचाःख्यःपिनिगु ब्वति दुगु खः ।
शिक्षा, स्वास्थ्य, आर्थिक खँय् नेवाः तय्त राज्यं तसकं हे ल्यूने लाकाः नेवाः तय्गु अस्तित्वहे न्हनावनीगु अवस्थाय् थ्यने धुंकूगुलिं थुगु सम्मेलनं नेपालभाषा व नेवाः जाति ल्यंका तयेगु खःसा हलिंया सकल नेवाः तय्त छधी–छपं यानाः यंके माःगु दु, थुकिया नितिं दक्वं सक्वं पूर्वाग्रह त्वःताः पार्टीगत भावनायात छखेतयाः न्ह्याःवनेमाःगु खँ पाहाँ कंसाकारं कनादिल ।
दबूया नायः शाक्य सुरेनया सभाधक्ष्यताय् जुगु उगु ज्याझ्वलय् सुरेन्द्र भक्त श्रेष्ठं लसकुस यानादीगु खःसा सुदय शिलाकारं न्ह्याकादीगु खः ।
बुखँ–नेवाः सूचना केन्द्र किपा–राजेन्द्र रञ्जित
अन्तर्राष्ट्रिय श्रमीक मिसा दिवस हनिगु
लहनान्युज | चिल्लाथ्व दुतिया ११३९ (मार्च ८ २०१९)
लैङ्गिक समानताया नितिं समान सोच व व्यवहारः समृद्धिया आधार’ धइगु मू नारालिसें थीथी ज्याझ्वः यानाः सच्छी व गुक्वःगु अन्तर्राष्ट्रिय श्रमीक मिसा दिवस हनेत्यंगु दु ।
दिवसयात तजिक्क सुथां लायेकेत महिला, बालबालिका तथा ज्येष्ठ नागरिक मन्त्रालयं मन्त्री थममाया थापावया नायःसुइ मू ज्याझ्वः समिति निस्वंगु दु ।
दिवसया लसताय् मन्त्रालय व गैरसरकारी संस्था नााप थीथी ज्याझ्वः याइगु जूगु दु ।
थांै थीथी रचनात्मक तथा सिर्जनात्मक ज्याझवः यानाः स्वंगूलि तहया सरकार, संवैधानिक निकाय, नागरिक समाज, सङ्घ संस्था, विकास साझेदार फुक्क नाप समन्वय याना महिला,
बालबालिका तथा ज्येष्ठ नागरिक मन्त्रालयं धाःगु दु ।
मिसा अधिकारकःमि कला स्वर्णकारं मिसा हिंसा क्वथलेत कानूनया प्रभावकारी कार्यान्यवनलिसें देय्न्यकं सचेतना ज्याझवः न्ह्याकेमाःगु खँय् बह बियादीगु दु ।
मिसा दिवसया लसताय् उपराष्ट्रपतिपाखे भिंतुना
लहनान्युज | चिल्लाथ्व दुतिया ११३९ (मार्च ८ २०१९)
उपराष्ट्रपति नन्दबहादुर पुनं संविधानं ब्यूगु मिसा अधिकार छय्लाबुलाय् हयाः मिसायात विकासया फुक्क ख्यलय् हयेत वाचायेके माःगु खँय् बःबियादीगु दु ।
सच्छि व गुक्वःगु अन्तर्राष्ट्रिय श्रमिक मिसा दिवसया लसताय थांै लसकुस प्वंकूसें वय्कलं मिसात राजनीतिक, सामाजिक तथा आर्थिक रुपं स्वतन्त्र व सशक्त मजुइबलय्तक ‘समृद्ध नेपाः, सुखी नेपाःमिं सम्भव मजूइगु धका धयादीगु दु ।
उपराष्ट्रपतिया हसनाय् जनसङ्ख्याया बच्छी सिबें अप्वः दुपिं मिसातय्त फुक्क समान ह्वता चू लायेमाः धयादीसे संविधानं मिसापिंन्त आपालं अधिकार ब्यूगुदु धका न धयादीगु दु ।
उपराष्ट्रपति पुनं थांैया दिं फुक्क नेपाःया मिसापिनिगु थःथःया भावना, सद्भाव, सहिष्णुता अप्वयेका समृद्ध नेपाः दयेकेगु देयाः भाला पूवेंकत उत्साह, जोस, व शक्ति दयेमाः धकाः भिंतुना बियादिगु दु ।
नेपाःया संघीय संरचनाया प्रशासनिक नक्सा पितब्बज्या
लहनान्युज | चिल्लाथ्व पारु ११३९ (मार्च ७ २०१९)
नेपालया संघीय संरचना कथं प्रशासनिक नक्सा थौं छगु ज्याझ्वः दथुइ भूमि व्यवस्था, सहकारी तथा गरिबी निवारण मन्त्री पद्माकुमारी अर्यालं सिंहदरबारय् सार्वजनिक यानादीगृु दु ।
संघीय संरचना धया तसा सात मध्ये सुदुरपश्चिम, कर्णाली व गण्डकी प्रदेश जक नां उगु नक्साय् दुथ्या । मेगु प्यंगु प्रदेशया नम्बर जक दुथ्याका तःगु दु ।
प्रदेशया नां तयेगु लिपा लाना च्वंगुया कारण उगु नक्साय् दक्को प्रदेशया नां तये मफुगु धका मन्त्री अर्यालं धयादगिु खः ।
सरकारं प्रशासनिक नक्सा स्वक्वःगु पटक सार्वजनिक याःगु खः । थ्व स्वया न्ह्यः २०४९ व २०३२ सालय् न आधिकारिक रुपं प्रशासनिक नक्सा सार्वजनिक याःगु खः ।
नेपाःया संघीय संरचनाया प्रशासनिक नक्सा पितब्बज्या
सर्वोच्चं सीके राउतयात त्वःतिगु आदेश
लहनान्युज | चिल्लाथ्व पारु ११३९ (मार्च ७ २०१९)
सर्वोच्च अदालतं सीके राउतयात त्वःतिगु आदेश बिगु दु ।
प्रधानन्यायाधीश चालेन्द्र शम्शेर जबरा व न्यायाधीश पुरुषोतम भण्डारीया इजलासं थौं बिहीवाः साधारण तारेखय् तया मुद्दाया पुर्पक्ष यायेगु आदेश बिगु खः ।
जिल्ला अदालत रौतहटं राउतयात पुर्पक्षया लागि कुनेत आदेश बिगु खःसाउच्च अदालतं थुकिगु सदर याःगु खः ।
अपराध सम्बन्धित दशी प्रमाण मदुगु धाःसे सर्वोच्चं साधारण तारेखय् तया मुद्दाया पुर्पक्ष या धकाः धाःगु खः ।
राउतयात सुन्धारा केन्द्रीय कारागार तया तःगु खः ।
राउतयात सुन्धारा केन्द्रीय कारागार तया तःगु खः ।
