Display Style:
Column Style
पत्रकार दबू चितवनया अध्यक्षय् कमलमान
गुंलाथ्व द्धादशी ११३९ (अगष्ट १२ २०१९)
नेवाः पत्रकार राष्ट्रिय दबू चितवनया अध्यक्षय् कमलमान श्रेष्ठयात ल्यःगु दु ।
म्हीगः आइतवाः नारायणगढय् च्वंगु उद्योग वाणिज्य संघया सभाहलय् जूगु न्हापांगु अधिवेशनपाखें कमलमानया अध्यक्षताय् झिंस्वम्ह दुजः दुगु न्हूगु ज्यासना पुचः ल्यःगु खः । उगु पुचलय् सन्तकुमार श्रेष्ठ न्वकू, सृजना ताम्रकार छ्याञ्जे, राजु श्रेष्ठ दांभरि व राजेन्द्र श्रेष्ठ सहसचिवकथं ल्यःगु खः । अथे हे, दुजलय् मनिषा श्रेष्ठ, उमेश श्रेष्ठ, विनोद श्रेष्ठ ‘ए’, साया प्रधान, निशा श्रेष्ठ, अनुज जोशी, विनोद श्रेष्ठ ‘बी’, सुनिल कुमार श्रेष्ठ च्वनादीगु दु ।
दबुया न्याम्ह दुजः दुगु सल्लाहकार समिति नं नीस्वनेगु ज्या जुल, गुकी अमरदेव प्रधान, ईश्वर जोशी, सन्दीप कुमार श्रेष्ठ, दिनेश कुमार श्रेष्ठ व सुबोध श्रेष्ठ च्वनादीगु दु । नापं उगु मुँज्यां न्हय्म्ह केन्द्रीय पार्षद नं ल्यःगु दु ।
मुँज्याया उलेज्या सत्रय् मूपाहां नेवाः पत्रकार राष्ट्रिय दबूया केन्द्रीय नायः श्रीकृष्ण महर्जन, नेपाल पत्रकार महासंघया केन्द्रीय दुजः सृजना अर्याल, जिल्ला नायः राधेश्याम खतिवडा, नेवाः पुचः नारायणगढया नायः ज्ञानेन्द्रमान शाक्य, नेवाः पत्रकार राष्ट्रिय दबूया केन्द्रीय दांभरि सुरेन्द्रभक्त श्रेष्ठ, नेपाल आदिवासी जनजाति पत्रकार महासंघ (फोनिज)या संघीय दुजः राजु चौधरी, प्रेस यु्नियन चितवनया नायः अनिल ढकाल, फोनिज चितवनया नायःलिसें नेवाः पत्रकार राष्ट्रिय दबूया केन्द्रीय दुजः सन्दीपकुमार श्रेष्ठपिन्सं थःथःगु नुगःखँ तयादीगु खः ।
ज्याझ्वलय् फोनिज चितवनया छ्याञ्जे तुलमान गुरुङ, थारु पत्रकार संघ चितवनया नायः सुमित्रा महतो, तामाङ पत्रकार संघ चितवनयानायः ज्ञानेन्द्र तामाङ, संचारिक समूहया सविता श्रेष्ठपिनिगु उपस्थिति दुगु खः ।
एसईईलिसें उच्च शिक्षा हासिल याःपिन्त हन
लहनान्युज | गुंलाथ्व द्धादशी ११३९ (अगष्ट १२ २०१९)
नेपाल राष्ट्रिय खड्गी समाज, यल जिल्ला समितिपाखें यलया कुम्भेश्वरय् छगू ज्याझ्वःया दथुइ एसईईलिसें उच्च शिक्षा हासिल यानादीपिन्त हंगु दु ।
जिल्ला समितिया नायः अरोजकुमार खड्गीया सभाध्यक्षताय् जूगु उगु हनेज्याझ्वःया उलेज्या मूपाहाँलिसें यल महानगरपालिकाया प्रमुख चिरीबाबु महर्जनं त्वाःदेवा च्याकाः यानादीगु खः ।
मूपाहाँ प्रमुख महर्जनं एसईई परीक्षाय् पास जुयादीपिं लिसें उच्च शिक्षा हासिल यानाः डाक्टर, पाइलट, इन्जिनियर, अधिबक्ता जुयादीपिन्त नं हनादीगु खः । हनेगु झ्वलय् मूपाहाँ महर्जनं एसईईलिसें डाक्टर, पाइलट, इन्जिनियर व अधिबक्तायात छक्वलं हनेदुगु लसताया खँ जूगु धयादिसें यल महानगरपालिका दुने एसईई परीक्षाय् न्हाप जुयादीपिं मिसा व मिजंम्ह ब्वँमियात दांलिसें सिरपाः बीगु नं घोषणा यानादिल ।
कपिल खड्गीं न्ह्याकादीगु उगु ज्याझ्वलय् विशेष पाहाँकथं नेपाल राष्ट्रिय खड्गी समाजया केन्द्रीय मूछ्याञ्जे नन्दकिशोर शाही झायादीगु खःसा पाहाँकथं समाजा केन्द्रीय छ्याञ्जे श्यामकृष्ण शाही, केन्द्रीय दांभरि भगवती शाही, येँ जिल्ला नायः सुवास शाही, कुम्भेश्वर टेक्निकल स्कूलया प्रबन्ध निर्देशक किरण बहादुर खड्गी, ग्रायण्ड एकेदेमिया प्रधानाध्यापक सीमा राई, देउराली सहकारी संस्थाया नायः विकास महर्जन झायादीगु खः ।
ज्याझ्वलय् सभाध्यक्षपाखें मूपाहाँ यल महानगरपालिकाया प्रमुख महर्जनलिसें विशेष पाहाँ, पाहाँपिन्त मतिनाया चिं लःल्हानादीगु खः ।
यल जिल्ला समितिया न्वकू प्रकाश खड्गीं सुभाय् देछानादीगु उगु ज्याझ्वलय् ज्याझ्वःया कजि संजय खड्गीं लसकुस यानादीगु खः ।
सम्पदा दयेकेत येँ मनपा तयार दु : मेयर शाक्य
नृपेन्द्रलाल श्रेष्ठ | गुंलाथ्व दशमी ११३९ (अगष्ट १० २०१९)
येँ महानगरपालिकाया मेयर विद्यासुन्दर शाक्यं महानगर दुने गन न बहाः, बही, देगः, फल्चाः नाप द्यः छेँय् व सम्पदा देयेके माःसा सुना न सुचः बिल धाःसा येँ मनपां तत्काल दयेकेगु बचं बियादिगु दु ।
नेपाल खड्गी सेवा समितिया ग्वसाः ग्वःगु छगु अन्तक्र्रियाय् ज्याझ्वः जुगु दु । उगु ज्याझवलय् येँ मनपाया मेयर शाक्यं महानगरपालिका जनतां पुगु करपाखे न्ह्याना च्वंगु निकाय जुगुनि जनताया सार्वजनिक सम्पत्तिया पुनर्निर्माण एवं संरक्षण यायेगु हे प्रमुख दायित्व जुगु धका मेयर शाक्य धयादिगुु खः ।
आः विवाद वया च्वंगु गुठी विधेयक सरकारं लित काये धुकुगु अवस्थाय् थः पिनिगु लागि गज्यागु उगु बिधेयकय् व्यवस्था यायेमा नाप गुठीयारपिनिगु स्पष्ट अवधारणाय् वयेमाः धका न धयादिगु दु ।
गुथि विधेयकबारे सम्बद्ध गुठियारसपिन्स तयार याइगु अवधारणायात सरकारयात थ्यकेगु समन्वयकारी भूमिका थम्ह थ्यका बिउगु जुइ धकाः मेयर शाक्य धयादिगु खः ।
उगु ज्याझ्वलय् येँमनपाया सम्पदा तथा पर्यटन समितिया संयोजक नाप १८ वडाया अध्यक्ष न्हुछेकाजी महर्जनं येँ महानगरपालिका थःगु मातहतया सम्पदा पुनर्निर्माण यायेत ग्वाहालि
यायेत इनाप न यानादिगु दु ।
ज्याझ्वलय् नेपाल खड्गी सेवा समितिया अध्यक्ष अंजिता खड्गीं खड्गी समुदाय न न्ह्याका वया च्वंगु जात्रापर्व, सम्पदा पुनर्निर्माण यायेत नाप खड्गी तयेगु गुठीया बाजं उपलब्ध यायेत मनपायात इनाप न यानादिगु खः ।
समितिया पूर्व अध्यक्ष नाप संरक्षक मनोज नेवाः खड्गीं थुगु इलय् देशय् नेवाः समुदायया पीर मर्का थुःम्ह मेगु छु हे निकाय मदुगु कारणं नेवाः समुदाय न आः येँय् महानगरपालिका मार्फत थःगु खँ राज्य समक्ष थ्यकेगु हे उपयुक्त जुइगु बिचाः तयादिगु खः । वयकलं वःगुु दँय् येँ महानगरपालिकां खड्गी समुदायया बाजं गुरु तयेत सम्मान याःगुलि मेयर शाक्ययात सुभाय् न बियादिगु खः ।
गुंलाथ्व एकादशी ११३९ (अगष्ट ११ २०१९)
न्यागू सफू पितब्वज्या
लहनान्युज | गुंलाथ्व दशमी ११३९ (अगष्ट १० २०१९)
नेपालभाषा एकेडेमिया ग्वसालय् तमकःद्यः, जावलाख्यलय् स्वन्हुयंकं जुइगु सफू ब्वज्या शुक्रवाःनिसें न्ह्यागु दु ।
स्वन्हुया ज्याझ्वः कथं शनिवाः मूपाहाँ जनकवि दुर्गालाल श्रेष्ठ, यज्ञ रत्न धाख्वाः, डा. पुष्प राज राजकर्णिकार, प्रा. प्रेम शान्ति तुलाधर, मल्लके सुन्दरं ज्याझ्वलय् मूपाहाँ जनकवि दुर्गालाल श्रेष्ठ, यज्ञ रत्न धाख्वाः, डा. पुष्प राज राजकर्णिकार, प्रा. प्रेम शान्ति तुलाधर, मल्लके सुन्दरपिसं मंकाः कथं न्यागु चिखिफ्यनादीगु खः ।
उगु सफू ‘जिंनं बाखं च्वया’ (बाखं)–नर्मदेश्वर प्रधान, ‘लिफः’ (प्रबन्ध मुना)–प्रतिसरा सायमि, ‘श्री ३’ (चिबाखं)–विजय रत्न असंबरे, ‘खनाखँ’ (बाखं)–रिता देवी प्रधान, ‘आखे’ (चिबाखं)–नरेश अमात्यपिन्स च्वयादिगु खः ।
उगु ज्याझ्वलय् मूपाहाँ कथं झायादीम्ह जनकवि दुर्गालाल श्रेष्ठं न्ह्याथे मछिं थाय्नं नुगः जक तया च्वनेमाः वः नुगलं लुँहिति हायाच्वं, वहे हायाच्वंगु लुँहितिं साहित्य सफू जुया पिदनेफु, पिदना च्वंगु दु, पिदना तुंच्वनेमा धयादिल ।
नागार्जुन पब्लिकेशनया नायः डा. सर्बोतम श्रेष्ठया सभाधक्ष्यताय् जुगु उगु ज्याझ्वः मिना बज्राचार्यं न्ह्याकादीगु खः ।
अथेहे ज्याझ्वलय् मल्लं पिदंगु सफूया बारे छुंछुं खँ कुलादिल । अथेहे प्रतिसरा सायमि, नरेश अमात्य, विजय रत्न असंबरेपिसं थःथःपिनिगु नुगः खँ तयादीगु खः ।
बुखँ–नेवाः सूचना केन्द्र
नेवाः संस्कृति, संस्कार तजिलजि ब्वज्या
नेवाः सूचना केन्द्र | गुंलाथ्व सप्तमी ११३९ (अगष्ट ८ २०१९)
नेपाल आदर्श मा.बि. गणबहालय् नेवाः स्यनामि दबू, नेपाल मण्डलया ग्वसालय् ‘नेवाः तजिलजि ब्वज्या’ जुगु दु । उगु ब्बज्याय् थीथी ब्वनेकुथिया ब्वंमिपिनिगु न सहभागी जूगु दु ।
उगु ज्याझवलय् मूपाहाँ शताब्दी पुरुष सत्यमोहन जोशीं छगु ज्याझ्वः दथुइ त्वाः देवाय् मत च्याका उलेज्या यानादीगु खः ।
उगु ब्वज्याय् २६ गू ब्वनेकुथिया ब्वंमिपितं नेवाः जातिया तजिलजि जीवननाप स्वापू दुगु तिसाः वसः, बसजाः, नसाँ त्वँसाः ज्वलया म्हसीकाया बारय् जानकारी बियादिगु खः ।
लसकुस न्वचू तयेगु झ्वलय् नेवाः तजिलजि बारे थीथी ब्वनेकुथिया ब्वंमिपिन्त जानकारी बीगु नितिं थुगु ज्याझ्वःया ग्वसाः ग्वयागु खँ स्यनामि दबूया छ्याँजे बरुण वैद्यं कनादिल । अथेहे आःवइगु शैक्षिक सत्रया नितिं दच्छिया दुने च्यागू तगिं तक्कया पाठ्यक्रम दयेकेगु भाला नेवाः स्यनामि दबूयात बिसें उकियात माःगु आर्थिक ग्वाहालि येँ महानगरपालिकांं याइगु खँ नं वैद्यं कनादिगु खः ।
ज्याझ्वलय् नेवाः देय् दबूया नायः नरेश ताम्राकार,मदनसेन बज्राचार्य व डा. चुन्दा बज्राचार्यपिन्स न नेवाः तजिलजि बिषय् थःथःपिनिगु नुँगः खँ तयादिगु खः ।
पुलाम्ह प्रधानाध्यापक कृष्ण भक्त मानन्धरया सभाधक्ष्यताय् जुगु उगु ज्याझ्वः पुष्प नारायण मानन्धरं ज्याझ्वः न्ह्याकादीगु खः ।
किपा–अमिर मैया रञ्जित
