Display Style:
Column Style
यल मनपाया कार्ययोजना बिषय पत्रकार सम्मेलन
नृपेन्द्रलाल श्रेष्ठ | कछलागा दुतिया ११३८ (नोभेम्वर २५ २०१८)
यल महानगरपालिकाया मेयर चिरिबाबु महर्जनं थौ छगु पत्रकार सम्मेलन याना थःगु बिदेश भ्रमण व आतक ज्या यानागु नाप भविष्य यायेगु कार्ययोजना बिषय खँय् जानकारी बियादीगु दु ।
मेयर महर्जनं थःम्हेसिया यानागु बिदेश भ्रमण महानगरपालिकायात गुकथ न आर्थिक भार मलाइ कथं यानागु खँ न न्ह्यथनादीगु खः ।
अथेहे मेयर महर्जनं मोहनि बलय् ७६ दँ दुपिं जेष्ठ नागरिकयात न्याद्धः तका बिइगु ब्यवस्था यानागु, शताब्दीपुरुष सत्यमोहन जोशीयात सवारी, सुरक्षा व मोवाइलया सुविधा बियागु, यलयात ३५ औ हस्तनगरी नगरया घोषणा यायेत तालागु नाप स्मार्ट स्ट्रिट लाइटया याकन हे जुइ त्यःगु दु धकाः थौं या पत्रकार सम्मेलन पाखं जानकारी बियादीगु खः ।
थँहितिइ नेवाः नखः हन
लहनान्युज | कछलागा दुतिया ११३८ (नोभेम्वर २५ २०१८)
नेपाल सम्बत ११३९ न्हूदँया लसताय् शनिवाः थँहितिइ नेपाल सम्बत न्हूदँ राष्ट्रिय समारोह समिति ११३९ व नेपाल मैत्री अध्ययन मण्डल पुस्तकालयया ग्वसालय् थीथी सफू, सिडी ब्वज्या नापं नेवाः नसा–त्वंसाया थीथी परिकार ब्वज्याः याःगु दु ।
उगु ज्याझ्वलय् येँ महानगरपालिकाया मेयर बिद्यासुन्दर शाक्य मूपाहाँ कथं झायादीगु खः । ज्याझ्वलय् मूपाहाँ मेयर शाक्यं नेपाल संवतयात नेपाल सरकारपाखें राष्ट्रिय मान्यता बिउसा न ब्यवहारय् छ्यलाबुला मजुया च्वंगु दु धयादीगु दु ।
अथेहे उगु ज्याझ्वलय् येँमनपाया उपप्रमुख हरिप्रभा खड्गाी श्रेष्ठं, समारोह समितिया सल्लाहकार लक्ष्मीदास मानन्धर १७ न.वडा अधक्ष्य नबिन मानन्धर लगायत थीथी व्यक्तिपिनिगु ब्वति दुगु खः ।
ज्याझ्वलय् सुरवीर बज्राचाय, दीपा महर्जन, रत्नशोभा महर्जन लगायत कलाकारपिन्स म्येहालादीगु खःसा हुलाप्याखं न क्यनादीगु खः ।
बुखँ नेवाः सुचना केन्द्र किपा राजेन्द्र रंजित
सफू सहकारीं नातिबज्रयात हन
लहनान्युज | कछलागा दुतिया ११३८ (नोभेम्वर २५ २०१८)
नेपालभाषा सफू बहूउद्देश्यीय सहकारी सस्थां साहित्यकार नातिबज्र बज्राचार्ययात हंगु दु । वय्कलं ु सफूसहकारी नीस्वनेया नितिं यानादीगु योगदानया कदर यासें हनागु खँ सफू सहकारीया नायः हरिप्रसाद श्रेष्ठं न्ह्यथनादीगु खः ।
मांभाय् नेपालभाषाया नितिं वय्कःया जहान शिक्षिका नापं साहित्यकार प्रमिला बज्राचार्य लगायत म्ह्याय् नःलि बज्राचार्य व काय् लुजः बज्राचार्य्पिन्संनं माक्वः ग्वाहालि यानावयाच्वंगु व लिपानं यायेगु बचं जहान प्रमिलां बियादिल । छेँय् नेपालभाषा स्यना आखः ब्वने थाकुइ धैगु भ्रम जक खः धैगु खँ थः छम्ह शिक्षक जुयाः अनुभव यानागु खँ न्ह्यथंसें भाय्या नितिं क्रान्ति यायेमाःगु अवस्था जूगुनं धयादिल ।
नुगः खँ तयेगु झ्वलय् नातिबज्रं थःत थ्व हंगु धैगु थम्हं यानागु ज्याया कर्म याःगु खः । लँ धैगु वनातुं च्वनेमाः अल्सी चायाः दिपाः काये मज्यू नापं थः चयदँ दुगु बैशयाबारे बसन्त महर्जनं च्वयाच्वंगु सफूनं याकनं स्वये दैगु आशा यानादिल ।
बुखँ नेवाः सुचना केन्द्र किपा राजेन्द्र रंजित
कमल प्रकाश मल्लयात बिचाः हायेकल
लहनान्युज | कछलागा दुतिया ११३८ (नोभेम्वर २५ २०१८)
मदुम्ह प्रा. डा. कमल प्रकाश मल्लयात म्हिग बिचाः मुँज्या जुगु दु । उगु ज्याझ्वः नेवाः न्ह्यलुवा मल्ल के सुन्दरया छेँ याःगु खः । करिब दच्छि न्ह्यःनिसें म्हं मफया च्वंम्ह कमल प्रकाश वंगु शनिवाः अमेरिकाय् मदुगु खः ।
वय्कःयात बिचाःहायेकेत नेपालभाषा केन्द्रीय विभाग प्रमुख प्रा.डा. ओमकारेश्वर श्रेष्ठ, पूर्व प्रमुख प्रेमशान्ति तुलाधर, विभागया शिक्षक शिक्षिकापिं मल्लके सुन्दरया छेँ झायाः शोक पौ लःल्हाःनादीगु खः ।
अथेहे भाषा विज्ञान समाजया नायः भीम नारायण रेग्मींनं शोक पौ लःल्हाःनादीगु खः । मदुम्ह मल्लयात बिचाः हायेकेया नितिं नेवाः देय् दबूया नायः नरेश ताम्राकार नापं थीथी पदाधिकारीपिं, ज्यापु महागुथिया नायः राजभाइ जकःमि, जनकवि दुर्गालाल श्रेष्ठ, नेपाल लिपि गुथिया पदाधिकारीपिं, नेवाः न्ह्यलुवा डा. महेश मान श्रेष्ठलगायत थीथी संघ संस्था, राजनीतिक पार्टी, खलः पुचः पाखें सुथसिया ९ ताःनिसें बिचाः हायेकूगु दु ।
मदुम्ह डा.मल्ल च्वसापासा, आशा सफूकुथि व नेपालभाषा अकाडेमीया संस्थापक खः । वय्कःया थीथी भाय्या थ्यंमथ्यः निगू दर्जनति सफू पिदंगु मध्ये 'A Dictionary of Classical Newari' The Gopalarajabamsavali', 'The Road to No Where' चर्चित जूगु धाःगु दु ।
बुखँ नेवाः सुचना केन्द्र किपा राजेन्द्र रंजित
शंखधर दिवस हन
नृपेन्द्रलाल श्रेष्ठ | कछलाथ्व दशमी ११३८ (नोभेम्वर १८ २०१८)
नेपाल संवतया प्रवत्र्तक राष्ट्रिय विभूति शंखधर साख्वाःयात राष्ट्रिय विभूति घोषणया दिं कछलाथ्व दशमी कुन्हु थौं ‘शंखधर दिवस’ हःगु दु ।
विसं २०५६य् तत्कालीन प्रधानमन्त्री कृष्णप्रसाद भट्टराई न शंखधर साख्वाःयात राष्ट्रिय विभूति घोषणायाःगु न्हियात नेवार तयेस शंखधर दिवस कथं हना वया च्वंगु खः ।
थौं न्हुदँ राष्ट्रिय समारोह समिति ११३९ या ग्वसालय् बसन्तपुरं छगु ¥याली येँया लखुतीर्थय् छगु ज्याझ्वः न जुगु खः ।
थौ सुथय् महाद्यः पार्वती दबुली ¥याली न्ह्याः न्ह्य उपप्रधान रक्षा मन्त्री ईश्वर पोखरेलं साख्वाःया प्रतिमाय् स्वांमा क्वखायेका उगु भिन्तुना ¥याली न्ह्यागु खः ।
उगु ज्याझवलय् थःगु भिंतुना न्वचूलय् नेपाल संवत धइगु राष्ट्र मौलिक संवत् खः धयादीसे नेपाल संवतयात चिधंगु घेरां देय् न्यकं प्रचार प्रसार याये मागुली बः बियादीगु दु ।
न्हूदँ राष्ट्रिय समारोह समिति ११३९ नायः सत्यभामा माथेमाया सभाध्यक्षताय् उगु ज्याझ्वः जुगु खः ।
