Display Style:
Column Style
लकडाउनय् मोटरसाइकल गपिन्त कारवाही यात
लहनान्युज | चौलाथ्व पुन्हि ११४०, चैत्र २६
सरकार लकडाउन घोषण याःगु थौं झींखुन्हु दये धुकुगु दु ।
लकडाउनया इलय् मनूत न्यासि वयेगु मोटरसाइकल गयावपिन्त पुलिस ज्वनेगु याना वयाच्वंगुु दु ।
थौं क्षत्रपाटीइ नीगल मल्याक मोटरसाइकल प्रहरी ज्वःगु दु ।
लकडाउन झ्वलय् थौंया फोटो फिचर
नृपेन्द्रलाल श्रेष्ठ | चौलाथ्व चतुर्दशी ११४०, चैत्र २५
न्हु सतक
ब्रुमर लँ सफा याना च्वंगु
लकडाउनय् पिहा वपिन्त होल्ड याना तःगु
राहत ज्वना वयाच्वंगु
अन्तर्राष्ट्रिय उडानय् १८ तक प्रतिबन्ध
लहनान्युज | चौलाथ्व चतुर्दशी ११४०, चैत्र २५
सरकारं नेपाल वइगु अन्तर्राष्ट्रिय हवाई उडानय् वैशाख १८ तकया लागि प्रतिबन्ध तयेगु निर्णय याःगु दु ।
कोभिड–१९ सम्बन्धी उच्चस्तरीय समितिया थौं च्वंगु बैठक अथे प्रतिबन्ध तयेगु निर्णय याःगु खः ।
आन्तरिक उडानबारे धाःसा सहलह जुयाच्वंगु धका प्रधानमन्त्री कार्यालयपाखे जानकारी बिःगु दु ।
थ्व स्वया न्ह्यः वइगु ३ वैशाख तक आन्तरिक व अन्तराष्ट्रिय हवाई उडान प्रतिबन्ध तःगु खः ।
लकडाउनय् लँय् वपिन्त थना तल
लहनान्युज | चौंलाथ्व चतुर्दशी ११४०, चैत्र २५
सरकारं घोषणा याःगु लकडाउनयात उल्लघन यापिन्त थौं कुमारी छेँय् न्ह्यने थना तःगु दु ।
लकडाउनय् लँय् जुइगु रोके याना तःगु खः ।
थौं मरुइ न्यासि वना च्वपिन्त कुमारी छेँय् न्ह्यने छु ई थना लित छ्वःगु दु ।
येँ मनपाया तरकारी बजाः झिं छथाय् तइगु
नृपेन्द्रलाल श्रेष्ठ | चौलाथ्व चतुर्दशशी ११४०, २५
येँ महानगरपालिका तरकारी न्याये थाय् हूल जुगुलिं झिंछगू थासय् तरकारी बजाः तयेगु क्वःछिउगु दु । बल्खु व कालिमातिया तरकारी बजारय् हुलमुल जुगुलि नगरपालिकां तरकारी मीगु थाय् लागि मेथाय् ल्यःगु दु ।
येँ महानगरपालिकां कलंकी चोक, बाफल चोक, स्वयम्भू चोक, बनस्थली चोक, गोंगःबुँ चोक, बसुन्धरा चोक, गोपीकृष्ण हल चोक, तीनकुने चोक, लैनचौर चोक, रत्नपार्क चोक व कोटेश्वर चोकय् लकडाउन ई तकया निंतिं तरकारी बजाः तयेगु क्वःछिउगु खः ।
थुपिं थासय् सुथय् ८ बजे तक तरकारी बजाः तयेकेगु खँ धाःगु दु । वय्कलं थुपिं बजारय् नं फुक्क कथंया तरकारी व फलफूल दइगु खँ धाःगु दु ।
अथेहे येँ जिल्लाया सिडिओ जनकराज दाहालया अध्यक्षताय् च्वंगु छगू बैठकं भारतं नेपालय् तरकारी हइबलय् तरकारी व फलफूल लिसें भारतीय नागरिक नं नेपाः दुहां वइगु जूगुलिं उमिगुपाखें कोरोना संक्रमण जुइफुगु खतरा दुगुलिं भन्सार विन्दुइ हे भारतं नेपाः दुहां वइगु तरकारी व सिसाबुसा आयात पनेत च्वय्या निकायय् इनाप यायेगु व नेपाःया व्यवसायीतय्त नं तरकारी व फलफूल कायेत भारत मछ्वयेगु निर्णय याःगु दु ।
