राष्ट्रिय

Display Style:

Column Style

येँ मनपा १७ वडा थौं न राहत इन

नृपेन्द्रलाल श्रेष्ठ | चलाथ्व एकादशी ११४०, २२

कारोनाय भाइरसया सम्भावित संक्रमणया कारण प्रतिकूल इलय् सरकारं लकडाउन घोषणा याःगु खः । थुगु इलय् न्हिथं ज्यायाइपिन्त नयेगु समस्या जुगु दु ।

थुगु इलय् स्थानीय जनप्रतिनिधिपि नं राहत इनेगु ज्याय् सक्रियात कथं न्ह्यावना च्वंगु दु ।

येँ महानगरपालिका १७ वडा अधक्ष्य नबिन मानन्धरया नेतृत्वय् थौं क्वाः बहाः, थँहिति व बिज्यापु १४० परिवारयात राहत इने ज्या जुगु दु ।

थौं काठमाण्डौं राउण्ड टेबुलपाखे १०० गु परिवारयात व चाटरा एकाउण्ड समिटिपाखे ४० गु परिवारयात ग्वाहालि याःगु खः ।

अथहे, कन्ह्य भुडि गणेद्य थासं सुरुयाना इखापुखु, हारति होटेल, खलीगा मार्ग, ढल्को जुया छत्रपाटी राहात इनेगु ज्याझ्वः दु धका वडाध्यक्ष मानन्धरं लहनान्युजयात जानकारी बियादिगु दु ।

राहत इनेगु एकद्वार प्रणाली यायेत निर्देशन

लहनान्युज | चौलाथ्व एकादशी ११४०, २२

कोरोनापाखे प्रभावित जुपि निजी तथा सरकारी संघसस्थां थः यः थे राहत बिइ मदइगु जुगु दु ।

संघीय मामिला तथा सामान्य प्रशासन मन्त्रालयं दक्को हे स्थानीय तहयात परिपत्र छ्वया राहत वितरण एकद्वार प्रणाली अवलम्बन यायेत निर्देशन बिःगु दु ।

कारोनाया सम्भावित संक्रमणया कारण प्रतिकूल इलय् सरकारं लकडाउन घोषणा याःगु खः । थुगु इलय् न्हिथं ज्यायाइपिन्त नयेगु समस्या जुगु दु ।

खास याना असंगठित क्षेत्रय् ज्यायाइपि श्रमिक वर्ग, विपन्न तथा असहायपिन्त नयेगु लागि स्थानीय तहपाखे राहत उपलब्ध बिइगु ज्या सुरु जुगु दु ।

थुगु इलय् थीथी मनूत, संघसंस्था, सरकारी तथा गैरसरकारी निकायपाखे उपलब्ध याये त्यःगु राहत स्थानीय तहय् जम्मा याना व एकद्वार प्रणालीपाखे जक बिइगु व्यवस्था यायेत मन्त्रालयं स्थानीय तहयात निर्देशन बिःगु खः ।

स्थानीय तह नं बिइगु राहतय् न्हि न्हि विवरण मन्त्रालयय् छ्वय् माःगु ब्यवस्था याःगु दु । सरकारं कोरोना नियन्त्रण तथा उपचार कोषय् तक एकद्वार दयेकेगु निर्णय याःगु खः ।

आ कोरोना नियन्त्रण तथा उपचारया नामय् मेगु कोष दयेके दइ मखु । सरकारं दयकिगु कोषय् हे दक्को ध्यवा जम्मा याये माःगु निर्णय सरकारं याःगु खः । उठे जुइ धुकुगु ध्यवा उगु कोषय् हयेमाःगु प्रावधान दु ।

विदेशं लिहां वःपिंपाखें महानगरपालिका सतर्क प्रमुख प्रशासकीय अधिकृतयात तकं हाजिर मयाकू

लहनान्युज | चौलाथ्व एकादशी ११४०, चैत्र २२

थौंकन्हय् देशय् गुलि नं कोरोना भाइरस संक्रमित ल्वगित खने दयाच्वंगु खः उपिं अप्वः धइथें विदेशं लिहां वःपिं लानाच्वंगु कारणं विदेशं लिहां वःपिं नेपाःमितय् स्वास्थ्ययात कयाः येँ महानगरपालिका चिन्तित व संवेदनशील जूगु खँ सीदुगु दु ।

विदेशं लिहां वःपिं नेपाःमित यदि सतर्क व सचेत मजुल धाःसा थुकिं दकलय् न्हापां उमि थः हे छेँजःया ज्यानयात खतराय् लाकीगु व वयां लिपा जःलाखःलायात नं प्रभावित याइगु जूगुलिं

महानगरपालिका चिन्तित जूगु खँ धाःगु दु ।

विदेशं वःपिं व अझ विशेष यानाः भारतं लिहां वःपिं नेपाःमि नागरिकत १४ न्हु तक क्वारेन्टाइनय् च्वनेमाःगु नियमया पालना मयासे पिहां वनेगु, पासापिं नापलायेगु व चाःहिउ जुइगु थेंज्याःगु ज्याखँ यानाच्वंगु कारणं उपिंपाखें कोरोना संक्रमण गुणात्मक रूपं न्यना वनीगु खतरा अप्वयाच्वंगु दु ।

यदि अज्याःपिं मनूत येँय् दुने नं उकथं हे नियमया पालना मयासे पिने पिहां वयाच्वन धाःसा थुकिं ग्यानापुगु स्थिति पिकाये फइगु खँय् मनपा दुने चिन्ता प्वंकेगु ज्या जुयाच्वंगु खँ सीदुगु दु ।

कामपाया सूत्रं धाः कथं येँ महानगरपालिकाया न्हूम्ह प्रमुख प्रशासकीय अधिकृतया रूपय् एक नारायण अर्याल नियुक्त जुइधुंकूगु दु । तर वय्कः भारतया कोलकाताय् महावाणिज्य दूतया कार्यभार सिधयेकाः नकतिनि लिहां वःम्ह जूगुलिं वय्कःयात समेत मनपाय् हाजिर मयाकुसे तयातःगु दु । विदेशं वःपिं सकलें नेपाःमित १४ न्हु क्वारेन्टाइनय् च्वने माःगु नियम कथं वय्कः आः सेल्फ क्वारेन्टाइनय् च्वनाच्वंगु दु ।

क्वारेन्टाइन अवधि सिधयेकाः जक वय्कःयात मनपाय् हाजिर याकेगु तयारी जुयाच्वंगु खँ नं सूत्रं धाःगु दु ।

थःगु ज्याकू दुने हे थुलि संवेदनशील जूगु महानगरपालिकां मेपिं नं सुं मनू विदेशं लिहां वःगु दुसा १४ न्हु तक सेल्फ क्वारेन्टाइनय् च्वनेत इनाप यानाच्वंगु दु । अथे हे विदेशं लिहां वयाः च्वनाच्वंपिं सुं दुसा उमिगु लगत कायेगु लागिं वडा वडायात निर्देशन नं बियातःगु दु । देय्या थीथी जिल्लाय् थौंकन्हय् विदेशं लिहां वःपिं सुं मनू खन धाःसा स्थानीय मनूत थःहे जागरुक जुयाः उमित १४ न्हु क्वारेन्टाइनय् तयेगु ज्या यानाच्वंगु दु ।