Display Style:
Column Style
मातृभाषाया पत्रकारिता सम्मेलनया अन्तिम तयारी
लहनान्युज | बछलागा औसी ११३८ (मे १५ २०१८)
नेवाः पत्रकारतय्गु राष्ट्रिय संगठन नेवाः पत्रकार राष्ट्रिय दबूया ग्वसालय् नेपाल आदिवासी जनजाति पत्रकार महासंघ फोनिजया संयोजनय् थ्व हे जेष्ठ २ गते जुइगु मातृभाषा पत्रकारिता सम्मेलवनया अन्तिम तयारीइ थ्यंगु दु ।
संघीय संरचनाय् सञ्चार, मातृभाषा पत्रकारिताया आधार धइगु मू नारा बिया नेपाल पर्यटन बोर्डया हलय् जुइगु उगु सम्मेलनया उद्घाटन समारोहया मूपाहां सूचना तथा संचार प्रविधि राज्यमन्त्री गोकुल बाँस्कोटा जुयादीगु अले नेपाल पत्रकार महासंघ, प्रेस काउन्सील नेपाल, फोजिन लगायतया प्रनिनिधिपिं पाहां जुयादीगु धकाः नेवाः पत्रकार राष्ट्रिय दबूया नायः श्रीकृष्ण महर्जनं धयादीगु दु ।
नेपाःया संचार जगतय् समावेशीताया खँ ल्हायेबलय् नीति निर्माणय् समावेशीता, जनशक्तिइ समावेशीता, विषय वस्तुइ समावेशीताया जक खँ वयाच्वंगु अवस्थाय् भाषिक समावेशीता नं दुथ्यायेमाः धकाः सन्देश बिइत नापं धर्मादित्य धर्माचार्ययात जनजातिया न्हापां मातृभाषाया पत्रकारया रुपय् स्थपित यायेत अले सकलसिन स्वीकार याकेत नं थुगु कथंया सम्मेलन याये त्यनागु खः धकाः नायः महर्जनं धयादिल ।
वय्कलं नेपाः संघीय संरचनाय् वने धुंकूगु अवस्थाय् आः प्रदेश स्तरीय गुलि नं संचास गृहत संचालन याइ इमित अनया प्रदेशया मातृभाषायात नं थाय् बिइगु कथंया नीति निर्माण यायेत राज्ययात माःगु कथं दबाव बिइत नापं मातृभाषा पत्रकारिताया विकास यायेत नं थुगु कथंया सम्मेलन याये त्यनागु खः धकाः नेवाः पत्रकार राष्ट्रिय दबूया नायः श्रीकृष्ण महर्जनं धयादिल ।
उगु सम्मेलनय् नेवाः, तामाङ, राई, लिम्बु, शेर्पा, थारु, गुरुङ व मगर पत्रकार संगठनपाखें आधिकारीक रुपं थःपिनिगु मातृभाषाया पत्रकारिताया इतिहासंनिसें वर्तमान तक अले समस्या व समाधानयात तकं दुथ्याका ज्यापौ न्ह्यब्वयादीगु ज्याझ्वः दु ।
अथे हे मेमेगु मातृभाषाया पत्रकारिता याना वयाच्वनादीपिन्सं नं लिखित रुपं हे थःथःपिनिगु इतिहास ज्वना वइगु अले सहलह ब्याका छगू घोषणा पत्र तकं जारी यायेगु जुइ धकाः नेवाः पत्रकार राष्ट्रिय दबुलिं धाःगु दु । लिपा अन वःगु ज्यापौयात कया अझ थप याना सफूया रुपय् तकं पिकायेगु जुइ धाःगु दु ।
थौंकन्हय् नेपाःया आदिवासी जनजातिया ५९ गू जातीया सुचिकृत जुयाच्वंगु दुसा इपिं मध्ये पत्रकारतय्गु संगठन हे दयेकातःगु च्यागू जाती नापं मातृभाषां पत्रकारिता यानाच्वंपिं किसान, चेपाङ, थामी, दराई, बरामो, माझी, कुमाल, जिरेल, डोल्पो, ताजपुरीया, दुनवार, धिमाल, मेचे, राजवंशी, ल्होमी व सुनवार दु ।
इपिं फुक्क जनजातिया पत्रकारत थुगु मातृभाषा पत्रकारिता सम्मेलनय् ब्वति कयादी धकाः नेवाः पत्रकार राष्ट्रिय दबुलिं धाःगु दु ।
मातृभाषा पत्रकारिता सम्मेलनया तायारीय झ्वलय् फोनिजया केन्द्रीय पदाधिकारी, मातृभाषां पत्रकारिता यानाच्वंपिं पत्रकारतलिसे, च्यागू जातीय पत्रकार संगठनलिसे नापं नेवाः पत्रकार राष्ट्रिय दबूया येँ, यल, ख्वपया जिल्ला पदाधिकारीपिंलिसें ब्यागलं ब्यागलं कथंया बैठक च्वना नेवाः पत्रकार राष्ट्रिय दबूपाखें माःगु तयारी याःगु दु ।
थुगु ज्याझ्व प्रत्यक्ष प्रसारणयात रेडियो उपत्यका एफ एम ८७.६ मेगाहर्ज, नेवाः एफ एम १०६.६ मेगाहर्ज नाप नेवाः अनलाइनन्युज डट कम, नेपालभाषा टाइम्स डट कम, लहनान्युज डट कम व नेवाः डट कमपाखें जुइगु दु ।
‘थौंकन्हय्’या ६८क्वःगु बुदिं
नृपेन्द्रलाल श्रेष्ठ | बछलागा चर्तुदशी ११३८ (मे १४ २०१८)
नेपालभाषां पिदनाच्वंगु साहित्यिक लय्पौ ‘थौंकन्हय्’या ६८ क्वःगु बुदिं नेपाल प्रज्ञा प्रतिष्ठानय् हंगु दु । ‘थौंकन्हय्’ या ६८ क्वःगु बुदिंया लसताय् चिनाखँ मुना (कविता विशेषाङ्क) पितब्वज्या नं जूगु दु ।
‘थौंकन्हय्’ लय्पौया सम्पादक÷प्रकाशक रुक्मणी श्रेष्ठया सभाध्यक्षताय् न्ह्याःगु उगु ज्याझ्वलय् वाङमय शताब्दी पुरुषनापं वरिष्ठ संस्कृतिविद् डा. सत्यमोहन जोशी, साहित्यकार यज्ञरत्न धाख्वाः, तिलकप्रकाश कायस्थपिन्त दोसल्लां न्यय्काः हनापौ लःल्हाःगु खः ।
ज्याझ्वलय् ‘छपाः क्यानभास’ बाखंया नितिं मदुम्ह साहित्यकार श्यामदास प्रजापतियात मञ्जुका स्मृति कोषपाखें ‘प्रयागमान स्मृति नेपालभाषा हःपाः सिरपाः’ लःल्हाःगु दु । उगु सिरपाः वय्कःया कायः निरज प्रजापतिं लःल्हाना कयादीगु खः ।
साहित्यकार फणिन्द्ररत्न बज्राार्य मूपाहां कथं झायादीगु उगु ज्याझ्वलय् समालोचक पूर्णकाजी ताम्रकारं ‘थौंकन्हय्’ लय्पौयात कयाः न्ववानादीगु खः । अथेहे लुमिन कुमार श्रेष्ठं मञ्जुका स्मृति कोषपाखें नीस्वनातःगु ‘प्रयागमान स्मृति नेपालभाषा हःपाः सिरपाः’यात कयाः नुगः खँ तयादीगु खः ।
भवानी तुलाधरं न्ह्याकादीगु उगु ज्याझ्वलय् उपस्थित जुयादीपिन्त पुष्प चित्रकारं लसकुस यानादीगु खः ।
मातृभाषा पत्रकारिता सम्मेलन जेठ २ गते
लहनान्युज | बछलागा चर्तुदशी ११३८ (मे १४ २०१८)
संघीय संरचनाय् मातृभाषापत्रकारितायात राज्यं प्रबद्र्धन याय्गु नीतियातकार्यान्वयनयाय्गु तातुनां कन्हय् जेठ २ गते, बुधवाः येँय् ‘मातृभाषापत्रकारिता’ सम्मेलन जुइगु जूगु दु ।
नेवाःपत्रकार राष्ट्रिय दबुलिं नेपालआदिवासीजनजातिपत्रकार महासंघया ग्वाहाली येँया नेपालपर्यटन बोर्डया सभाहलय् उगु सम्मेलन जुइगु पत्रकार सम्मेलनय् जानकारी ब्यूगु खः ।
सम्मेलनय् नेपालभाषालिसें थीथीभाषायापत्रकारितायाइतिहास, थौंकन्हय् फय् मालाच्वंगु समस्या, राज्यं याय्माःगु ज्या आदिदुथ्यानाच्वंगु ज्यापौ न्ह्यब्वइगु पत्रकार दबूयान्वकू नापं ज्याझ्वःयाकजि नृपेन्द्रलालश्रेष्ठं जानकारी बियादीगु दु ।सम्मेलनय् न्ह्यब्वइगु ज्यापौयात सफूकथं पिथनेगु नं दबुलिं जानकारी ब्यूगु दु ।
संघीय संरचनाय् सञ्चार क्षेत्रयापुनःसंरचनायाय्बलय् समावेशीपत्रकारिता व उकिया छगू मू आधार मातृभाषायापत्रकारिताया संबद्र्धन व प्रबद्र्धन याय्गु नीति क्वःछीगु तातुनां उगु सम्मेलन याय्त्यनागु ज्याझ्वःयाकजिश्रेष्ठं जानकारी बियादिल ।
सञ्चार सम्बद्ध संस्था समावेशीदय्केमाःगु व जातीय, क्षेत्रीय, लैङ्गिकयाल्याखं सञ्चार गृह, बुखँयाविषयवस्तु समावेशीजुइमाःगुयानापनापं मातृभाषायापत्रकारितायात प्रबद्र्धन याकेगु लँपुइथुगु सम्मेलनं तिबःबीगु नं कजिश्रेष्ठं विश्वास प्वंकादीगु दु ।
नेपाल सम्बत् १०४५ अर्थात वि.सं. १९८२ बुद्ध जयन्तयादिनस भारतयाकलकत्तापाखें धर्मादित्यधर्माचार्यं (जगतमान वैद्य) ‘बुद्ध धर्म व नेपालभाषा’नांयापत्रिकापिथनेधुंकाः नेपालभाषायापत्रकारिताया शुरुवाट जूगु खः ।
स्वदँन्ह्यःनिसें वय्कःयाबुदिंयादिनस ‘मातृभाषापत्रकारितादिवस’कथं हनावयाच्वनागु झ्वलय् थुगु सम्मेलन याय्त्यनागु पत्रकार दबूयानायःश्रीकृष्ण महर्जनं जानकारी बियादिल ।
‘सम्मेलनपाखें मातृभाषापत्रकारितादिवस राज्यस्तरं हनेमाःगु विषयस सरकारयात ध्यानाकर्षण याकेगु जुइ ।’ नायःमहर्जनं धयादीगु दु ।
आयुष उत्कृष्ट फोटोग्राफर जुल
लहनान्युज | बछलागा चर्तुदशी ११३८ (मे १४ २०१८)
मध्यपुर थिमिइ रोट¥याक मध्यपुर शाखां दँय्दसं बिस्काजात्राया झ्वलय् फोटो प्रतियोगिता व प्रदर्शनीइआयुषशाक्यउत्कृष्ट फोटोग्राफर जुयादीगु दु ।
शाखापाखें शाक्ययात हःपाः कथं फोटोग्राफी सम्बन्धित थी थी हलंज्वलं नं लःल्हाःगु खः । उगु कासाय् राजु महर्जन ल्यू व कपिलचन्द्र पाल लियां ल्यू लाःगुखः ।
ज्याझ्वलय् ख्वप क्षेत्र नं. २ या सांसद राजेन्द्रमान श्रेष्ठं फोटोग्राफीपाखें कला, संस्कृतिनापं महत्वपूर्ण दस्ताबेज कैद यानाः पुस्तान्तरण याय्फइगु खँय् बःबियादिल ।
अथेहे संस्थाया नायःचन्द्र चक्रधरं मध्यपुरय् सीमित यानाः ग्वसाः ग्वयागु थुगु ज्याझ्वःयात येँ, यल व मेमेगु जिल्लाय् नं ग्वसाः ग्वय्गु योजनायात कयाः जानकारी बियादीगु खः ।
मध्यपुरया गुङ्गचिवाः त्वालय् जूगु उगु किपाः ब्वज्याय् फोटोग्राफी सम्बन्धित ब्यक्तित्व, पत्रकार, समाजसेवीलिसें आपालं व्यक्तित्व पिनिगु उपस्थिति दुगु खः ।
चीनय् पत्रकार श्रेष्ठया याकःति किपाः ब्वज्या
लहनान्युज | बछलागा द्धादशी ११३८ (मे १२ २०१८)
राष्ट्रिय समाचार समिति (रासस) या फोटो पत्रकार रत्नकृष्ण श्रेष्ठया चीनया राजधानी बेइजिङय् याकःति किपाः ब्वज्या जूगु दु ।
बेइजिङया नानछेन रोड, नान फासिनचन, शुनयीस्थित रिसर्च एण्ड ट्रेनिङ ईन्स्टिच्यूटय् (मिडिया व प्रेससम्बन्धी चीन सरकारया तालीम नापं प्रशिक्षण केन्द्रय् उगु कथंया ब्वज्या जूगु खः ।
‘डिजिटल डिस्प्ले’ पाखें याःगु उगु ब्वजजाय् फोटो पत्रकार श्रेष्ठया स्वंगू दर्जनसिबें नं अप्वः किपाः ब्वयातःगु दु । चीन सरकारया निमन्त्रणाय् चीन वनादीपिं संचारकःमि तालिम पुचलय् वय्कः नं दुथ्याःगु खः ।
किपाः ब्वज्या तसकं ल्वकंह्वाःगु व ब्वज्याया माध्यमं चिनीया जनतायात नेपाःया कला, स.स्कृति, जीवनशैली, पर्यटकीय लागा व नेपाः चीनया स्वापूया बारे थप खँ थुइकेगु नितिं ग्वहालि जूगु अन वानादीपिं पत्रकारपिन्सं धयादीगु दु । थुगु ब्वज्या वइगु जेठ ६ गते तक जुइ । वय्कः रत्नकृष्ण श्रेष्ठ नेवाः पत्रकारतय्गु राष्ट्रिय संगठन नेवाः पत्रकार राष्ट्रिय दबूया केन्द्रीय पार्षद न खः ।
