Display Style:
Column Style
सत्यमोहनया सच्छिदँ बुदिंया लसता ज्याझ्वः
अमिर मैया रञ्जित | दिल्लागा औसी ११३९ (अगष्ट १ २०१९)
शताब्दीपुरुष सत्यमोहन जोशीया सच्छिदँ बुदिंया लसता नापं प्रतिभा समाजया रजत जयन्तीया लसताय् प्रतिभा समाज कुपण्डोलय् बुधवाः थीथी ज्याझ्वः जूगु दु ।
उगु प्रतिभा समाजया रजत जयन्तीया ज्याझ्वलय् शताब्दी पुरुष जोशीयात दोसल्लां न्ययेकाः हना ‘नेपालभाषा साहित्यबारे विशेष प्रबचन व सहलह ज्याझ्वः न जूगु खः ।
उगु ज्याझ्लय् समाजं विपन्न युवा विद्यार्थीतय्त शैक्षिक नापं बौद्धिक विकासय् ग्वाहालि यानावया च्वंगु भूमिकाबारे डा. पुष्पराज राजकर्णिकारं जानकारी खःसा रत्नध्वज जोशीं प्रभावित जुयाः नेपालभाषा साहित्य, संस्कृति च्वन्ह्याकेया नितिं राणाकालं निसें थौंतक्कया अवस्थाबारे मूपाहाँ जोशीं लुमन्ति कनादिल ।
अथेहे, ज्याझ्वलय् नेपालभाषा थकायेगु लागि २००७ सालय् प्रेमबहादुर कंसाकारं कलकत्तां पत्रिका प्रकाशन यानाः स्वयम्भूलाल श्रेष्ठ, धुँस्वा सायमि, आशा राम शाक्य, केदारमान ब्यथित थेंजापिं साहित्यकारतय्गु जन्म जूूगु खँ कनादिल ।
मांभाय् साहित्यया हःपालं थः मदन पुरस्कारं सम्मानित जूगु कनादिसे जोशीं नेपालभाषा एकेडेमि, नेपालभाषा खँग्व धुकू नितिं बरिष्ठ समालोचक इन्द्र माली, नेपालभाषा इतिहासया नितिं प्रा. प्रेमशान्ति तुलाधर, नेपालभाषा एफएम सञ्चालन यायेत थःनापं मेमेपिनिगु योगदानया चर्चा यानादिल ।
उगु ज्याझ्वलय् नेपालभाषा एकेडेमिया भाइसचान्सलर यज्ञरत्न धाख्वा, नेपालभाषा परिषदया ध्रुव मर्धिकःमि, च्वसापासाया अध्यक्ष भुषणप्रसाद श्रेष्ठ, लोक साहित्य परिषदका अध्यक्ष प्रा. प्रेमशान्ति तुलाधर, नेपालभाषा केन्द्रीय विभागया पुलांम्ह प्रमुख तुल्सीलाल सिंह, इन्द्रमान रञ्जित तानाका, लोककवि राजभाइ जकःमि, तुल्सी साय्मिपिसं थःथःपिनिगु खँ तयादिगु खः ।
उगु ज्याझ्वः डा. बज्रराज शाक्यया सभाध्यक्षताय् जुगु खःसा शाक्य सुरेनं न्ह्याकादीगु खः ।
किपा: नेवाः सूचना केन्द्र
सतक विभागया छेँय् मथुनिगु
लहनान्युज | दिल्लागा चर्तुदशी ११३९ (जुलाई ३१ २०१९)
सतक विभागया केन्द्रीय कार्यालय दुगु ऐतिहासिक दरबार बबरमहल मथुनिगु जुगु दु ।
थुगु भवन प्रवलीकरण (रेट्रोफिट) जुइगु पक्का जुगु दु । थुकिगु लागि राष्ट्रिय पुनर्निर्माण प्राधिकरणया खर्चं याना भवन विभागं करिब ८६ करोडया ठेक्काय् सम्झौता जुगु दु ।
थुगु भवन राणाकालय् बबरशम्शेरं दयेकुगु अनुमान याःगु दु । उगु छेँय् ‘श्री ३ चन्द्रशमशेर १९०३’ च्वया तःगु अप्पा लुया वःगु खः ।
वःगु १२ वैशाख २०७२ सालय् तःभुखाय् लिपा उगु कार्यालयय् क्षतिइ जुगुनि सडक विभागया ज्याकु यलय् च्वं वःगु खः ।
संसदय् राजपा व कांग्रेसं नाराबाजी यात
लहनान्युज | दिल्लागा चर्तुदशी ११३९ (जुलाई ३१ २०१९)
विपक्षी नेपाली कांग्रेस व राजपां थौं बुधवाः न संसद् बैठक अबरुद्ध याःगु दु ।
सर्लाही घटनाबारे छानबिन यायेत संसदीय समिति गठनया माग यासे कांग्रेस व राजपाया सांसदपिन्स रोष्टम घेराउ याःगु दु ।
संसदय् थौं बैठक न्ह्याये वं निगु दलया सांसदपिन्सं दना बिरोध याःगु खः ।
सभामुख कृष्णबहादुर महरां विरोधया बारे सरकार व थःत जानकारी जइ धुकुगु द धयादिसे फ्यतुइत इनाप याःगु खः ।
मनूया आत्महत्याया घटनायात कयाः गृहमन्त्रीलिसे लिसः फ्वन
लहना न्यूज | ने.सं. ११३९ दिल्लागा त्रयोदशि (३० जुलाइ, २०१९), मंगलवाः
सांसदतसें ललिता निवास जग्गा प्रकरणय् दुथ्याःम्ह मनूया आत्महत्याया घटनायात कयाः गृहमन्त्रीलिसे लिसः फ्वंगु दु ।
प्रतिनिधिसभा अन्तर्गत राज्य व्यवस्था तथा सुशासन समितिया थौं मंगलवाः च्वंगु मुँज्याय् नेपाल प्रहरी व प्रदेश प्रहरीया अधिकार सम्बन्धि सहलह जुयाच्वंगु इलय् समितिया दुजःपिन्सं थीथी घटनायात कयाः गृहमन्त्रीया लिसः फ्वंगु खः ।
नेपाली कांग्रेसया सांसद देवेन्द्रराज कँडेलं बालुवाटारया ललिता निवास जग्गा प्रकरणय् दुथ्याःम्ह पूर्व नायव सुब्बा युक्तप्रसाद श्रेष्ठया मृत्यु शंकास्पद जूगु धयादिसें घटनाया सत्यतथ्य पित हयेत माग यानादिल । वय्कलं गुंगू तल्ला च्वं कुतुंवःसां नं सीम्ह श्रेष्ठया म्हय् गनं नं हि खनेमदुगु व आत्महत्या धाःगुलिं ललिता निवास प्रकरण सुचुकेगु नितिं हत्या याःगु ला मखु ला ? धइगु शंका ब्वलंगु धयादीगु दु ।
नेपाल कम्युनिष्ट पार्टीया सांसद झपट रावलं धाःसा न्हियांन्हिथं १०म्ह भ्रष्टाचारीतसें आत्महत्या याःगु न्यने दयेमाः धयादिसें घटनाा सत्यतथ्य सीकेगु स्वयां नं आत्महत्या हे जूगु धइगु ल्याखं थःगु बिचाः तयादिल ।
सांसद डिला संग्रौलां निर्मला पन्त हत्या सम्बन्धय् गृहमन्त्री रामबहादुर थापां गैर जिम्मेवार अभिव्यक्ति बियादीगु द्वपं बियादिल ।
अथे हे सांसद प्रेम सुवालं लुँ काण्ड व निर्मला पन्त हत्या अपराधीयात अझ नं नियन्त्रणय् काये मफूगु धयादिसें अपराधीयात मृत्युदण्ड बीगु प्रावधान तयेगुकथं संविधान संशोधन यायेत सरकारयात निर्देशन बीमाःगु तर्क तयादिल ।
प्यम्ह न्यायाधीशयात छानवीन यायेत समिति नीस्वन
लहना न्यूज | ने.सं. ११३९ दिल्लागा द्वादशि (२९ जुलाइ, २०१९), सोमवाः
न्याय परिषदं उच्च व जिल्ला अदालतय् ज्या यानाच्वंपिं ४म्ह न्यायाधीशयात विस्तृत छानवीन यायेत समिति नीस्वंगु दु ।
प्रधानन्यायाधीश चोलेन्द्र शमशेर राणाया अध्यक्षताय् थौं सोमवाः च्वंगु परिषदया मुँज्यां उच्च अदालत पोखराया न्यायाधीश जीवनहरि अधिकारी, रामचन्द्र यादव व नरबहादुर शाहीयात छानवीन यायेत सर्वोच्चया न्यायाधीश सपना प्रधान मल्लया नेतृत्वय् समिति नीस्वंगु खः ।
क्षेत्राधिकार हे मदुगु छगू निजी कम्पनीया अन्तः शुल्क विवादय् स्वम्हेसितं काजय् परिषद झिके यायेगु क्वःछ्यूगु नं प्रवक्ता मानबहादुर कार्कीं जानकारी बियादीगु दु ।
अथे हे, जिल्ला अदालत येँया न्यायाधीश अर्जुन कोइरालायात छानवीन यायेत परिषदं सर्वोच्च अदालतया न्यायाधीश तेजबहादुर केसीया नेतृत्वय् समिति नीस्वंगु दु । कोइरालां यल जिल्ला अदालतय् दुगु इलय् छगू मुद्दायात कयाः याःगु निर्णय विवादय् लाःगु खः ।
परिषदया थौं सोमवाःया मुँज्यां उच्च अदालतया ३म्ह मुख्य न्यायाधीशयात सरुवा यायेगु नं क्वःछ्यूगु दु । पाटन उच्च अदालतया कुमार चुडालयात सुर्खेत, सुर्खेतया रमेश पोखरेलयात तुलसीपुर व तुलसीपुरया नहकुल सुवेदीयात पाटन सरुवा यायेगु क्वःछ्यूगु दु ।
थ्व हे दथुइ परिषदं सैनिक विशेष अदालतया अध्यक्षय् उच्च अदालत पाटनया न्यायाधीश तेजबहादुर कार्कीयात सिफारिस याःगु दु । न्याय परिषदया सिफारिसय् सरकारं उच्च अदालतया न्यायाधीशयात सैनिक विशेष अदालतया अध्यक्षय् नियुक्त यायेगु व्यवस्था दु ।
सेनाया मुद्दा स्वयेत अलग्ग हे अदालत नीस्वनेगु कानूनी व्यवस्था दु । कोर्ट मार्सलया मुद्दा उगु अदालतपाखें क्वःछीधुंकाः चित्त बुझे मजूसा जक सर्बोच्च अदालततक वये दइगु खः ।
