Display Style:
Column Style
मातृभाषा पत्रकारिता सम्मेलनया निति मुँज्या
लहनान्युज | बछलागा अष्टमी ११३८ (मे ८ २०१८)
नेवाः पत्रकार राष्ट्रिय दबूया ग्वसालय् व नेपाल आदिवासी जनजाती पत्रकार महासंघया ग्वहालिं थ्व हे वइगु २०७५ जेठ २ गते नेपाल पर्यटन बोर्डय् जुइगु “संघीय संरचनाय् मातृभाषा पत्रकारिता सम्मेलन“या तयारी थौं जुगु दु ।
थौं जुग उगु मुँज्याय् नेपाःया थीथी राष्ट्र भासं पत्रकारिता यानाच्वंपिं रेडियोपाखें पत्रकारितायाना च्वपि दथुइ उगु मुँज्या जुगु खः ।
उगु सम्मेलन तालाक्यंगु निति थ्व हे वइगु बिहिवाः ताम्रकार समाज यलय् मेगु मुँज्या च्वने त्यंगु दु ।
मातृभाषा पत्रकारिता सम्मेलन तयारी मुँज्या
नृपेन्द्रलाल श्रेष्ठ | बछलागा सप्तमी ११३८ (मे ७ २०१८)
नेवाः पत्रकार राष्ट्रिय दबूया ग्वसालय् थ्व हे वइगु जेष्ठ २ गते जुइत्यंगु संघीय संरचनाय् मातृभाषा पत्रकारिता सम्मेलन ज्याझ्वः या लागि नेपाल आदिवासी जनजाति पत्रकार महासंघय् दुथ्यागु जातीय पत्रकार संगठनया प्रतिनिधि दथुइ मुँज्या जुगु दु ।
उगु मुँज्याय् नेवाः पत्रकार राष्ट्रिय दबू पाखें श्रीकृष्ण महर्जन,नृपेन्द्रलाल श्रेष्ठ, सुनिल महर्जन व सुरेन्द्रभक्त श्रेष्ठ, तमू संचारकर्मी सघं पाखे जमान गुरुङ्ग, लाला गुरुङ्ग व रविन गुरुङ्ग, तामाङ्ग पत्रकार सघंपाखे बिष्णु तामाङ्ग लिम्बुु पत्रकार सघंपाखे बिष्णुमाया सिघंक लिम्बु नाप नेपाल आदिवासी जनजाति पत्रकार महासंघपाखें उपाधक्ष्य लक्की चौधरी व सचिव जगित लामा दोङपिन्स ब्बति कागु खः ।
शान्ति सुरक्षायात कयाः अन्तरक्रिया ज्याझ्वः
नृपेन्द्रलाल श्रेष्ठ | बछलागा सप्तमी (९मे ७ २०१८)
जनसेवा सामुदायिक केन्द्र, सामुदायिक प्रहरी सेवा केन्द्र, पाको युथ क्लब, महानगरीय प्रहरी बृत्त जनसेवाय ग्वसालय् ‘सुरक्षा सम्बन्धी अन्तरक्रिया’ ज्याझ्वः जूगु दु । थ्वया नापनापं न्हूसतकय् तःगु प्रहरी बिटया नं उलेज्या याःगु दु ।
ज्याझ्वलय् येँ महानगरपालिकाया प्रमुख विद्यासुन्दर शाक्य मूपाहांकथं झायादीगु खःसा येँ महानगरीय प्रहरी परिसरया सुरक्षा प्रमुख ईश्वरराज पोखरेल, प्रहरी बृत्त जनसेवाया सुरक्षा प्रमुख टेकू नन्द इभा लिम्बु, येँ महानगरपालिका २१ वडाया नायः उदय चुडामणि बज्राचार्य, १८ वडाया नायः न्हुछेकाजी महर्जन, हनुमानध्वाखा दरबार क्षेत्र संरक्षण ज्याझ्वःया प्रमुख उदय पसःखलःलिसेंया उपस्थिति दुगु खः ।
ज्याझ्वलय् येँ महानगरपालिकाया प्रमुख बिद्यासुन्दर शाक्यं न्हू सतकय् तःगु प्रहरी विटया उलेज्यालिसें उगु प्रहरी विटया ताःचा महानगरीय प्रहरी जनसेवाया प्रमुख प्रहरी नायव उपरीक्षक टेकुनन्द ईवा लिम्वुयात लःल्हानादीगु खः ।
किपूया ऐतिहासिक किपा ब्बज्या
नृपेन्द्रलाल श्रेष्ठ | बछलागा सप्तमी ( मे ७ २०१८)
किपूया उमामहेश्वर देगःया परिसरय् ऐतिहासिक किपा ब्वज्या जूगु दु ।
उगु किपा ब्वज्याय् किपूया निसःत्या दँ स्वयां न्ह्यःनिसें आःतकया इतिहास, कला संस्कृति, नेवाः समाज, संस्कार नापं सम्पदा क्षेत्रया यानाः निसः स्वयां अप्वः किपात ब्वयातःगु खः ।
उगु किपा ब्वज्याया उलेज्या कीर्तिपुर नगरपालिकाया प्रमुख रमेश महर्जनं यानादीगु खः ।
ज्याझ्वलय् चाइना कल्चर सेन्टरया प्रतिनिधि मण्डल, फोटोग्राफर राजभाइ सुवाललिसेंया उपस्थिति दुगु खः
सफू पितब्वज्या, हना ज्याझ्वः
लहनान्युज | बछलागा सप्तमी (९मे ७ २०१८)
नेपाल साहित्य मन्दिरया ६५ क्वःगु बुदिंया लसताय् मन्दिरया ग्वसालय् शनिवाः ख्वपय् थीथी सिरपाः, हना व चिनाखँ मुना पितब्वज्या ज्याझ्वः क्वचाःगु दु ।
उगु ज्याझ्वलय् नेपालभाषा एकेडेमीया चान्सलर चित्तरञ्जन नेपालीं भवानी जोशीया नेपालभाषा व खस भाय्या चिनाखँ मुना ‘आव्हान÷इनाप’ पितब्वज्या नापं आर. बी. जोशी फाउण्डेशन प्राज्ञ सम्मान ११३८ वाङ्मय शताब्दी पुरुष सत्यमोहन जोशीयात, भिंmनिक्वःगु जरि मैयाँ साखः लुमन्ति सिरपाः ११३८ साहित्यकार कृष्णदेवी बज्राचार्ययात व न्हापांगु कुमार साखः लुमन्ति हःपाः सिरपाः ११३८ साहित्यकार अगिब बनेपालीयात लःल्हाःगु दु ।
तिलक प्रकाश कायस्थया नायःसुइ हरिशरण राजोपाध्यायनं न्ह्याकूगु ज्याझ्वलय् रामेश्वर श्रेष्ठं लसकुस न्वचू तयादीगु खःसा वरिष्ठ साहित्यकार तेजेश्वर बाबु ग्वंगः, रमापति राज शर्मा, सम्मान्नित व्यक्ति वाङ्मय शताब्दी पुरुष सत्यमोहन जोशी, सिरपाः कयादीपिं अगिब बनेपाली, कृष्ण देवी बज्राचार्य, च्वमि भवानी जोशीपिन्सं नुगः खँ तयेगु नापनापं साहित्यकार पशुपतिमान प्रधानं सुभाय् देछानादीगु खः ।
बुखँ नेवाः सूचना केन्द्र
किपा राजेन्द्र रञ्जित
