Display Style:
Column Style
२१ क्वःगु मचा ब्वाज्या कासा जुल
लहनान्युज | कौला गा औशी ११३७ (अक्टुवर १९ २०१७)
येंया भिंद्यःत्वालय् च्वंगु न्हू पुचःया ग्वसालय्् २१ क्वःगु मचा ब्वाज्या ज्याझ्वः जुगु दु । उगु ज्याझ्वःया उलेज्या मूपाहाँ नेवाः न्ह्यःलुवा मल्ल के. सुन्दरं बसन्तपुरय् छगु ज्याझ्वः दथुइ उलेज्या यानादीगु खः ।
उगु ज्याझ्वलय् मूपाहाँ मल्ल के. सुन्दर मचा ब्वाज्या कासाय् त्याःपिं मिजंमस्त पाखे न्हाप सागर लामा ८ दँ, ल्यू कुश प्रताप सिं ९ दँ, लियांल्यू अनोज चौधरी अथेहे मिसामस्त पाखे न्हाप मणिषा शाही ८ दँ, ल्यू लुमिला मानन्धर ८दँ, लियांल्यू निभाः श्रेष्ठ ८ दँ यात सिरपा लःल्हाना दीगु खः ।
‘नेवाः समाजय् शाक्यपिं’ सफू उलेज्या
नृपेन्द्रलाल श्रेष्ठ | कौलागा चतुर्दशी ११३७ (अक्टुवर १८ २०१७)
ओलम्पस क्लब ओमबहालया ग्वसालय् न्हूदँ ११३८ या लसताय् भिंतुना कालबिल ज्याझ्वः जूगु दु ।
उगु भिंतुना कालबिल ज्याझ्वलय् प्रा. सुवर्ण शाक्यं च्वयादीगु सफू ‘नेवाः समाजय् शाक्यपिं’ ज्याझ्वःया मूपाहाँ न्हुदँ राष्ट्रिय समारोह समिटि ११३८ या नायः चित्तरञ्जन नेपालीं उलेज्या यानादीगु खः ।
ओलम्पस क्लबया नायः पवित्र बज्राचार्यया सभापति जुगु उगु ज्याझ्वलयु क्लबया सल्लाहकार लिसें सफू च्वमि प्रा. सुवर्ण शाक्यसाहित्यकार पुष्पबहादुर चित्रकार व साहित्यकार मय्जु प्रतिसरा सायमिपिं पाहाँ कथं झायादीगु खः ।
ओलम्पस क्लबया न्वकू ज्योति शाक्यं लसकुस न्वचू बियादीगु उगु ज्याझ्वलय् मूपाहाँ चित्तरञ्जन नेपाली,ं सफू च्वमि प्रा. शाक्यं, पुष्परत्न चित्रकार, प्रतिसरा सायमिपिन्सं सपूmया बारे थः थःगु नुगः खँ प्वंकादीगु खः ।
उगुज्याझ्वः क्लबया सचिव रोशन शाक्यं न्ह्याकादीगु खः ।
मल्ल के. सुन्दरया ‘शंखधर’ पिदन
लहनान्युज | कौलागा त्रयोदशी ११३७ (अक्टुवर १७ २०१७)
नेवाः न्ह्यलुवाः मल्ल के. सुन्दरं च्वयादीगु ‘शंखधर’या छगू आख्यानात्मक परिकल्पना उपन्यास पिदगु दु ।
नेवाः जागरण मञ्चया ग्वसालय् जुगु थौं छगु ज्याझ्वः दथुइ मूपाहाँ वाङमय शताब्दी पुरुष डा. सत्यमोहन जोशीं बिमोचन यानादीगु दु ।
थौंया उगु ज्याझ्वलय् पाहाँ कथं नेपाल संवत राष्ट्रिय न्हूदँ समारोह समितिया नायः चित्तरञ्जन नेपाली, जनकवि दुर्गालाल श्रेष्ठ, नेवाः न्ह्यलुवाः नेपाल संवत आन्दोलनया न्हयलुवा पद्मरत्न तुलाधर, नेवाः न्ह्यलुवाः लक्ष्मीदास मानन्धर झयादीगु खः ।
दान्यहिरा सिरपा लःल्हात
लहनान्युज | कौलागा एकादशी ११३७ (अक्टुवर १५ २०१७)
संगीत ख्यलय् न्हापा छम्ह छम्हेसित बिया वया च्वंगु दान्यहिरा सिरपा थूगुसी निसें संगीतया स्वंगुलिं बिधा संगीतकार, गीतकार व म्येहालामियात बिइगु याःगु खःसा थूगुसी गीतकार काजीराज शाक्य , संगीतकार बिरेन शाक्य व म्येहालामि ईश्वर अमात्ययात थ्व सिरपा लःल्हागु खः । म्हतिं झिंन्हय्द्वतकाया थ्व सिरपा दाता यज्ञरत्न धाख्वाः खः ।
अथेहे संगीत साधक भिमबहादुर नकःमियात थूगुसीया दान्यहिरा जीवंकाछी सिरपा लःल्हागु दु । न्यय्द्वतका व हनापौ नापंया थ्व सिरपा मूपाहाँ कथं झायादीम्ह नेपालभाषा एकेडेमीया संरक्षक वाङ्गमय शताब्दी पुरुष डा. सत्यमोहन जोशीं लःल्हानादीगु खः ।
नेपालभाषा एकेडेमीया ग्वसालय् झिंप्यदँ न्ह्यवं निसें नियमित रुपं बियावया च्वंगु नेपालभाषाया साहित्य व संगीत ख्यःया छगु प्रतिष्ठित सिरपा कथं कया तःगु दान्यहिरा सिरपा ज्याझ्वः थौं
आइतबार यलय् क्वचाःगु दु ।
निदँय् छक्वः साहित्य व वाङ्गमय ख्यः व छगु दँय् संगीत ख्यःयात थ्व सिरपा बिइगु याना वया च्वंगु खःसा थूगुसी संगीत ख्यःया पाः कथं संगीत ख्यलय् थःगु जीवन अर्पण यानादीम्ह एकेडेमीया चान्सलर चित्तरञ्जन नेपालीया सभानायसुइ जूगु थौंया ज्याझ्वलय्् एकेडेमीया सदस्य सचिव मल्ल के सुन्दरं लसकुस न्वचु तयादीगु खःसा एकेडेमीया प्राज्ञ दुजः विजयरत्न असंबरे दान्यहिरा सिरपा न्हूगु प्रावधानयाबारे न्ववाना दीगु खः ।
थौंया ज्याझ्वलय् एकेडेमीया भाइस चान्सलर व दान्यहिरा सिरपाया दाता बाखं च्वमि यज्ञरत्न धाख्वाःया झिंनिगु बाखं सफू “हारां मैंचा” या पित ब्वज्या नं जूगु खःसा उगु सफूयात कया एकेडेमीया प्राज्ञ दुजः प्रा. प्रेमशान्ति तुलाधरं समालोचना यानादीगु खः ।
एकेडेमीया प्राज्ञ दुजः साहित्यकार शशीकला मानन्धरं न्ह्याकादीगु थुगु ज्याझ्वलय् लःल्हागु दक्वं हनापौ एकेडेमीया दाँभरीं डा. पुष्पराज राजकर्णिकारं ब्वना न्यंकादीगु खः ।
शताब्दी पुरुष डा. जोशीयात “लाइफटाइम एचिभमेण्ट” अवार्ड
लहनान्युज | कौलागा एकादशी ११३७ (अक्टुवर १५ २०१७)
मेत्तागारया न्हापांगु लाइफटाइम एचिभमेण्ट अवार्ड वाङ्गमय शताब्दी पुरुष डा. सत्यमोहन जोशीयात लःल्हाःगु दु । वय्कःयात दबुली हे ह्याउँ तपुलि, जामा व तासया वसतं पुंकाः कजि शान्तरत्न शाक्यं अवार्ड लःल्हानादीगु खः ।
अथेहे उगु ज्याझ्वलय् कवयित्री नाराणदेवी श्रेष्ठयात “पामिला” उपाधि व भिक्षु कोण्डन्य महास्थविरयात अग्रधर्मदेशक उपाधिं सम्मानित याःगु खः ।
नीन्याप्वाः बोधिमत च्याकाः उलेज्या यासें न्ह्याःगु उगु ज्याझ्वलय् निवर्तमान कुमारी माजु मतिना शाक्यया नं उपस्थिति दुगु खःसा ज्याझ्वलय् भृगुराम श्रेष्ठ, पूर्णबहादुर शाक्य व अन्नपूर्ण
ज्ञानमाला भजन खलःपाखें भजन न्ह्यब्वय्गु ज्या जूगु खः ।
