प्रधानमन्त्री केपी शर्मा ओलीं ल्याय्म्ह तयेगु निति  उद्यमशीलताया विकास यायेगु सरकारं योजना दयकाच्वनागु दु धका धयादीगु खः।

अन्तर्राष्ट्रिय युवा दिवसया लसताय् जुगु नेपाल युवा सम्मेलन, २०२४ या समापन ज्याझ्वलय् सम्बोधन यानादीसे प्रधानमन्त्री ओलीं यक्को ज्या बिइगु निति चि चि धःगु उद्यमशीलताया ज्याझ्वः नाप विकासया लहर हयेगु ज्या सरकारं बिचाः यानाच्वनागु दु धका जानकारी बियादीगु खः।

देशय् रोजगारी व अवसर बाला मजुगुलि ल्याय्म्हत विदेशय् वनाच्वंगुलि च्युता प्वकादीसे प्रधानमन्त्री ओलीं वइगु दिं नेपालय् ज्येष्ठ नागरिक तय्गु जक देय् जुइगुलि ल्याय्म्ह तय्स थुकिइ बिचाः यायेमाः धका धयादीगु खः। वयकलं थौकन्ह्यः जनसङ्ख्यावृद्धि दर न म्हो जुगु सुन्दर भविष्यया निति नीदँय् इहिपायाना याकन मचा दय्केत इनाप यानादीगु खः।

सम्मेलनं पारित याउगु घोषणापत्रया विषय सरकारं कार्यान्वयनया निति प्रतिबद्धता प्वकादिसे प्रधानमन्त्री ओलीं वइगु असोजय् जुइगु राष्ट्रसङ्घया महासभाय् सम्बोधन यायेगु इलय् घोषणापत्रया विषय प्रतिबिम्बित यायेगु जुइ धका धयादीगु खः।

प्रधानमन्त्री केपी शर्मा ओलीनाप बेलायती राजदूत रब फेनं नापलागु दु।

मंगलवाः सिंहदरवारस्थित प्रधानमन्त्री लिसे मन्त्रिपरिषदया कार्यालय बेलायती राजदूत फेनं प्रधानमन्त्री ओलीयात नापलागु दु। नापलायेगु झ्वलय् निगु देय् दथुइ सम्बन्ध व हितया विषय सहलह जुगु खः।प्रधानमन्त्री ओलीं नेपालय् सङ्घीयता व लोकतन्त्रयात बालाकेगु यकेगुलि सरकारं विकास, नीति निर्माण याना ल्याय्म्हपिन्त दुथ्याकेगु व दिगो विकासया लक्ष्य प्राप्तिइ प्राथमिकताय् तयागु दु धका धयादीगु खः।

प्रधानमन्त्री ओलीं सरकार ‘समृद्ध नेपाल, सुखी नेपाली’ या राष्ट्रिय आकाक्षा पूरा यायेगुलि वनाच्वनागु दु धका धयादीगु खः। वयकलं निगु दल दथुइ जुगु सहकार्यय् सरकार गठन जुगुलि थुगु सरकारं जनताया अपेक्षा पूरा यायेत सरकार प्रतिबद्ध दु धका धयादीगु खः।

राजदूत फेनं सङ्क्रमणकालीन न्यायसम्बन्धी कानुनया विषययात राजनीतिक सहमतिया आधारय् क्वछिउगुलि लसता प्वकादीसे नेपाःया विकास, सुशासन व सङ्घीयताया सबलीकरणलगायत ख्यलय् बेलायत सरकारं यानावया च्वनागु ग्वहालि याना वयाच्वनिइ धका धयादीगु खः। वयकलं नेपाली व्यवसायीपिन्त बेलायतय् वस्तु निर्यातय् ग्वहालि यायेगुलि प्रतिबद्धता प्वकादिल।

लुँया भाः आःतक हे दकलये अप्पो थिके जुगु दु।लुँ तोलां थौ निद्धः व सच्छि अप्पो थहावःगु दु। लुँ तोलां थौ निद्धः व सच्छि थहावना १ लाख ५० हजार ८ तक थ्यःगु दु धका नेपाल सुनचाँदी व्यवसायी महासङ्घं धाःगु दु।

अथे हे, वहः तोलां न नीन्यातका थहावःगु दु। वहः तोलां नीन्यातका थहावना थौ १ हजार ७ सय ४० तका न कारोवार जुगु दु धका महासङ्घं धाःगु दु।

 प्रधानमन्त्री केपी शर्मा ओलीं “हेल्लो सरकार”या ज्या प्रभावकारी दयकेत च्युता कयादीगु दु।

प्रधानमन्त्री लिसे मन्त्री परिषदया कार्यालय सिहदरबारय् जुगु निजामति कर्मचारी संगठनया पदाधिकारीनाप जूगु सहलह ज्याझ्वलय् प्रधानमन्त्री ओलीं सरकारया ज्या कारावारीबारे आम जनातां याउक खँ न्यनेगु व उजुरी बिइगु ब्यवस्था जुगु व उगु संयन्त्रयात प्रभाबकारी यायेत बःबियादीगु दु।

प्रधानमन्त्री ओली उगु संयन्त्रया सम्वन्धय् थःम्हेसिया सम्वन्धित कर्मचारी तयेगु पुचःनाप च्वना बालक्क सहलह यायेगु जुइ धका धयादीगु दु। “हेल्लो सरकार”य् वइगु खँ ब्यवस्थापन निर्देशिका, २०७८ कथं उगु संयन्त्र न्ह्याना च्वंगु धका धयादीगु दु।

उगु झ्वलय् संगठनया नायः लेखनाथ कोइरालां संघीय निजामति ऐन याक हयेमाःगुलि ध्यानाकर्ष पौ लःल्हागु खः।

प्रधानमन्त्री केपी शर्मा ओलीयात नेपाल क्रसर लिसे खानी उद्योग व्यावसायी महासङ्घं थःपिनिगु उद्योगय् नवीकरण यायेगुलि वःगु समस्याबारे ध्यानाकर्षण याःगु दु।

प्रधानमन्त्री निवास बालुवाटारय् महासङ्घया अध्यक्ष सीताराम न्यौपानेनाप प्रतिनिधितय्स दर्ता यानतःगु ७ सय क्रसर लिसे फि उद्योगयात न्हापा थे मापदण्डया आधारय् नवीकरण याकेमाःगु माग याःगु दु।

वातावरणसम्बन्धी मापदण्ड, २०५४ व उद्योगया लागि दूरीसम्बन्धी मापदण्ड, २०७१ या आधारय् उगु उद्योग सञ्चालन जुयाच्वंगु २०७७ साल संशोधन जुगु मापदण्डं नवीकरण यायेत थाकुगु धका महासङ्घं धाःगु दु।

महासङ्घं उद्योग नवीकरण मजुया ४ अर्ब लगानी डुुब्बे जुइगु अवस्थाय् दुगुलि न्हापा दर्ता जुगु उद्योगयात कर दस्तुुर मकासे पुलागु हे मापदण्डया आधारय् नवीकरण याकेत व व्यवहारिक नाप न्हुगु मापदण्ड हयेत माग याःगु दु।