थिमिइ सिन्दुर जात्रा तःजिक जुगु दु। थौ आइतः सुथनिसे थिमिया बालकुमारी द्यःया थाय् सिन्दुर जात्रा हंगु दु।

दँय दँसं बैसाख २ गते हनिइगु याइ।

वरिष्ठ संस्कृतिविद् लिसे निवन्धकार तेजेश्वरबाबु ग्वंगः न ‘संस्कृतिका आयाम’ निबन्ध सङ्ग्रह नेपाल प्रज्ञा प्रतिष्ठानया पूर्व कुलपति गंगाप्रसाद उप्रेतीं ‘भिन्न भिन्न ताल र सुरका झङ्कारहरु’ निबन्ध सङ्ग्रह व जितेन्द्र रसिकया ‘युगको तेज’ (वरिष्ठ संस्कृतिविद् लिसे निबन्धकार तेजेश्वरबाबु ग्वंगःया जीवनी) नाप स्वंगु साहित्यिक कृति लोकर्पण यानादीगु खः।

ख्वपय् छगु ज्याझ्वः दथुइ पूर्व कुलपति वैरागी काइँला लगायतपिन्स उगु कृति लोकर्पण यानादीगु खः। कृति लोकार्पण यानादीसे पूर्वकुलपति काइँलां स्वंगु हे सर्जकया कृतिं नेपाली वाङ्मय ख्यलय् महत्त्वपूर्ण योगदान जुइ धका धयादीगु खः।

‘संस्कृतिका आयाम’ निबन्धसङ्ग्रहया च्वमि नाप वरिष्ठ संस्कृतिविद् लिसे निवन्धकार तेजेश्वरबाबु ग्वंगः न कृतिया व जीवनया अर्थवोध बारे खँ तयादीगु खः। स्वगु हे कृतिया समिक्षा डा. गीता त्रिपाठी, साहित्यकार गोपीकृष्ण ढुंगाना व प्राडा. कुमार कोइरालापिन्स यानादीगु खः।

येँ हलिमयया दकलय् अप्पो वायु प्रदूषित सहरया धलखय् लागु दु। बुधवाः व बिहीवाः वाः वया प्रदूषण घटे जुगु भलसा काउगु खःसा अथे प्रदूषण घटे जुइमफुगु दु।

देयान्यक वायु प्रदूषणया मात्रा मापन याइगु एयर क्वालिटी इन्डेक्स (एक्यूआई) या तथ्याङ्क कथं येँ दकलय् अप्पो प्रदूषणया धलखय् १ नम्बरय् लागु दु सा २ नम्बरय् बङ्गलादेशया ढाका लागु दु।

अथेहे भारतया कोलकाता ३ नम्वरय् लागु दु। येँया एयर क्वालिटी इन्डेक्स १७८ य् दु। थ्व स्वास्थ्यया लागि अस्वस्थकर माने यायेगु याइ। बङ्गलादेशया एयर क्वालिटी इन्डेक्स १५८ य् दु।

अथेहे भारतया कोलकाताय् एयर क्यालिटी इन्डेक्स १५४ य् दु। १५० तक एयर क्वालिटी इन्डेक्सयात सन्तोषजनक माने याइ। २०० तक अस्वस्थ व २०१ निसे ३०० तक तसकं अस्वस्थ नाप ३०१ स्वया अप्पो आपत्कालीन अवस्था माने याइ।

राष्ट्रपति रामचन्द्र पौडेलं टोखा नगरपालिकास्थित सपनतीर्थय् पूजा यानादीगु दु।

राष्ट्रपति पौडेलयात येँ क्षेत्र नं ५ या सांसद प्रदीप पौडेल, टोखा नगरपालिकाया प्रमुख प्रकाश अधिकारी, उपप्रमुख मुरारी तामाङ, प्रमुख प्रशासकीय अधिकृत शेरबहादुर विसी, सपनातीर्थ क्षेत्र विकास समितिया अध्यक्ष देवराज डंगोलपिन्स लसकुस यानादीगु खः। थौ सपनतीर्थय् तःजिक मेला न्ह्याइगु दिं खः।

सपनतीर्थय् मेला नाप टोखाय् विस्का नखः (जात्रा) न सुरु जुगु दु। उगु जात्रा वैशाख ४ गते तक न्ह्याइ।

जिल्ला प्रशासन कार्यालय, येँ न थौ बैसाख १ गते निसे फिब्बः ख्यः (माइतीघर मण्डला) निसे बानेश्वर तक निषेधाज्ञा तयातःगु चिइकूगु दु।

सुरक्षा समितिं म्हिगः च्वंगु बैठकं थौ वैशाख १ गते निसे लागू जुइगु कथं फिब्बः ख्यःनिसे बानेश्वर (कृष्ण टावर) तक निषेधाज्ञा चिइकेगु निर्णय याःगु खः।

वंगु मंसिरनिसे स्थानीय प्रशासनं निषेधाज्ञा जारी याःगु खः। न्हापां निलाया निति धाउगु खःसा पटक पटक थपे याना निषेधाज्ञा जारी यानाच्वंगु खः।

अथेहे उगु थासय् तोडफोड यातधाःसा क्षतिपूर्ति याकेगु न निर्णय यागु दु। स्थानीय प्रशासन ऐनय् सार्वजनिक वा व्यक्तिगत सवारी, घर वा सम्पत्ति तोडफोड, आगजनी वा लुटपाट यानां क्षति यात धाःसा प्रमुख जिल्ला अधिकारीें कसूर स्वया १० हजार तक जरिवाना वा खुला तक कैद वा निगुलि हे सजाय व हानी नोक्सानीया बिगो असुल याना बिगो बराबर जरिवाना यायेगु फइगु कानुनी व्यवस्थाय् दु।