चलचित्र विकास बोर्डया न्हुम्ह अध्यक्ष दिनेश डिसीं थौ सोमवाः पदभार ग्रहण याःगु दु। कार्यकक्षय् दुहा वनेवं हे श्रीमद् भागवत् गीतायात भायाना संस्कृतया मन्त्रोच्चारण याःगु खः।

वया लिपा छगु संकिपाया निर्माण इजाजत पत्रय् ल्हाःचि तयादीगु खः।संचारकःमित नाप खँ ल्हायेगु झ्वलय् डिसिं थः जागिर खान नयेत वइगु मखु ज्या यायेत वयागु खँ धका धयादीगु खः।

वयकलं थः, ‘न्ववायेगु ज्या यक्को याये धुन। न्ववाना हे संकिपा निर्देशन, निर्माण याये धुकगु दु। संकिपाताय् म्हित्यः धुकगु दु।थुगु पटक चाहिं जि ज्या यायेत वयाःगु खः। थुगु पटक जिगु छगु हेस्टेटमेन्ट, जि जागिर नयेत वयागु मखु, ज्या यायेत वयागु खः।’ उगु ज्याझ्वलय् वयकलं कर्मचारीतय्त छु निर्देशन तक बिउगु दु।

डिसी चलचित्र विकास बोर्डया चावहिलय् ज्याकूथि थ्यःगु इलय् बोर्डया कर्मचारी व चलचित्रकःमिपिन्स न लसकुस याःगु खः। डिसियात लसकुस यायेत बोर्डया हलय् छगु ज्याझ्वः न याःगु खः।

सतक व खुसिया मापदण्ड पीडित संघर्ष समितिं येँय् छगू प्रदर्शन याःगु दु।

शान्तिबाटिकां ¥याली याना येँ महानगरपालिकाया ज्याकू काठमाडौं प्लाजाय् वनाः ध्यानाकर्षण पौ लःल्हाःगु दु। संघर्ष समितिं येँ महानगरया मेयर बालेन साहयात हे पौ बीगु कुतः याःगु खःसां ज्याकुथिइ मदुगुलिं प्रमुख प्रशासकीय अधिकृत प्रदीप परियारयात नापलानाः ध्यानाकर्षण पौ ब्युगु दुुु।

शुरुइ परियारं नं नापलायेत अस्वीकार याःगु खःसा लिपा न्याम्ह जक मनू तयाः खँ ल्हायेत सहमत जूगु खः । संघर्ष समितिया संयोजक सुमन साय्मिं कनादीकथं ध्यानाकर्षण पतिइ खुसि सम्बन्धी मापदण्डया फैसलायात छुं हे अध्ययन मयासे महानगरं समर्थन याःगलि उगु फैसला विरुद्ध महानगर हे पुनरावलोकनय् वनेत इनाप यानातःगु दु।

प्रधानमन्त्री केपी शर्मा ओलीं नेपाल बाल सङ्गठन (बाल मन्दिर) देयन्यक दुगु भौतिक सम्पतिया बालाक्क संरक्षण व उपयोग यायेत निर्देशन बिउगु दु।

उगु सङ्गठनया पदाधिकारपि नाप जूगु प्रधानमन्त्री नाप मन्त्रिपरिषदया कार्यालय, सिंहदरबारय् जूगु सहलहय् प्रधानमन्त्री ओलीं गुलि दु उलि जग्गा, भवन वण् सम्पति दु व फुक्कं सुरक्षाया निति न्ह्याक्क हे थाकुगु पलाः ल्ह्वलेमाः धका धयादीगु दु।

न्हुम्ह नियुक्त जुम्ह मुख्यसचिव एकनारायण अर्याल, कानुन, न्याय लिसे संसदीय मामिला मन्त्रालयया सचिव फणिन्द्र गौतमपि नाप जूगु सहलय ज्याझ्वलय् प्रधानमन्त्री ओलीं धयादीगु दु, “बाल मन्दिरया जग्गाय् मेपिन्स अतिक्रमण याःगु व नियमबमोजिम बालं कायेगु निति सम्झौता मयासे च्वपि दु सा उकियात याकन नियन्त्रण यायेमाः।

धनी पूर्जाविना ताः ईतक सङ्गठनं भोगाधिकार याना वयाच्वंगु उगु जग्गा सङ्गठनया नामय् हयेमाः।’’ प्रधानमन्त्री ओलीं सङ्गठनया न्हुगु विधान स्वीकृतिया निति मन्त्रिपरिषदय् हयेत, सङ्गठनया जिम्माय् दुगु मस्तय्त सन्तुलित आहार, बालागु लं व मतिना नाप गुणस्तरीय शिक्षा बिइत इनाप याउगु दु। “बाल सङ्गठनया मस्त न्ह्याम्हे जूसा उमित बालागु सुविधा बिइमाः। उपि स्वस्थ्य जुइमाः। बालागु शिक्षा नाप मतिना यायेमाः।उकिया निति सरकारं माःगु ग्वहालि याइ।’’

सङ्गठनया अध्यक्ष विद्या न्यौपाने न विशिष्ट सङ्गठन बालागु म्हसिका नाप परिमार्जित व आधिकारिक विधान स्वीकृत यायेत, बजेटया व्यवस्था यायेत, जग्गा जमिनया संरक्षण यायेत, जन्मदार्ता व नागरिकता कायेत समस्या जूपि मस्तय्त माःगु कथं सहजीकरण यायेत सरकारयाके इनाप यानादीगु खः।थौकन्ह्यः थुगु सङ्गठनय् स्वसः स्वया अप्पो मस्त च्वना च्वंगु दु।

प्रधानमन्त्री निवास, बालुवाटारय् ‘पिपल्स लाइब्रेरी’ सञ्चालनय् वःगु दु।प्रधानमन्त्री केपी शर्मा ओलीया जहान राधिका शाक्यया कुतलं राष्ट्रिय पुस्तकालय दिवसया लसताय् उगु सफूकुथि सञ्चालनय् वःगु दु।

‘पिपुल्स लाइब्रेरी’ च्वमि व ब्बमिपिन्स थःत यःगू सकारात्मक सन्देशयुक्त कृति ल्हाःचि तया लःल्हायेत शाक्यं निवाः न्ह्यः सार्वजनिक इनाप यानादीगु खः।उगु इनाप कथं सफू देछाइपि वयाच्वंगु दु।

प्रधानमन्त्री निवासय् हाकन निर्माणया झ्वलय् सफूकुथिया संरचना दु सा आःतक छ्यला बुलाय् वयाच्वंगु मदुनि।सफूकुथि न्ह्याकेगु निति प्रधानमन्त्री केपी शर्मा ओलीं थः जहान शाक्यया कुतलं न्ह्याकूलि सुभाय् देछानादीसे न्हापा न्हापा ज्ञानया बैँक कथं सुफूकुथि न्ह्यानाच्वंगु खः धका धयादीुगु खः।

सफूकुथि औपचारिक कथं तत्कालीन जुगु गृवाणयुद्धविक्रम शाहयात न लुकादीगु खः।वयकलं थुगु सफूकुथियात दकलय् बालागु सफूकुथि यायेगु कुतः जुइमाः धका धयादीगु खः।

प्रधानमन्त्री केपी शर्मा ओलीं सार्वजनिक–निजी साझेदारीया कथं सञ्चालन जुयाच्वंगु गैह्रनाफमूलक ‘काठमाण्डुु इन्स्टिच्युट अफ चाइल्ड हेल्थ’ न बाल स्वास्थ्य ख्यलय् याना च्वनागु ज्याया जानकारी बियादीगु दु।

प्रधानमन्त्री लिसे मन्त्रिपरिषदया कार्यालय, सिंहदरबारय् संस्थाया अध्यक्ष डा भगवान कोइराला, राष्ट्रिय योजना आयोगया उपाध्यक्ष प्राडा शिवराज अधिकारीपिन्स सहलह जुगु ज्याझ्वलय् प्रधानमन्त्री ओलीं इच्छाशक्ति दु सा सुरुइ ध्यवा मदुसा ज्या याये फु धइगु थुगु संस्थां क्यंगु दु धका धयादीगु दु।

वयकलं बिरामीयाके ध्यवा मदुसा याउक उपचार यायेगु वातावरणया निति थुगु संस्थाया बिचाः तसक च्वछाय् बहजू धका धयादीगु खः।

उगु संस्थां झापाया दमकय् सुविधासम्पन्न बाल अस्पताल सञ्चालनय् हये धकुगु दु सा बुढानीलकण्ठ–७, बाँसबारीइ बाल अस्पताल सञ्चालन यायेत ३० दँया निति ४१ रोपनी जग्गा नेपाल सरकारं बालं बिइत्यःगु खः।