सञ्चार लिसे सूचना प्रविधिमन्त्री पृथ्वीसुब्बा गुरुङं देशय् वःगु उपलब्धियात संरक्षण यानाः थप उपलब्धिया नितिं न्ह्यःने वनेमाः धका धयादीगु दु।

नेपाल आदिवासी पत्रकार महासंघ फोनिजं आइतबाः येँ नीन्यादँ फुना नीखुदँ दुगु लसताय् जुगु ज्याझ्वलय् सम्बोधन यासें वय्कलं अथे धयादीगु खः। ताःहाकःगु संघर्षपाखें प्राप्त जूगु उपलब्धीयात सुरक्षित यायेगु थौंया आवश्यकता खः धका जूगु वय्कलं धयादीगु दु। मन्त्री गुरुङं धयादीगु दु, “आदिवासी जनजाति व ल्यूने लाःगु वर्गया नितिं विशेष व्यवस्था मजुल ला?” व आदिवासीत गनं वःगु खः? थ्व उपलब्धिया रक्षा थुकी हे दनाः यायेमाःगु खः।

थ्व संविधान बिउगु छगू तःधंगु उपलब्धि खः।” वय्कलं संघीय लोकतान्त्रिक गणतान्त्रिक संविधान तःधंगु उपलब्धी जूगु धयादिल। सरकारया प्रवक्ता तकं जुयादीम्ह मन्त्री गुरुङं दच्छिया दुने फुक्क सरकारी संचार माध्यमय् न्हूगु नीति हयेगु खँ धयादीगु दु। वय्कलं धयादीगु दु, “दच्छिया दुने न्हूगु नीति दयेकेगु जुइ। संघीय लोकतान्त्रिक गणतान्त्रिक संरचना कथं नीति दयेकातःगु खः। सूचना प्रविधिया विकासलिसें मानव सभ्यता व विकास यक्व न्ह्यःने वंगु दु। वय्कलं न्हूगु नीति व कानून दयेकेगु प्रक्रिया न्ह्यायेधुंकूगु खँ कनादी । वइगु स्वदँ प्यदँया दुने डिजिटल नेपालया ज्या नं न्ह्यःने वंगु मन्त्री गुरुङं धयादीगु दु।

प्रेस काउन्सिल नेपालया नायः बालकृष्ण बस्नेतं भिंतुना न्वचु तयेगु झ्वलय् महासंघं सामाजिक व राजनीतिक आन्दोलनय् सहयोगी भूमिका म्हितूग दु धका धयादिल । वय्कलं परिपक्व पत्रकारिता लोप जुजुं वनाच्वंगु खँ न्ह्यथनादिसें फोनिज न वास्तविक पत्रकारया ल्याः अप्वयेके माः धका धयादीगु खः।

उगु ज्याझ्वलय् गेलजे लामा शेर्पा, नेपाल आदिवासी आयोगया नायः रामबहादुर थापामार, नेपाल पत्रकार महासंघया नायः विपुल पोखरेल, फोनिजया पुलांम्ह नायः खिम घले, दण्ड गुरुङ, चन्द्रसिंह कुलुङ, फोनिजया संस्थापक नायः, सविन प्रियासन, उपाध्यक्ष प्रेस चौतारी नेपाल, दिलीप पौडेल, नेपाल प्रेस युनियनया महासचिव, सन्तोष सन्तोष, प्रेस सेन्टर नेपालया महासचिव, फोनिजया बरिष्ठ उपाध्यक्ष लक्की चौधरी, बरिष्ठ सिनेपत्रकार विजयरत्न तुलाधर, खीमा गुरुङ, नेवाः पत्रकार राष्ट्रिय दबू नायः नृपेन्द्र लाल श्रेष्ठ पिन्स फोनिजया रजत दँया लसताय् भिंतुना बियादीगु खः।

फोनिज रजत दँया लसताय् जुगु उगु ज्याझ्वलय् फोनिज राष्ट्रिय पत्रकारिता सिरपा २०८१ पाखे नेपाल टेलिभिजनया समाचार प्रमुख पुष्पहरी क्याम्पा राई व विजयरत्न तुलाधरयात व दाङ पिहावइगु थारु मातृभाषाया पत्रिका लौव अग्रसनयात लःल्हागु खः। पत्रिकाया सम्पादक सन्तोष दहितयात राष्ट्रिय मातृभाषा पत्रकारिता पुरस्कार २०८१ पाखे सम्मानित याःगु खः। वय्कःपिन्त २५ हजार नगद व दसिपौ बियाः सम्मान याःगु खः।

अथे हे गोरखा रेडियोया खिमा गुरुङ (कास्की), सतेन्द्र जाबेगु (इलाम), व विष्णु तामाङ (येँ)यात फोनिज राष्ट्रिय पत्रकारिता सिरपाः २०८१ लःल्हाःगु खः। वय्कःपिंत २० हजार नगद सिरपाःलिसें हनापौ लःल्हाःगु खः। अथेहे उकथं निम्ह पत्रकारपिन्त फोनिज मलेसिया अवार्ड २०८१ पाखें सम्मानित याःगु खः।

गोरखापत्र दैनिक पाल्पाया रिपोर्टर रेखिराम राणामगर व पर्साया पत्रकार पूनम महतो थारुयात सम्मानित याःगु खः। दसिपौलिसें झिद्वः तका दांया सिरपाः लःल्हागु खः। थुगु सिरपा फोनिज मलेसियां पलिस्था याःगु खः।

नेपाल भ्रमणय् वयाच्वंम्ह भारतीय विदेश सचिव विक्रम मिश्रीं उपप्रधान लिसे शहरी विकासमन्त्री प्रकाशमान सिंहयात नापलागु दु।

सोमवाः सुथय् शहरी विकास मन्त्रालयय् वना नापलायेगु झ्वलय् मिश्रीं उपप्रधानमन्त्री सिंह कार्यकाल ताः लायेमा धका भितुना देछानादीगु खः।

नापलायेगु झ्वलय् शहरी विकास, फोहोरमैला व्यवस्थापन, बागमती, विष्णुमती लगायतया खुसिइ स्वच्छ यायेगु विषय नेपाल–भारत दथुइ यायेफइगु सहकार्यया विषय न सहलह जुगु खः।

उपप्रधानमन्त्री सिंहं स्वच्छ भारत अभियान व गंगा खुसिइ सफाइया अनुभव व प्रविधि नेपालय् न उपयोगी जुइफइगुलि सहकार्यया लागि इनाप यानादीगु खः।

अथे हे, मन्त्री सिंहं नेपाली नागरिकयात वयेगु वनेगुलि समस्या जुयाच्वंगुलि महाकाली खुसिइ ताँ दयेकेगु निति भारतया सहजीकरण मदये मगाः धका धयादीगु खः।

विदेश सचिव मिश्रीं नेपाःया शान्ति, स्थायित्व व समृद्धिया निति भारतया न्ह्यावलये ग्वाहालि दइ धका धयादीगु खः।

प्रधानमन्त्री केपी शर्मा ओलीं भारतीय प्रधानमन्त्री नरेन्द्र मोदीयात नेपाल भ्रमण वयेत निमन्त्रणा बियादीगु दु।

भारतीय विदेश मन्त्रालयया सचिव विक्रम मिश्रीपाखे प्रधानमन्त्री ओलीें समकक्षी मोदीयात नेपाः भ्रमणयात निमन्त्रणा बियादीगु दु।

भारतया विदेश मन्त्रालय सचिव विक्रम मिश्रीं प्रधानमन्त्री केपी शर्मा ओलीयात नापलागु दु। सिंहदरबारय् म्हिगः न्हिनय् ओली व मिश्रीया दथुइ नापलायेगु ज्या जूगु दु।

म्हिगः आइतवाः सुथय् येँ वःम्ह विदेश सचिव मिश्रीं प्रधानमन्त्रीयात ग्यालरी बैठकय् नापलागु खः। नेपालय् कांग्रेस–एमालेया गठबन्धन सरकार लिपा थ्व न्हापाम्ह भारतं वगु उच्चस्तरीय भ्रमण खः।

नेपाः भ्रमण यायेगु झ्वलय् वयकलं नेपाल–भारतया सम्बन्ध विस्तार व निगु पक्षिय् सहमतिया थीथी विषय सहलह जूगु दु धका परराष्ट्र मन्त्रालयं धाःगु दु।

विदेश सचिव मिश्री साउन २८ गते थौ भारत लिहावनिइगु ज्याझ्वः दु।

नेपाल आदिवासी जनजाति पत्रकार महासंघ(फोनिज) या गुक्वःगु संघिय समिति बैठक म्हिगः क्वचाःगु दु।

म्हिगः जुगु उगु मुज्यां मातृभाषा पत्रकारिता बिकास यायेगु नाप आःतक कार्यबाहक महासचिव जुयाच्वनादीम्ह समिर बलामीयात महासचिवय् नियुक्ति यायेगु निर्णय सर्वसम्मतं पारित यागु दु।

थ्व स्वया न्ह्यः महासचिव जुयाच्वनादीम्ह महासचिव मिलन लिम्बु वंगु उप निर्वाचन उम्मदवारी जुइगु निति वयकलं राजिनामा बियादीगु खः।