मिर्मिरे लघुवित्त वित्तीय संस्था लिमिटेडं थौं असोज २५ गते बिहीवाःनिसे धितोपत्रया थप सार्वजनिक निष्कासन (एफपीओ) य् आवेदन माग याःगु दु।

कम्पनी मर्जरलिपा संस्थापक व साधारण सेयर संरचना मिले याना एफपीओ जारी याःगु खः। बैंक नाप वित्तीय संस्थासम्बन्धी ऐन २०७३ या दफा ९ बमोजिम सर्वसाधारणया पूँजी संरचना ३० प्रतिशत कायम एफपीओ जारी यानागु धका कम्पनीं उल्लेख याःगु दु।

लघुवित्तं छगू सेयर १०० रुपैयाँया भाः तया १ करोड २३ लाख ८१ हजार ६४५ रुपैयाँ बराबरया १ लाख २३ हजार ८१६.४५ कित्ता सेयरया लागि आवेदन माग याःगु खः। एफपीआया लागि लगानीकर्ता तय्सं असोज ३० गते आवेदन बिःगु खः। उगु इलये न माग कथं आवेदन मवसा कात्तिक ९ गते तक ई तयातःगु दु।

लघुवित्तया एफपीओ निष्कासनया लागि धितोपत्र निष्कासन लिसे बिक्री प्रबन्धकय् नेपाल एसबिआई मर्चेन्ट बैंकिङ लिमिटेडयात नियुक्त याःगु दु।

सिद्धार्थ बैंकं सेयरधनी तय्त ४.२१ प्रतिशत नगद लाभांश बिइगु जूगु दु।

२४ असोज बुधवाः च्वंगु बैंक सञ्चालक समितिया बैठकं आर्थिक वर्ष २०७९÷८० या मुनाफापाखे सेयर धनी तय्त लाभांशय् तुइगु कर प्रयोजनायात लागि तक उगु लाभांश प्रस्ताव याःगु खः।

बैंकं प्रस्तावित लाभांश नेपाल राष्ट्र बैंकया स्वीकृति व वइगु वार्षिक साधारणसभापाखे पारित जुइ धुका सेयर धनी तयेत वितरण याइगु खः।

युद्धग्रस्त इजरायलपाखे नेपाःमि तय्त थौं नेपाल एयरलाइन्सय् येँ हइगु जूगु दु।

नेपाल वायुसेवा निगमया ’एननाइन एलवाइजेट’ कलसाइनया वाइडबडी  ए–३३० जहाज थौं सुथय् ४ बजे इजरायलया लागि ब्बःगु दु धका निगमया प्रवक्ता रमेश पौडेलं जानकारी बिःगु दु।

उगु जहाज बहनि ९ः१० बजे त्रिभुवन अन्तर्राष्ट्रिय विमानस्थलय् अवतरण याइगु जुगु दु। जहाजय् परराष्ट्र मन्त्री एनपि साउद व मन्त्रालयया सहसचिव शरदराज आरण न इजरायलय् वंगु दु।

युद्धग्रस्त क्षेत्रपाखे लिहावय्त ३५० स्वया अप्पो नेपाली विद्यार्थी तय्सं फाराम बिःगु दु।

नेपाः व जर्मनी दथुइ श्रम समझदारी जूगु दु। जर्मनीया नागरिकसरह सेवा सुुविधा दइगु कथं नेपालपाखे प्रशिक्षार्थी श्रमिक यकिइगु विषय नेपाः व जर्मनी सरकार दथुइ द्विपक्षीय श्रम समझदारीइ ल्हाःचिं तःगु दु।

जर्मनीइ जूगु औपचारिक ज्याझ्वलय् नेपाल सरकारपाखे श्रम, रोजगार लिसे सामाजिक सुुरक्षामन्त्री शरतसिंह भण्डारी व जर्मनी सरकारपाखे अनया मानव संसाधन मन्त्रालयका उच्च प्रतिनिधि दथुइ नेपालं शून्य लागतय् प्रशिक्षार्थी श्रमिक यकेगु विषयय् समझदारीपत्रय् ल्हाःचिं तःगु खः।

व स्वया न्ह्यः शुक्रवाः युरोपेली देश रोमानियानाप श्रममन्त्री भण्डारी नेतृत्वया उच्चस्तरीय टोलीं द्विपक्षीय श्रम समझदारीपत्रय् ल्हाःचिं तःगु खः। श्रम समझदारी कथं जर्मनीइ रोमानियाय् थे न्ह्या थे यानासां श्रम स्वीकृति मजुसे अनलाइन प्रणालीपाखे आवेदन माग याना दच्छिया दुने प्रशिक्षार्थीया कथं जर्मनी वने फइ।

जर्मनीइ वनिपि प्रशिक्षार्थी श्रमिकं थःगु रुचि व क्षमताया कथं सिप सय्का पास जुलकि जक सम्बन्धित क्षेत्रय् ज्या यायेफइगु समझदयारीपत्रय् उल्लेख याःगु दु।

फम्पिय् हरिशंकर जात्रा न्ह्यागु दुु। हरिशंकर जात्रा एकादशीया न्हिं कुन्हु न्यायेकेगु याइ ।

पुलांगु वस्ती फपिंया न्हयेगु त्वाः ठल्कु, यल्खु, कोछु, कोटाल, कोठेप, ठथेप व टिपी त्वालय् थःथःगु परम्परायात कथं दक्षिणकाली, इन्द्रायणी, महादेव, कुमारी, नारायण, महालक्ष्मी खः जात्रा न्यायेकुगु खः ।

लबाराहीया खः दयेका पूजा यानाः फपिय् बजाः चाहिका तःजिक जात्रा हनिइगु याइ। कृष्ण द्वादशीया दिं फपिय् जुइगु जात्रायात विशेष महत्वयात कथं काय्गु याइ ।