नेवाः मिसा ग्वहालि पुचः येँ महानगरपालिका १३ वडा व १५ वडाया ग्वसालय् थौं स्वयम्भुइ थः मस्तनाप मां भांसं खँल्हानादी धइगु नारा तया प्लेकार्ड प्रदर्शन याःगु दु।

प्लेकार्ड प्रदर्शन ज्वना तःगुलि झीगु आदिभुमि येँ देय्यात नेवाः सास्कृतिक स्वायत्त क्षेत्र दय्के नु, झी नेवाः जुयागुया गौरव तायेके, नेवाः नेवाः छधी छपँ जुये नारा ज्वना बिष्णु चित्रकार, गोर्की श्रेष्ठ, बिद्या चित्रकार, चेतना श्रेष्ठ, लोकह्वाम्ह गायिका रोजी श्रेष्ठ डंगोल श्रेष्ठपि लगायतपि ब्बति काःगु खः ।

झिंखुक्वःगु पुस्तकालय दिवसया लसताय् आशा सफूकुथियात थुगु दँयात उत्कृष्ट पुस्ताकालय सम्मान लःल्हाःगु दु ।

झिंखुक्वःगु पुस्तकालय दिवसया लसताय् जूगु उगु ज्याझ्वलय् शिक्षा मन्त्री अशोक राई न उगु सम्मान लःल्हानादीगु खः । थुगु सम्मान दँय्दसं नेपाल सरकारं हे लःल्हायेगु याना वयाच्वंगु खः ।

थ्वहे झ्वलय् नेपाल सरकारं उत्कृष्ट घोषणा याःगु पुस्तकालययात येँया रत्न पुस्तकालयपाखें ५०,००० (न्यय्द्वः) तकाया सिरपाः बीगु ग्वसाः कथं आशा सफूकुथियात उगु न्यय्द्वः तका दां नं लःल्हाःगु खः ।

थ्व दां सिरपाः बीगु व्यवस्था थ्वहे दँनिसें तिनि शुरु जूगु खः । शिक्षा मन्त्रालयय् जूगु ज्याझ्वलय् आशा सफूकुथि गुथिया उपाध्यक्ष काशिनाथ तमोटं उगु सिरपाः व सम्मान लःल्हानाः कयादीगु खः ।

आशा सफूकुथि नेपालय् जनस्तरं पलिस्था यानातःगु छगूया छगू जक अभिलेखाय (आर्काइभ) खः । भाषानिभाः प्रेमबहादुर कसाःजुं थः अबु आशामान कसाःया नामं थ्व सफूकुथि पलिस्था यानादीगु खः ।

सन नेपाल लाइफ इन्स्योरेन्स कम्पनी लिमिटेडया प्राथमिक सेयर आईपीओ बाँडफाँट याःगु दु।

धितोपत्र निष्कासन लिसे बिक्री प्रबन्धक नेपाल एसबिआई मर्चेन्ट बैंकिङं थौं शुक्रवाः सुथय् कम्पनी याःगु आईपीओ बाँडफाँट याःगु खः।

कम्पनीं नेपाल धितोपत्र बोर्डपाखे जारी पूँजी ३ अर्ब २० करोडया ३० प्रतिशत जुइगु कथं ९६ करोड बराबरया ९६ लाख कित्ता साधारण सेयर निष्कासन यायेगु स्वीकृति बःगु खः। कम्पनीं छगु कित्ताया १०० रुपैयाँ भाः दुुगुलि १३९ रुपैयाँ प्रिमियम थप याना जम्मा भाः २३९ रुपैयाँ छगू कित्ताया साधारण सेयर निष्कास यायेत स्वीकृति बिःगु खः।

उकि मध्ये ९ लाख ६० हजार कित्ता नेपाल सरकारया सम्वन्धित निकायपाखे श्रम स्विकृती कया वैदेशिक रोजगारीइ वनाच्वपि नेपाःपिन्त, ४ लाख ८० हजार कित्ता सेयर सामूहिक लगानी कोषयात व कम्पनीइ ज्या यानाच्वपि कर्मचारीपिन्त छगू कित्ता १०० रुपैयाँ भाः दुगु ४ लाख ८० हजार कित्ता सेयर निष्काशन नाप बाँडफाँट याये धुकुगु दु।

ल्यः दुगु ७६ लाख ८० हजार कित्ता साधारण सेयरया लागि कम्पनीं साउन ३२ गते निसे ४ भदौ तक आवेदनया माग जूगु खः। उगु इलय् आवेदन बिउपिनिगु आवेदक थौं शुक्रवाः सेयर बाँडफाँट जूगु बिक्री प्रबन्धक नेपाल एसविआई मर्चेन्ट बैंकिङं याःगु खः।

कम्पनीं सर्वसाधारणया लागि छुटे यागु याःगु सेयरया लागि १४ लाख ६६ हजार ८६२ योग्य आवेदक मध्येपाखे गोलाप्रथाया माध्यमं ७ लाख ६८ हजार आवेदकपिन्त १० कित्ताया दरं ७६ लाख ८० हजार कित्ता सेयर बाँडफाँट याःगु खः। 

यलय् थौं मतयाः शुरु जुगु दु। मतयाः थौं सुथय् ४ बजे सौगलं न्ह्यागू खः।

दँये दसं सायाःया कन्ह्यः कुन्हु यलय् मतयाः सुरु जुइगु याइ । सौगलं शुरु जूगु मतयाः चिकंबहिल, टङ्गं, लगंख्यः, हखबहाः, पूर्णचण्डी, बुबहाः, गाःबहाः, नबहील, श्रीबहाः, नःत्वाः, पुल्चोक, नागबहाः, कोबहाः जुया सौगलय् थ्यकां क्वचाइगु याइ।

अथेहे मतःया कुन्हु यलया पूच्वो, लगंख्यः, ग्वार्कोया नापं प्यंगू थुर चाःहिलिइगु याइ।

चीननाप याःगु उत्तरी नाका तातोपानी नाका थौंनिसे चालिइगु जुगु दु। तिब्बतस्थित नेपाली महावाणिज्य दूतावासया कथं चिनियाँ अधिकारीपि नाप च्वंगु बैठकं उगु नाकापाखे वयेगु वनेगु नितिचायेगु निर्णय याःगु खः।

२०७२ सालय् भुखाय् ब्बःगु व वयालिपा कोरोना भाइरस महामारीया कारण तातोपानी नाका पूर्णरुपं बन्द याःगु खः। थौं शुक्रवाः निसे नाका सञ्चालनय् हयेगु समझदारी जूगु दु धका महावाणिज्यदूत नवराज ढकालं जानकारी बिःगु दु।

समझदारी कथं नाकाय् यात्रुपिन्त वयेगु वनेगु खुल्ला यायेगु धाःसा आःया लागि स्थानीयपिन्त जक चाय्के त्यःगु खः।