काठमाडौं मोडल स्कूलं शिक्षासेवी नातिकाजी महर्जनयात छगु ज्याझ्वः दथुइ सम्मान याःगु दु।

येँया जमःस्थित राष्ट्रिय नाचघरय् जूगु स्कूलया दिक्षान्त समारोहय् प्रभात मा.वि. या पूर्व शिक्षकलिसें मोडल स्कूल व्यवस्थापन समितिया पूर्व नायः महर्जनयात हंगु खः।

उगु ज्याझ्वलय् ज्ञानोदय मा.वि. या पूर्व प्रधानाध्यापक नातिकाजी महर्जनं शिक्षासेवी महर्जनयात हनादिल । पूर्व प्रधानाध्यापक महर्जनं दोसल्ला न्ययेकादिल सा स्कूलया निर्देशक राजेन्द्र महर्जनं हनापौ लःल्हानादिल। ज्याझ्वलय् स्कुलया पूर्व प्राथमिक तह, आधारभूत तह व माध्यमिक शिक्षा परीक्षा ताःलाःपिं विद्यार्थीतयत नं सम्मान याःगु खः।

उगु हे ज्याझ्वलय् स्कूलया शिक्षकतयत दीर्घ सेवा सम्मान नं ब्यूगु खः। स्कूलया निर्देशक राजेन्द्र महर्जनं किताबी आखः जक स्वयां व्यवहारिक ज्ञान, नैतिक शिक्षा मचातयत बीगु नितिं शिक्षक व अभिभावकं कुतः यायेमाःगुलिइ बः बियादिल ।

ज्याझ्वलय् स्कूलया विद्यार्थीतयसं शिव ताण्डव, के पप, फ्लेमिङ्गो, मार्सल आर्ट डेमो, अर्केस्ट्रा लिसेंया न्ह्यब्वया न्ह्यब्वःगु खः।

राष्ट्रिय सभा सदस्य डा. अञ्जान शाक्यं थौ शपथ ग्रहण याःगु दु। राष्ट्रिय सभाया अध्यक्ष नारायणप्रसाद दाहालं थौ आइतवाः सिंहदरबारय् छगु ज्याझ्वः दथुइ शाक्ययात पद व गोपनीयताया शपथ याकूगु खः।

शाक्ययात मन्त्रिपरिषदया सिफारिसय् राष्ट्रपति रामचन्द्र पौडेलं थ्व हे वंगु वैशाख ६ गते राष्ट्रिय सभाया सदस्य पदय् मनोनित याःगु खः।

सांसद शाक्ययात सांसद पदया लोगो हस्तान्तरण यासे राष्ट्रिय सभाया अध्यक्ष दाहालं भिंतुना बियादीगु खः।

बागमती प्रदेशया सरकारं तामाङ भाषा व नेपालभाषायात कामकाजी भाषा कथं लागू जूगु दिं बैशाख २४ गते येँया बसन्तपुरय् छगु ज्याझ्वः याइगु दु।

उगु ज्याझ्वलय् मूपाहाँ कथं प्रधानमन्त्री पुष्पकमल दाहाल प्रचण्डयात ब्वंगु दु। प्रधानमन्त्री प्रचण्डयात मूपाहाँ जुयाः ज्याझ्वलय् ब्वति कायेगु नितिं थौं आइतवाः बागमती प्रदेशया मुख्यमन्त्री शालिकराम जम्मरकट्टेल व संस्कृति पर्यटन लिसे सहकारी विकासमन्त्री शैलेन्द्रमान बज्राचार्यपिन्स ब्वनापौ लःल्हाःगु दु।

उगु ज्याझ्वः बैशाख २४ गते सुथसिया ७ ता इलय् बसन्तपुरय् मुनाः तामाङ व नेपालभाषा प्रदेश सरकारय् कामकाजी भाषा जूगु घोषणा ज्याझ्वः कथं सुथय् लसता ¥यालि पिकायेगु व पायछि ९ ता इलय् प्रधानमन्त्रीया मूपाहाँसुइ लसता ज्याझ्वः जुइत्यःगु दु।

केन्द्रीय मानन्धर संघया ३३ व ३४ क्वःगु मंकाः साधारणसभां सुवर्ण मान मानन्धरयात सभापतिइ ल्यःगु दु।

येँया थँहिटी मानन्धर गुठीया नायः ८८ दँया मानन्धरयात निदँया कार्यकालया लागि सर्वसम्मत ल्यःगु खः। संघया सभापति बाहेक कार्यसमितिया मेमेपि पदाधिकारी व दुजःपि प्यदँया लागि निर्वाचित जुइगु वैधानिक व्यवस्था दु। नेपालभाषा मंका खलःया हलय् जुगु उगु ज्याझ्वलय् बारा जिल्लाया प्रसौनी मानन्धर गुठीयात प्रतिनिधित्व याना संघय् सभापति जुयादीम्ह मनोज कुमार मानन्धरया कार्यावधि क्वचाःगुलि न्हुम्ह सभापतिया लागि निर्वाचन जुगु खः।

उगु निर्वाचन कमितिया संयोजकय् पञ्चकुमारी मानन्धर नाप दुजलय् डा. भगवानदास मानन्धर व ई अम्बर बहादुर मानन्धर च्वनादिगु खः।

अथेहे मपि पदाधिकारी व दुजः थुकथ दु

१ सभापतिः सुवर्ण मान मानन्धर

२) निवर्तमान सभापतिः गोपाल कृष्ण मानन्धर

३) उपसभापतिः बद्री नारायण मानन्धर

४) न्हेसः नायः अमोघ नारायण मानन्धर

५) सचिव गजेन्द्र मान मानन्धर

६) कोषाध्यक्षः राजेन्द्र मानन्धर

७) सहायक सचिव कृष्ण बहादुर मानन्धर

८) सहायक सचिव तुलसी काजी मानन्धर

९) सहायक कोषाध्यक्ष प्रकाश बहादुर मानन्धर

१०) सदस्य राजु मानन्धर

११) गजेन्द्र प्रसाद मानन्धर

१२) जुकाजी मानन्धर

१३) विजय कुमार मानन्धर

१४) शैलेन्द्र कुमार मानन्धर

१५)सुशीला  मानन्धर

१६) किरण कुमार मानन्धर

१७) कृष्णकाजी मानन्धर

महिला, बालबालिका लिसे ज्येष्ठ नागरिक मन्त्री भगबती चौधरीें आध्यात्मिक ज्ञानपाखे प्रशिक्षित मनूतय्स समाज व राष्ट्रयात सकारात्मक लँय् यकिइ धका धयादीगु दु।

ब्रह्मकुमारी राजयोग सेवा केन्द्र येँ न याःगु ‘स्वच्छ व स्वस्थ्य समाजया लागि आध्यात्मिक सशक्तीकरण’ छगु ज्याझ्वलय् सम्बोधन यानादीसे मन्त्री चौधरीं अथे धयादीगु खः। आध्यात्मिक ज्ञानपाखे प्रशिक्षित सू न मनूखं स्यकिइगु, नोक्सानी याइमखु धका वयकलं दाबी यानादीगु खः।

‘यदि आध्यात्मिक ज्ञानपाखे प्रशिक्षित राजनीतिज्ञ जूसा वं याःगु ज्या व रणनीति न समाजयात सकारात्मक स्वइगुलि विकासया लँय् न्ह्यावनिइ’, मन्त्री चौधरीं धयादीगु दु, ‘झी थःव थः हे अन्तर्द्वन्द्वय् दु। मनू–व्यक्तिमनू दथुइ, समुदाय दथुइ अन्तर्द्वन्द्व दु। धका धयादीगु दु। छम्ह मेपिन्स ल्युउने लाका थः न्ह्यने वनिइगु गलत प्रतिस्पर्धाया कारण समाज छु भचा मखु लँय् पाखे वनाच्वंगु दु अथे अज्यागु गलत मान्यता व अभ्यासयात थज्यागु ज्यापाखे न्ह्यावने फइ ।

वयलकं धयादीगु दु, ‘आःयागु समाजयात स्वयेगु खःसा छम्हेसिया मेम्हेसित ल्युउने लाका न्ह्यावना च्वंगु समाजं मखुगु लँय् व मखुगु बिचाः पाखे न्ह्या वनाच्वंगु खः।‘ ओम शान्तिया अभियान नेपालयक जक मखु हलियक हे न्ह्याय् माःगु धका धयादीसे वयकलं समुदाययात सकारात्मक खँपाखे प्रोत्साहन यासे मखु लँय् वनाच्वपि म्हो जुयावनिइ धका वयकलं धयादीगु खः।

ब्रह्मकुमारी राजयोग सेवा केन्द्र नेपाःया राष्ट्रिय निर्देशक राज दादी माँया सभाध्यक्षताय् उगु ज्याझ्वः जुगु खः।