नेकपा एमालें कन्ह्यः देयन्यक मदन–आश्रित स्मृति सभा याइगु जुगु दु। केन्द्रीय कार्यालयं मदननगर बल्खुइ स्मृति सभा याइगु धका केन्द्रीय कार्यालय सचिव डा.भिष्म अधिकारीं धाःगु दु।

‘कन्ह्यः देयन्यकय् च्वंगु कमिटीं मदन भण्डारी व जिवराज आश्रितया लुमन्तिइ विचाः गोष्ठी, वृक्षरोपण, सिमा पिइगु ज्या जुइ’, धका वयकलं धयादीगु दु।

केन्द्रीय कार्यालयं याइगु स्मृति सभाय् पार्टी अध्यक्ष केपी शर्मा ओली नाप पूर्वराष्ट्रपति विद्यादेवी भण्डारी बल्खु वनिइगु ज्याझ्वः दु। सुथय् ७ः३० बजे सुरु जुइगु उगु ज्याझ्वलय् एमालेया केन्द्रीय नेतापि, स्थानीय कमिटीया नेतापिन्त ब्बति कायेत निर्देशन बिःगु दु।

उच्च अदालत, यलया न्यायाधीशपि सुदर्शनदेव भट्ट व अञ्जु उप्रेती ढकालया इजलासं जिल्ला अदालत, येँया फैसला उलट्य यासे सफाइ बिःगु दु धका प्रवक्ता विमल पराजुलीं जानकारी बिःगु दु।

जिल्ला अदालतं सन्दिपयात बलात्कार मुद्दाय् दोषी ठहर यासे च्यादँ व न्यागु लाख जरिवाना यायेगु फैसला बिःगु खः। वःगु ५ गते भदौ २०७९ य् सिनामंगलस्थित छगु होटल तया बलात्कार याःगु धका लामिछानेविरुद्ध पीडित (गौशाला २६) न भदौ २१ गते जाहेरी बिःगु खः।

बन्द प्रशिक्षणय् च्वना च्वम्ह सन्दीपं ताहाचलस्थित हायात प्यालेस होटलं पिहावया गौशाला २६ यात नगरकोटय् यकूगु खः। अन लिहा वया सिनामंगलस्थित छगु होटलय् च्वंगु खः। अन हे बलात्कार याःगु धका पीडितं धाःगु खः।

नेपाल संवतया आन्दोलन लिपाया उपलब्धीलिसें नेपाल संवतया सकतां विषयवस्तुयात कयाः राष्ट्रिय कार्यशाला गोष्ठी याइगु जूगु दु।

नेवाः देय् दबूया संयोजनय् नेपाल संवत न्हूदँ राष्ट्रिय समारोह समिति, नेपालभाषा मंकाः खलः, राष्ट्रिय विभूति शंखधर साख्वाः प्रतिष्ठान व नेपालभाषा मंकाः खलः यलया ग्वसालय् थथे राष्ट्रिय गोष्ठी जुइत्यंगु खः।

थुगु गोष्ठी येँय् यायेगु लिसें देय् न्यंक नेपाल संवतया न्हूदँ न्यायेकाः वयाच्वंगु खलः पुचःलिसें नेपाल संवत आन्दोलनय् आबद्ध व्यक्तिपिन्त ब्वनीगु जूगु दु।

अथेहे, थुगु राष्ट्रिय कार्यशाला गोष्ठीइ नेवाः न्ह्यलुवाः मल्ल के सुन्दरं नेपाल संवतयात कयाः कार्यपत्र न्ह्यब्वइगु जूगु दु।

सरकारं ज्येष्ठ नागरिकतय्त छेँय् हे स्वास्थ्य सेवा व वासः यायेगु व्यवस्था यायेगु घोषणा याःगु दु। राष्ट्रपति रामचन्द्र पौडेलं मंगलवाः संघीय संसदय् मंकाः बैठकय् सरकारं वइगु आर्थिक दँ २०८१÷८२ या नीति नाप कार्यक्रम प्रस्तुत यासे उगु नीति हयेगु जानकारी बिःगु दु।

ज्येष्ठ नागरिकतय्त स्वास्थ्य सेवा कायेगु निति थाकुगु अवस्थायात बिचाःयासे सरकारं थज्यागु नीति हइगु धका धाःगु दु। अथेहे शहीद दशरथ चन्द स्वास्थ्य विज्ञान विश्वविद्यालयय् ३०० शय्याया मेडिकल कलेज व प्राविधिक ज्याझ्वः वइगु आर्थिक दँनिसे सञ्चालन यायेगु सरकारं योजना दयकूगु दु। अथेहे उदयपुर, मोरङ, पर्सा, चितवनलगायत थासय् मेडिकल कलेज स्थापना नाप सञ्चालनया लागि माःगु तयारी यायेगु धका राष्ट्रपति पौडेलं धाःगु दु।

पोखरा स्वास्थ्य विज्ञान प्रतिष्ठानय् वइगु आर्थिक दँनिसे एमबीबीएस लगायतया चिकित्सा शास्त्रया स्नातक तहया अध्ययनस तक न्ह्याकेगु व पूर्वाञ्चल विश्वविद्यालय अन्तर्गत न अस्पताल सञ्चालन यायेगु तयारी दुगु योजनाय् दुथ्याका तःगु दु।

सरकारं वइगु आर्थिक दँया नीति व कार्यक्रम पारित याःगु दु।

सिंहदरबारस्थित प्रधानमन्त्री कार्यालयय् च्वंगु थौया मुज्याय् मन्त्रिपरिषद् बैठकं नीति व कार्यक्रम पारित याःगु दु धका सञ्चार लिसे सूचना प्रविधिमन्त्री नाप सरकारया प्रवक्ता रेखा शर्र्मां जानकारी बिःगु दु।

थौ बहनि संसदया मंकाः बैठकय् राष्ट्रपति रामचन्द्र पौडेलं वइगु आर्थिक दँया नीति व कार्यक्रम न्ह्यब्बइगु ज्याझ्वः दु।बैठकं झींखुक्वःगु पञ्चवर्षीय योजना न पारित जुगु मन्त्री शर्मां जानकारी बिःगु दु।

राष्ट्रिय योजना अयोगं झींखुक्वःगु आवधिक योजना (२०८१/८२–२०८५/८६) या मस्यौदा अन्तिम स्वीकृतिया लागि आइतवाः प्रधानमन्त्री नाप मन्त्रिपरिषदया कार्यालयय् छ्वंगु खः।