चिनियाँ कम्युनिष्ट पार्टीया नेता युआन च्याचिनं नेकपा नेपाल भ्रमणय् वयाच्वम्ह चिनियाँ कम्युनिष्ट पार्टीया नेता युआन च्याचिनं नेकपा एमालेया अध्यक्ष केपी शर्मा ओलीयात नापलागू दु।

चिनियाँ कम्युनिष्ट पार्टी सीपीसीया पोलिटव्युरो सदस्य युआनं थौं सुथय् च्यासलस्थित पार्टी केन्द्रीय कार्यालयय् ओलीयात नापलागू खः। लापलायेगु झ्वलय् निगु पक्षिय् हितया नाप थीथी विषयमा छलफल सहलह जूगु धका धाःगु दु

चिनियाँ कम्युनिष्ट पार्टीया नेता युआन साउन ७ गते येँ वःगु खः।

नेवाः न्ह्यलुवा नाप न्हूदँ समारोह समितिया सल्लाहकार पुचःया कजि लिसें पुलांम्ह स्वास्थ्य राज्यमन्त्री तीर्थराम डंगोलयात नेपाली कांग्रेसया सभापति शेरबहादुर देउवां नापलाझागु दु।

सभापति देउवां म्हिगः नेवाः न्ह्यलुवाः डंगोल याःगु छेँ कुलेश्वरय् वनाः वय्कः याःगु उसाँययात कयाः नापला झागु खः। डंगोल पोस्टेडया अप्रेशन यानाः थःगु छेँय् हे आराम यानाः च्वनादीगु खः ।

म्हिगः नेप्से ६३ अङ्कं थहावःगु शेयर बजाः थौं सोमवाः निगु अङ्कं कुहावल।

शेयर बजाः परिसूचक नेप्से थौं २६ दशमलव ६६ अङ्कं कुहावया २ हजार २ सय दशमलव ५० विन्दुइ थ्यःगु दु। थौं म्युचल फन्ड व मेमेगु बाहेक दक्को समूहया शेयर कुहावःगु दु।

दकलय् अप्पो थौं किसान लघुवित्तया शेयर १० प्रतिशतं थहावःगु दु सा लिबर्टी इनर्जीया शेयर साढे ६ प्रतिशतं कुहावःगु दु। नेप्से कुहावःसा कारोबार रकम धाःसा थहावःगु दु।

२ करोड ९ लाख ७९ हजार कित्ता शेयर ४ अर्ब ७३ करोड ७६ लाख रुपैयाँया कारोबार जूगु दु। नेपाल पुनर्बीया कम्पनी थौं २५ करोड ५६ लाख रुपैयाँया शेयर कारोवार जूगु दु।

लुँया भाः थौं तोलां स्वसः कुहावःगु दु। लुँ तोलां स्वसः कुहावया १ लाख १२ हजार रुपैयाँ न कारोबार जूगु दु धका नेपाल सुनचाँदी व्यवसायी महासङ्घं धाःगु दु।

अथेहे वहः तोलां न न्यातका कुहावःगु दु। वहः तोलां न्यातका कुहावया १ हजार ४ सय ६० रुपैयाँ न कारोबार जूगु दु।

वरिष्ठ साहित्यकार मोहनबहादुर कायस्थया ‘म बन्दीपुरे भक्तपुरको’ नांया च्वसु मुना सफू वरिष्ठ साहित्यकार तिलकप्रकाश कायस्थं पितब्वज्या यानादीगु खः।

सिर्जना अभियान समाजया ग्वसालय् जूगु उगु ज्याझ्वः ख्वपया खौमा त्वालय् जूगु खः। उगु ज्याझ्वलय् न्ववादीसें वय्कलं कायस्थतय्त पृथ्वीनारायण शाहं स्वनिगः त्याकेधुंकाः अतिकं दुःख, कष्ट व यातना बिउगु चर्चा यानादिल। थौंकन्हय् ८० दँ दयेधुंकूम्ह वरिष्ठ साहित्यकार कायस्थया थ्व चय्प्यंगूगू सफू खःसा बन्दीपुरय् च्वनादीम्ह वय्कः पेशां इन्जिनियर खः ।

साहित्यकार कायस्थं थ्व स्वयां न्ह्यः नेपालभाषाया बाखं मुना सफू ‘ताय्मरु’, ‘स्वनिगलं पिने बन्दीपुर’, ‘ख्वपंनिसें बन्दीपुर तक’, पिथनादी धुंकूगु दुसा खस नेपाली भासं ‘बन्दीपुरको सुभाष’, ‘बन्दीपुरका साहित्यकारहरू’ लिसें बन्दीपुर सम्बन्धी आपालं सफू पिथनादी धुंकूगु दु।

अभियानया संयोजक धनमान श्रेष्ठया सभाध्यक्षताय् जूगु उगु ज्याझ्वलय् डा. विष्णु भण्डारीं सफूया समीक्षा यानादीगु खःसा अभियानया सचिव ध्रुव मधिकःमिं लसकुस यानादीगु खः।

ज्याझ्वलय् उत्तमनारायण मल्लं कायस्थतय् जात, जातिया पक्षयात कयाः नुगःखँ तयादीगु खःसा अमेरिकाय् च्वँच्वनादीम्ह डा. मनोरञ्जन धौभडेलं विदेशय् थःपिंसं भाषा, जाति, संस्कृतिया निंतिं ज्याझ्वः यानाच्वनागु खँ कनादीगु खः।