लुँ तोलां थौ २ हजार ७०० कुहावःगु दु। नेपाल सुनचाँदी व्यवसायी महासंघया कथं थौ लुँ तोलां २ हजार ७०० कुहावया १ लाख ३५ हजार ५ सय न कारोबार जुगु दु धका धाःगु दु।

अथेहे वहः तोलां न पीन्यातका कुहावगु दु। महासंघया कथ वहः तोलां पीन्यातका कुहावया १ हजार ६६० न कारोवार जुगु दु धका धाःगु दु।

थौ ल्हुति पुन्हिु कुन्हु बाइसधाराय् तःजिक मेला लगे जूगु दु।

दँय् दँसं चैत शुक्ल पुन्हि कुन्हु मेला जुइगु खः। बालाजु बाइसधारा मेला व्यवस्थापन समितिया ग्वसालय् उगु मेला न्यान्हुयकं जुइगु दु।

बाइसधाराय् म्वःल्हुइ वलय् मुक्तिनाथ व सिलु म्वः ल्हुइगु बराबर पुण्य दइगु भलसा कयातःगु दु।

भक्तजनतय्त म्वः ल्हुइगु निति नीनिगु हे हितिइ लः वइगु व्यवस्था यानातःगु दु।

बागमती प्रदेशय् वइगु बैशाख २४ गते सोमवाःनिसें नेपालभाषा व तामाङ भाषायात सरकारी कामकाजि भाषाया रुपय् लागू जुइगु जुया उगु दिंयात उत्सवया रुपय् हनेत बागमती प्रदेशय् सार्वजनिक विदा बिइत माग याःगु दु।

नेवाः देय् दबू बागमती प्रदेश समितिया नायः विष्णुगोपाल महर्जन, नेपाल तामाङ घेदुङया बागमती प्रदेश नायः लिलाकुमार घलान व देय् दबू स्वनिगः विशेष प्रदेश समितिया नायः श्रीकृष्ण महर्जनं थौं बैशाख ११ गते मंकाः विज्ञप्ति जारीयासें उगु कथं माग यानादीगु खः।

बागमती प्रदेशय् नेपालभाषा व तामाङभाषा सरकारी कामकाजि भाषाया रुपय् बैशाख २४ गतेनिसें लागू जुइगु धइगु नेवाः व तामाङतय्गु नितिं जक मखु समग्र बागमती प्रदेशवासीया नितिं हे उत्सव खः धासें विज्ञप्तिइ उगु दिंयात बागमती प्रदेश नेवाः तामाङ भाषा दिवसया रुपय् हनेत तकं देय् दबूया जिल्ला समिति, पालिका समिति, तामाङ घेदुङया जिल्ला व पालिका समिति अले मेमेगु खलः पुचःयात तक अथे इनाप याःगु खः।

ता ई न्ह्यःनिसेंया आन्दोलन व बागमती प्रदेशया मुख्यमन्त्री, मन्त्रीपिं, सभामुखनिसें सांसद व सकलसिगु भूमिकाया कारणं हे भाषा ऐन वःगु व भाषा ऐन कथं आः बैशाख २४ गतेनिसें नेपालभाषा व तामाङ भाषायात सरकारी कामकाजि भाषाया रुपय् लागू यायेगु ज्या जूवनाच्वंगु खः धकाः तकं मंकाः विज्ञप्तिइ न्ह्यथनातःगु दु।

अथे हे देय् दबू बागमती प्रदेश समिति, नेपाल तामाङ घेदुङया बागमती प्रदेश समिति व नेवाः देय् दबू स्वनिगः विशेष प्रदेश समितिया मंकाः ग्वसालय् बैशाख २४ गतेया दिंनय् बागमती प्रदेशया राजधानी हेटौंडाय् बागमती प्रदेश नेवाः तामाङ भाषा दिवस हनेगु तयारी जुयाच्वंगु जानकारी विज्ञप्तिपाखें जानकारी बिउगु दु।

नेपाल कम्युनिस्ट पार्टी स्थापना जुगु ७५ दँ पुरा जुगु लसताय् थौ छगु तःजिक ज्याझ्वः जुगु दु।

उगु ज्याझ्वलय् पूर्व राष्ट्रपति विद्यादेवी भण्डारीयात ‘गणतन्त्र गौरव’ सम्मानपाखे सम्मान याःगु खः।

अथेहे उगु ज्याझ्वलय् २०५० जेठ ३ गतेय् दासढुंगा दुर्घटनाय् मदुम्ह एमालेया तत्कालीन महासचिव मदन भण्डारीया च्वसूयात अंग्रेजी अनुवाद संग्रहित सफू न विमोचन याःगु खः।

नेकपा एमालेें पूर्वराष्ट्रपति विद्यादेवी भण्डारीयात ‘गणतन्त्र गौरव’ पाखे सम्मान याःगु दु।

नेकपा स्थापनाया ७५ क्वःगु दँया लसताय् थौ यलया गोदावरीइ जुगु ज्याझ्वलय् नेकपा एमालेें पूर्वराष्ट्रपति भण्डारीयात सम्मान याःगु खः।

प्रधानमन्त्री नाप नेकपा माओवादी केन्द्रया अध्यक्ष पुष्पकमल दाहाल प्रचण्ड, पूर्वप्रधानमन्त्री नाप नेपाली कांग्रेसया सभापति शेरबहादुर देउवा व पूर्वप्रधानमन्त्री नाप नेकपा एमालेया अध्यक्ष केपी शर्मा ओलीं भण्डारीयात सम्मान याःगु खः।

ण्डारी नेपाःया न्हापाम्ह मिसाम्ह राष्ट्रपति जुयादी।