सर्वसाधरणपिन्त कानुनया पालना यायेत माइकिङ याना वयाच्वपि महानगरया प्रहरी हे कानुनया पालना याना च्वंगु खनेमदु।

येँ महानगर दुने होर्डिङ बोर्ड व यातायातया टिकट काउन्टर चिइकेगु निति माइकिङ याना वयाच्वपि महानगरया प्रहरीपि कोटेश्वरय् थःपि हे ट्राफिक नियम बिरुद्ध जेब्राक्रसय् लँ काटे याःगु दु।

लँ काटे यायेगु झ्वलय् मोबाइलं खँ ल्हाना थः यःथे लँ काटे यायेगु यानाच्वंगु दु।

वंगु साउन ७ गते येँया सामाखुसीइ तःनाच्वम्ह १३ दँया विधान आलेमगर (साजन) छवाः दये धुकुसा आःतक लुइके मखुनि।

खुसिइ चुका तःनाच्वम्ह मचायात मालेगु ज्या जुयाच्वंगु दु। मचायात मालेगु निति नेपाल प्रहरी, सशस्त्र प्रहरीया विपद् व्यवस्थापन टोली नाप गोताखोर टोली तालिम कयातःपि खिचाया ग्वाहालिं मालेगु ज्या जुयाच्वंगु दु धका जिल्ला प्रहरी परिसर काठमाडौंया प्रमुख नाप प्रहरी वरिष्ठ उपरीक्षक दानबहादुर कार्की धाःगु दु।

पानीपोखरीया भानुभक्त मेमोरियल स्कुलय् खुगु तःगिमय् ब्बनाच्वंम्ह मचा वंगु साउन ७ गते बहनि फुटसल म्हितेगु निति पःखाः गयेगु झ्वलय् पःखाः न कुतुवनां खुसिइ चुइकूगु खः।

येँ महानगरपालिका वडा नं १६ ल्हुति (बालाजु) ऐतिहासिक, धार्मिक नाप सांस्कृतिक क्षेत्र बाइसधारा स्थित धार्मिक महत्व जाःगु देगः नाप सस्कृति स्वागू सत्तलय् येँ महानगरं सांस्कृतिक अतिक्रमण व भ्रष्टाचार याःगु धासे अनच्वपिन्स बिरोध याःगु दु।

बालाजु बाइसधारा संरक्षण संघर्ष समिती, नागरिक समाजया इनापय् स्थानीय समुदायपिन्स थौं महानगरं संचालन याना वयाच्वंगु बाजाजु उद्यानय् दुहावनेगु लुँखाय् प्लेकार्ड ज्वना धर्ना बिउसे प्रदर्शन याःगु दु।

स्थानीय नाप सामाजिक अभियन्ता रबिन्द्र कुमार श्रेष्ठ धाःगु दु ‘महानगरं संचालन याःगु उद्यानय् झगु पुर्खापिन्स न्ह्याका वयाच्वंगु धर्म, सस्कृतिइ तःपिकं हस्तछेप याःगु दु, न्हापा देगः नाप सत्तलय् वनेत पार्कं वनेम्वाः। आः धाःसा पार्क जूया द्यःया थाय् वनेमाःकुगु दु।

पार्कं थःगु अनुकुल (बहनि ६ बजे लिपा) गेटय् ताल्वं ग्वया अनया धर्म सस्कृतिइ अतिक्रमण याःगु दु। महानगर प्रमुख बालेनयात खँ ल्हाना न नापलाये चाहे मजू धका धाःगु दु। तर महानगरं थुकिया हस्तक्षेप याःगुलि, शान्ति पूर्ण आन्दोलन स्वरूप न्हापागु चरणय् धर्ना च्वनेगु ज्या जुगु खः। 

इतुम्बहालय् थौं छगू ज्याझ्वः दथुइ श्री भाष्करदेव संंस्कारित केशचन्द्रवृmत पारावत् महाविहार संरक्षण समाजया थ्व ग्वसालय् रुबिन म्युुजिमया ग्वाहालिइ ‘इतुंबाहाः म्युुजिमय’ या उलेज्या जूगु दु।

थौं छगू ज्याझ्वः दथुइ उगु म्यूजिमया उलेज्या येँ महानगरया पुर्व प्रमुख विद्यासुन्दर शाक्य व बागमती प्रदेश सभासद शैलेन्द्रमान बज्राचार्यपिन्स यानादीगु खः। स्वनिगलय् दकलय् पुलागु व दकmलय् तधःगु महाविहारमध्ये छगु बिहार खः इतुंबाहाः, “भाष्करदेव संस्कारित केशचन्द्रकृत पारावत् महाविहार ।

रुवेननाप सहकार्य

इतुंबाहाः म्युजियम स्थापनाया लागि अमेरिकाया न्युयोर्कस्थित रुविन म्युजियम आर्ट नाप समाजं सहकार्य याःगु दु। अथेहे, इतुंबाहा समाजं उगु म्युजियमया परिकल्पना लुम्बिनी बौद्ध विश्वविद्यालयया म्युजिलियोजी एन्ड बुद्धिस्ट कलेक्सन प्रोग्रामनाप न सहकार्य याःगु खः ।

सन् १९९९ य् इतुम्बहालय् विद्याधर द्यः अमेरिकाय् थ्यःगु खः। सन् २००३ य् रुवेन म्युजियमया सङ्ग्रहय् विद्याधर न थपे जूगु दु। सामाजिक सञ्जालमार्फत् सतर्क यायेत मञ्च लस्ट आर्ट्सपाखे रुवेन म्युजियम उगु प्राचीन महत्व स्वागु सामाग्री विद्याधरया इतिहासबारे अवगत याकूगु खः।

वयालिपा रुवेनं याकन हे खँ थुइका अनुसन्धान याना व विद्याधरयात पुलागु हे थाय् इतुम्बहालय् लित बिइत न्युयोर्कय् च्वंगु नेपाली वाणिज्य दुतावासनाप सहकार्ययाना विद्याधरयात लित हःगु खः।

यलय् थीथी नेवाः समाज मिले जूया यल नेवाः समाज गठन याःगु दु । समाज गठनलिसें यल जिल्ला प्रशासन ज्याकुथिइ दर्ता नं जुइ धुकुगु दु।

मुक्कं नीछम्ह मुनाः गठन याःगु समाजया गुम्हेसिया ज्यासना पुचः नं गठन याःगु दु । विनोद ताम्रकार अध्यक्षताय् गठन जूगु खः।

अथेहे न्हुछेबहादुर नेम्कुल न्वकु, संजय शर्मा राजोपाध्याय छ्याञ्जे, शिवराम तण्डुकार दांभरिं, विष्णुलाल सिकःमि लिउछ्याञ्जेय् च्वनादीगु दुसा दुजलय् दीपकमान जोशी, धर्मरत्न शिल्पकार, कृष्णमाया नापित, समुन्द्रमान रंजितकार च्वनादीगु दु ।