राष्ट्रियसभा अध्यक्षय् युवराज शर्मायात निर्वाचित यायेत तःगु प्रस्ताव अस्वीकृत जूगु दु। आः जुयाच्वंगु दु राष्ट्रियसभा बैठकय् शर्माया विपक्षय् बहुमत सदस्यपिन्स मत दुगु खः।

नेपाली कांग्रेसया शर्मायात लोसपा न समर्थन याःगु खः। ५६ म्ह सांसद दुगु उगु बैठकय् शर्माया पक्षय् १७ व विपक्षय् ३९ मत लाथु खः।

राष्ट्रिय सभा अध्यक्ष चुनावया लागि सत्तापक्षीय न्यागु दल दथुइ सहलह याःगु दु। नेकपा एमाले, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी दथुइ सहलह जुगु खः।

न्हुगु वानेश्वर स्थित संसद भवनया लोत्सेहलय् सत्ता पक्षीय दलया सांसदपि दथुइ सहलह जुगु खः। उगु सहलहय् एमाले अध्यक्ष केपी शर्मा ओली, एकीकृत समाजवादीया अध्यक्ष माधव नेपाल नेकपा माओवादी केन्द्रया वरिष्ठ उपाध्यक्ष नारायणकाजी श्रेष्ठपिनिगु ब्बति दुगु खः।

राष्ट्रिय सभा अध्यक्षया लागिु थौ निर्वाचन जुइत्यःगु खः। अध्यक्षया लागि गठबन्धनपाखे माओवादीया नारायण दाहाल व कांग्रेसपाखे युवराज शर्मां म्हिगः सोमवाः मनोनयन दर्ता याःगु खः।

बाजुरा जिल्लाया जुगाडा केन्द्रविन्दु जूया भुखाय् ब्बःगु दु।

राष्ट्रिय भूकम्प मापन लिसे अनुसन्धान केन्द्र लैनचौरया कथं थौ ४ बजे जूया ५७ मिनेटय् बाजुराया जुगाडा जःखः केन्द्रविन्दु जूया ४ दशमलव ३ रेक्टरस्केलया भुखाय् ब्बःगु खः।

प्रधानमन्त्री नाप नेकपा (माओवादी केन्द्र) या अध्यक्ष पुष्पकमल दाहाल ‘प्रचण्ड’ व नेकपा (एमाले) या अध्यक्ष केपी शर्मा ओली दथुइ थौ नापलागु दु।

प्रधानमन्त्रीया सरकारी निवास बालुवाटारय् थौ समसामयिक राजनीति विषयय् सहलह जुगु दु धका धाःगु दु । प्रधानमन्त्री प्रचण्डया प्रेस सल्लाहकार गोविन्द आचार्यया कथं बालुवाटारय् वयकःपि दथुइ जुगु सहलहय् राष्ट्रिय सभा अध्यक्षया निर्वाचन, प्रधानमन्त्रीं फागुन ३० गते प्रतिनिधि सभाय् विश्वासया मत काइगु विषय व सरकारया मंकाः ज्याझ्वः लगायत विषय सहलह जुगु दु धका धाःगु दु।

नागरिक उन्मुक्ति पार्टी (नाउपा) या अध्यक्ष रञ्जिता श्रेष्ठं सःतूगु केन्द्रीय कार्यसमितिया बैठक स्थगित जुगु दु। सुदूरपश्चिम प्रदेश सरकारय् ब्बति काउगु विषय असन्तुष्टि जुइवं श्रेष्ठं सोमवाः न्हिनय् १ बजे कैलालीया टीकापुरय् केन्द्रीय कार्यसमिति बैठक सःतूगु खः।

तर स्वास्थ्यय् समस्या वउगुलि मेगु सूचं मवतले बैठक स्थगित जूगु दु धका छम्ह केन्द्रीय सदस्य जानकारी बिःगु दु। ५३ म्ह सदस्यीय प्रदेशसभाय् मुख्यमन्त्रीया दल कांग्रेसया १८ व नााउपाया न्ह्यय्म्ह दु।

राप्रपा व स्वतन्त्र छम्ह छम्ह सांसदपिनिगु समर्थन काय्फत धाःसा शाह नेतृत्वया सरकारं बहुमत खाकेफइगु खनेदु। नागरिक उन्मुक्ति पार्टीया समर्थन दुगुलि स्वतन्त्र सांसद डा. ताराप्रसाद जोशी सरकारय् वनेत तयार जुगु दु सा, राप्रपा धाःसा निर्णय याउगु मदुनि।