नेकपा एमालेया उपाध्यक्ष रामबहादुर थापा बादलं राजनीतिक स्थिरताया लागि एमाले–माओवादी लगायत दलया गठबन्धन जूगु खः धका धयादीगु दु।

प्रेस चौतारी नेपाल गुल्मीया सदरमुकाम तम्घासय् जूगु छगु पत्रकार सम्मेलनय् थापां आःया गठबन्धनपाखे राजनीतिक स्थायित्व कायम जुइ धका धयादीगु खः।

देय् या आर्थिक संकटं मुक्त यायेत, सामाजिक अराजकता हटे यायेत व देय् समृद्धिपाखे न्ह्याकेत नेकपा एमालेया योजना आः पुरा जुइ धका उपाध्यक्ष थापां दाबी यानादीगु दु।

आदिवासी लोकतान्त्रिक जतजाती महासंघ लुम्बिनी प्रदेशया निक्वःगु अधिवेशनया लागि थापा गुल्मीइ वःगु खः।

शिलाचःह्रे कुन्हु पशुपतिइ द्यः दर्शन थौ चान्ह्यःनिसे वनाच्वंगु दु। पशुपतिइ थौ सुथय् २ बजेनिसे लुँखा चायकूगु दु।

सुथय् २ बजेनिसे आःतक करिब १ लाख स्वया अप्पो भक्तजनपिन्स द्यः दर्शन याये धुकुगु दु। पशुपतिइ थौ प्यंगु हे लुँखा २ बजेनिसे चायकूगु खः।

छकल झिम्ह तक द्यः दर्शन यायेत छ्वया च्वंगु दु धका पशुपति क्षेत्र विकास कोषं धाःगु दु। दुगु दँय् २० लाख भक्तजनपिन्स द्यःया दर्शन याइगु अनुमान पशुपति क्षेत्र विकास कोषं यानातःगु दु। 

 भरतपुर महानगरपालिकाया मेयर रेनु दाहालयात ‘इन्टरनेसनल मेयर अवार्ड’ पाखे सम्मानीत जुगु दु। बेलायतया संसद् भवन ‘हाउस अफ कमन्स’ या ग्वसालय् वंगु चान्ह्यः उगु अवार्ड लःल्हागु खः।

अथे हे मेयर रेनुनापं लन्डनया मेयर खानयात लोकल गभर्नमेन्ट अवार्ड व राष्ट्रपति फकिमयात इन्टरनेसनल वम्यान अफ द इयर अवार्ड लःल्हागु खः। उगु ज्याझ्वलय् पोलिटिकल एन्ड पब्लिक लाइफ अवार्ड अन्तर्गत बेलायतलगायत थीथी देय् पाखे २४ म्हेसित उगु अवार्ड लःल्हागु खः।

ज्याझ्वलय् बेलायतया उपप्रधानमन्त्री ओलिभर डाउडेन, प्रमुख विपक्षी दल लेबर पार्टीया उपनेता एन्जेला रेनर, सीप लिसे शिक्षासम्बन्धी राज्यमन्त्री रोर्बट हालफन, लेवर पार्टीया अन्तर्राष्ट्रिय व्यापार छायामन्त्री ग्यारेथ थोमस, भारतया पूर्वमन्त्री सुरेश प्रभु, मौरिससया पूर्वराष्टपति अमिना गुरिब फकिम, बेलायत वेल्स राज्यया सांसद नतासा अस्गरयात न अवार्ड लःल्हागु खः। 

शेयर बजाः थौ निगु ल्याखं थहावंगु दु। थौ शेयर बजाः परिसूचक नेप्से १३ दशमलव ५१ अङ्कं थहावना २ हजार ३० दशमलव ५५ बिन्दुइ थ्यःगु दु।

होटल लिसे पर्यटन, व्यापार व म्यूचुअल फण्ड बाहेक दक्को समूहया शेयर थहावंगुलि जलविद्युत् व निर्जीवन बीमा समूहया शेयर यक्को थहावःगु दु।

पिपुल्स हाइड्रोपावरया शेयर १० प्रतिशतं थहावना सकरात्मक सर्किटय् वःगु दु। समग्र बजाः थहावंसा साम्लिङ पावर कम्पनीया शेयर ५ प्रतिशत स्वया अप्पो कुहावःगु दु।

थौ ८९ लाख २९ हजार कित्ता शेयर ३ अर्ब १९ करोड रुपैयाँया कारोबार जूगु दु। दकलय् अप्पो नेपाल रिइन्सुरेन्स कम्पनीया शेयर ५६ करोड रुपैयाँया कारोवार जुगु दु।

जनता समाजवादी पार्टी (जसपा) नेपालं सरकारय् ब्बति काइपि मन्त्रीपिनिगु नां क्वछिउगु दु।

थौ बिहीवाः नकतिनि क्वचाःगु पार्टीया केन्द्रीय कार्यकारिणी समितिया बैठकं उपप्रधानमन्त्रीनाप स्वास्थ्य लिसे जनसंख्या मन्त्रीइ पार्टीया अध्यक्ष उपेन्द्र यादवयात छ्वइगु निर्णय जूगु दु।

अथेहे वन लिसे वातावरण मन्त्री सप्तरी–१ पाखे निर्वाचित नवलकिशोर साह व स्वास्थ्य राज्यमन्त्रीइ धनुषा–१ पाखे निर्वाचित दीपक कार्कीयात छ्वयेगु निर्णय याःगु दु।