वीरेन्द्र सैनिक अस्पताल, छाउनीइ उपचार यानाच्वम्ह उपप्रधानमन्त्री लिसे रक्षामन्त्री पूर्णबहादुर खड्काया स्वास्थ्य अवस्थाबारे जानकारी निति प्रधानमन्त्री पुष्पकमल दाहालं अस्पतालय् वःगु दु।

प्रधानमन्त्री दाहालं थौं बुधवाः छाउनीइ वना निवाः न्ह्यःनिसे वासःयाना च्वम्ह उपप्रधानमन्त्री खड्का याःगु स्वास्थ्यबारे जानकारी काःगु दु।

उपप्रधानमन्त्री खड्काया उपचार यानाच्वम्ह चिकित्सपिन्स स्वास्थ्य अवस्था सुधारोन्मुख जुया वनाच्वंगु दु धका प्रधानमन्त्री दाहालयात जानकारी बिःगु खः।

वंगु बुधवाः उपप्रधानमन्त्री खड्काया प्रोस्टेट याःगु शल्यक्रिया याःगु खः ।

नेपाली कांग्रेसया सहमहामन्त्री महेन्द्र यादवयात सांघातिक आक्रमण याम्ह श्याम सापकोटायात ज्वंगू दु।

सहमहामन्त्री यादवयात थौं भृकुटीमण्डपय् रिपोटर्स क्लबया ज्याझ्वः सिधय्का पिहा वया च्वंगु इलय् हतियारं आक्रमण याःगु खः ।

काठमाडौं प्रहरी परिसरया प्रवक्ता एसपी कुमुद ढुंगेलया कथं सापकोटायात सिंहदरबार प्रहरी वृत्तय् यकूगु दु।

सापकोटां थःत राजावादी अभियन्ताया कथं म्हसिका वयाच्वम्ह खः।

यलय् मगलबजारय् च्वंगु कृष्ण द्य:या थाय् थौं राष्ट्रपति रामचन्द्र पौडेलं पूजा नाप दर्शन या:गु दु।

दँय् दँसं कृष्णाष्टमी कुन्हु राष्ट्राध्यक्षपाखे यलया कृष्ण द्य:या थाय् वना पूजा नाप दर्शन यायेगु परम्परा दु ।

थौं राष्ट्रपति पौडेलं द्य:या थाय् वना पुजारीपाखे स्वां व प्रसाद ग्रहण यानादीगु दु।

१७ गु शताब्दीइ जुजु सिद्धिनरसिंह मल्लया इलय् निर्माण या:गु ख:।

नेपाली कांग्रेसया सहमहामन्त्री महेन्द्र यादवयात खुकुरी प्रहार या:गु दु।

भृकुटीमण्डपया रिपोर्टर्स क्लबय् थौं बुधवा: जूगु छगू ज्याझ्व: सिधय् धुका लिहां वनाच्वम्ह यादवयात खुकुरीं आक्रमण या:गू ख:।

यादवयात ट्रमा सेन्टरय् उपचार जुयाच्वंगु दु।

आक्रमण याम्ह मनूया बारे न्यनेकने जूयाच्वंगु दु धका प्रहरीं धा:गू दु।

थापाथलीइ च्वंगु परोपकार प्रसूति लिसे स्त्रीरोग अस्पातलं थौंनिसे अनलाइन टिकेटिङ सेवा सुरु या:गु दु।

बिरामी पिनिगु चाप अप्पो वंगुलि अस्पतालं थौं बुधवानिसे अस्पतालय् छगु छगु बिलिङ, टिकट काउन्टर व फार्मेसी काउन्टर तक थपे याना सञ्चालन या:गु दु।

अस्पतालय् आ: जनरलपाखे ४५० शैय्या नि:शुल्क या:गु दु धका अस्पताल निर्देशक श्रीप्रसाद अधिकारीं धा:गु दु। अस्पतालय् स्वीकृत शैय्या ४१४ दगु ख:सा बिरामीपिनिगु चापया कारण ४८९ शैय्या सञ्चालनय् हया:गु ख: धका धा:गु दु।

वंगु आर्थिक दँय् अस्पतालपाखे १ लाख ८० हजार ८९० म्हेसिया ओपीडी व २४ हजार ६७२ म्हेसिया प्रसुति सेवा का:गु ख:। अथेहे, वंगु आर्थिक दँय् १ हजार ७७९ म्ह मिसापिन्स नि:शुल्क सुरक्षित गर्भपतन सेवा का:गु दु धका अस्पतालया तथ्यांकं धा:गु दु।