Display Style:
Column Style
‘यल इतिल्हन सम्यक महादान पर्व’ तःजिक हनिइगु
लहनान्युज | सिल्लागा एकादशी ११४४, फागुन २३ बुधवाः
गोल्डेन टेम्पल नामं हलियकं म्हसिगु हिरण्यवर्ण महाविहार, क्वाबहाःया ग्वसालय् थ्व हे वइगु फागुन ३० निसे चैत्र १ गतेतक ‘यल इतिल्हन सम्यक महादान पर्व’ ज्याझ्वः जुइगु दु।
‘दिपंकर पर्व’ या नामं नांजागु उगु पर्व हिरण्यवर्ण महाविहारया स्वर्ण देगः स्थापना याम्ह जुजु भाष्करदेवया सन्तान भलिभारों ‘त्रिरत्नया आशिषं धन वःगु धका बुद्धप्रति कृतज्ञ जुया श्रद्धा नाप दानया उद्देश्यं थीथी विहारया दिपंकर बुद्ध, तारा लगायत मेमेपि द्यःपि, श्रामणेर, ब्रम्हचर्य भिक्षु, शाक्यभिक्षु व बज्राचार्यपिन्त ब्बना सम्यक महादान पर्व याइगु धापू दु।
फागुन ३० गते यलया मू झिच्यागु विहारनापं चापागाउँ, बुंगमति, किपू, येँं, यल, ख्वपया महाविहारपाखे दिपंकर बुद्ध, आर्यतारा लिसे मेमेपि द्यः यलया लाय्कूलि मूनिगु ज्याझ्वः दु। ३० गते बहनि ७ बजे मुनां चान्ह्य ९ बजे बाजं थाना ज्येष्ठवर्ण महाविहार तंगःबहालय् वना बसुन्धरा द्यःयात जात्रा याना यलया लायकूलि हया दक्को दिपंकर बुद्ध व मेमेपि द्यःपि मंगलबजारं नागबहालय् हइ।
सम्यक महादान जुइगु थाय् नागबहालया लुँखाय् लसकुसयाना दुकायेगु याइ।
चैत्र १ गते अथेधायेबलय् सम्यक महादानजुइगु दिंखुन्हु सुथसिया ४ बजेनिसें न्हिनसिया १ बजेतक श्रद्धालु भक्तजनपिंपाखेंविराजमान दिपंकर बुद्ध व.मेमेपिं द्यःपिनिगु पूजा व दर्शन याकेगु, नागबहाः ल्वंहितिछचाःखेरं विशालरुप धाः व बाँसुरी बाजा ब्वज्या जुइसा थुबले हे थुगु पर्वया नितिंअक्षयकोष नीस्वनादीगुलिं यल महानगरपालिकायात हनेगु ज्याझ्वः नं दुगु जुल ।
न्हिनसिया २ ताः इलंनिसें ४ ताःईतक भूमिशोधन पूजालिसें दान बीगु ज्या जुइसा सनिलया ५ ताः इलय् दिपंकर बुद्धव मेमेपिं द्यःपिं थःथःगु विहारय् लिहां बिज्याकीगु ज्याझ्वः दुगु जुल ।
परन्तुतक थुगु पर्व न्ह्यानाच्वनेमाधकाः गुथि स्वनाः आयस्था तयाः भलिभारो परिवारं न्ह्याकूगु थुगु परम्परा ७७३ दँनिसें न्ह्यानाच्वंगु जुल । वि.सं. १८६१ तक दँदँपत्तिं न्ह्यानाच्वंगु थुगुपर्व उबलेया जुजु रणबहादुर शाहं सम्यक गुथिया जग्गा अधिकरण यानाः कासेंलि आयस्थामगानाः प्यदँतकया आयस्था मुंकाः प्यदँ फुनाः न्यादँ क्यनेवं थुगु पर्व यायेगु परम्परान्ह्याःगु खः ।
बुधवाः जूगु पत्रकार सम्मेलनय्जानकारी ब्यूकथं यलया नागबहालय् जुइगु थुगु पर्वया नितिंसम्यक भुतूपुज्यानाः सम्यक मरी छुइगु, नागबहाललय् प्रतिस्थापित बासुकी व चम्पक नागराजयागु प्राणप्रतिष्ठा लिकायेगु ज्या जुइधुंकूगु दुसा फागुन २४ गते यःसिं थनाः हलिपताःब्वयेकेगु, फागुन २८ गते हिरण्यवर्ण महाविहारया दशपारमिता आःजु व विसपारमिताआःजुपिंनाप ग्वसाः खलः सकलें बाजं थानाः सम्यक महादानया ब्वना ब्यूवनेगु ज्याल्यंदनि ।
सुयां नुगलय् मस्याक्क, सकसितलय्ताय्काः थःम्हं कमय् यानागु धन, शुद्ध मनं, निस्वार्थ रुपं दान यायेगु सम्यक सम्बोधियाबोधिसत्व मार्ग खः । सम्यक महादान धइगु हे दानपारमिताया अभ्यास खः ।
न्हुपि मन्त्रीपिन्स शपथ ग्रहणयात
लहनान्युज | सिल्लागा एकादशी ११४४, फागुन २३ बुधवाः
न्हुपि मन्त्रीपिन्स पद व गोपनीयताया शपथ काःगु दु। प्रधानमन्त्री पुष्पकमल दाहाल प्रचण्डं बुधवाः नेकपा एमाले, नेकपा माओवादी केन्द्र व राष्ट्रिय स्वतन्त्र पार्टीया नेतापि दुथ्याका मन्त्रिपरिषद् विस्तार याःगु खः।
न्हुपि मन्त्रीतय्स राष्ट्रपति भवन शीतलनिवासय् राष्ट्रपति रामचन्द्र पौडेलपाखे शपथ काःगु खः। प्रधानमन्त्रीया सचिवालया कथं एमालेया च्याम्ह, माओवादी केन्द्रया न्याम्ह व राष्ट्रिय स्वतन्त्र पार्टीया प्यम्हयाना मन्त्रिपरिषदय् १८ म्ह दुजः थ्यःगु दु।
सरकारय् एमालेपाखे नेतृत्वयासे सचिव रघुवीर महासेठ उपप्रधानमन्त्री लिसे भौतिक पूर्वाधार मन्त्री जुगु दु। अथेहे पदम गिरी कानुन, न्याय लिसे संसदीय मामिला, हरि उप्रेती रक्षा, भगवती चौधरी महिला, बालबालिका लिसे ज्येष्ठ नागरिक मन्त्रालय व राजेन्द्र राई न खानेपानी मन्त्रालयया जिम्मेवारी काःगु दु।
अथेहे दामोदर भण्डारीं उद्योग, वाणिज्य लिसे आपूर्ति, ज्वालाकुमारी साहं कृषि लिसे पशुपक्षी व बलराम अधिकारीं भूमि व्यवस्था, सहकारी व गरिबी निवारण मन्त्रालयया जिम्मेवारी काःगु दु। नेकपा माओवादी केन्द्रपाखे नारायणकाजी श्रेष्ठ उपप्रधानमन्त्री लिसे परराष्ट्रमन्त्री व वर्षमान पुन अर्थमन्त्री जुगु दु।
शक्तिबहादुर बस्नेत ऊर्जा, जलस्रोत लिसे सिंचाइमन्त्री, रेखा शर्मा सञ्चार लिसे सूचनाप्रविधि व हितबहादुर तामाङ संस्कृति, पर्यटन लिसे नागरिक उड्डयनमन्त्री जूगु दु।
राष्ट्रिय स्वतन्त्र पार्टीया सभापति रवि लामिछाने उपप्रधानमन्त्री लिसे गृहमन्त्री जुगु दु। डीपी अर्याल श्रम, रोजगार लिसे सामाजिक सुरक्षा मन्त्री, विराजभक्त श्रेष्ठ युवा लिसे खेलकुद व सुमना श्रेष्ठ शिक्षा, विज्ञान लिसे प्रविधि मन्त्री जूगु दु।
एमालपाखे च्याम्ह मन्त्री जुइगु
लहनान्युज | सिल्लागा एकादशी ११४४, फागुन २३ बुधवाः
नेकपा एमाले न मन्त्री जुइपिनिगु नां क्वछिउगु दु। सत्ता गठबन्धनया नेतातय्स मन्त्रालय बाँडफाँट याये धुका एमालें मन्त्रीपिनिगु नां क्वछिउगु खः।
सरकारय् एमालेयात च्याःगु मन्त्रालय दइगु जुगु दु। सरकारय् पार्टीया नेतृत्व सचिव रघुवीर महासेठं याइगु जुगु दु । महासेठं उपप्रधानमन्त्री लिसे भौतिक पूर्वाधारमन्त्री जुइगु दु।
पदम गिरीं धासा मन्त्री पदया शपथ कायेधुकुगु दु। आः दामोदर भण्डारी, हरि उप्रेती, भगवती चौधरी, राजेन्द्र राई, ज्वालाकुमारी साह व बलराम अधिकारीपि मन्त्री जुइगु दु।
रास्वपायात प्यंगु मन्त्रालयय्
लहनान्युज | सिल्लागा एकादशी ११४४, फागुन २३ बुधवाः
राष्ट्रिय स्वतन्त्र पार्टी न सरकारय् सहभागी जुइत प्यम्हेसिगु नां क्वछिउगु दु।
रास्वपां गृह मन्त्रालयय् सभापति रवि लामिछाने, श्रमय् उपसभापति डीपी अर्याल, युवा लिसे खेलकुद विराजभक्त श्रेष्ठ व शिक्षाय् सुमना श्रेष्ठयात छ्वयेगु निर्णय याःगु दु।
पार्टी उपसभापति डा. स्वर्णिम वाग्लया कथं रास्वपां प्यंगु मन्त्रालय व पार्टीपाखे छ्वइपि मनू ल्यये धुकुगु दु।
धादिङया घाटबेँसीइ बस दुर्घटना
लहनान्युज | सिल्लागा एकादशी ११४४, फागुन २३ बुधवाः
धादिङया घाटबेँसीइ बस दुर्घटना जुगु दु। उगु दुर्घटनाय् स्वीम्ह स्वया अप्पो घाःपाः जुगु दु।
कपिलवस्तुबं येँ वयाच्वंगु लु २ ख २१२१ नम्बरया बस धादिङया गजुरी गाउँपालिका–५ घाटबेँसीइ दुर्घटना जूगु खः। सुथ न्हापा जुगु दुर्घटना् छम्ह मिसा नापं प्यम्हेसिगु ज्यान वंगु दु।
घटनास्थलय् नेपाल प्रहरी, सशस्त्र प्रहरी, नेपाली सेना व स्थानीयतय्सं उद्धार यानाच्वंगु दु।
