जाजरकोट केन्द्रबिन्दु जूया ब्बःगु भुखाचय् जाजरकोट व रुकुमय् याना ६३ म्हेसिगु ज्यान वंगु पुष्टि जूगु दु।

कर्णाली प्रदेश प्रहरी प्रमुख डीआईजी भीमप्रसाद ढकालं बिःगु जानकारी कथं ५ बजे तक वःगु विवरण कथं जाजरकोटय् ३६ म्ह व रुकुम पश्चिमय् २७ म्हेसिगु ज्यान वने धुकुगु दु सा सच्छि स्वया अप्पो घाःपाः जूगु दु।

भुखाय् ब्बया प्रभावित जूगु थासय् प्रधानमन्त्री प्रचण्ड वनिइगु जूगु दु।

जाजरकोट केन्द्रविन्दु जूया वंगु चान्ह्य ११ बजे जूया ४७ मिनेटय् ६.४ म्याग्नेच्युडया भुखाय् ब्बःगु खः। उगु भुखाचं यक्को हे तधःगु क्षति जूगु दु।

उद्धारया लागि सुर्खेतपाखे स्वंगः हेलिकोप्टर परिचालन यायेगु तयारी यानाच्वंगु दु।

सरकारं जाजरकोट व रुकुमय् भुखाय् ब्बया प्रभावितजूपिन्त उद्धार यायेगु व राहतया लागि स्वास्थ्यकर्मी नापं हेलिकप्टर छ्वयेगु तयारी याःगु दु।

प्रधानमन्त्री नापं मन्त्रिपरिषद् कार्यालय मातहतया हेलो सरकारं तत्काल हेलिकप्टर छ्वयेगु तयारी याःगु दु।

वंगु चान्ह्यः भुखाय् ब्बया जाजरकोट नलगाढ नगरपालिकाया उपप्रमुख मन्त।

उगु भुखाय् ब्बःगुलि उपप्रमुख सरिता सिंह मदुगु धका कर्णाली प्रदेश प्रहरी प्रमुख डीआईजी भीम ढकालं जानकारी बिःगु दु।

वयकःया कथं नगर उपप्रमुख सिंह सदरमुकामस्थित थःगु छेँय् देनाच्वंगु अवस्थाय् मदुगु धका धाःगु दु। वयकः कांग्रेसपाखे निर्वाचित जूयादीम्ह खः।

जाजरकोट व रुकुम पश्चिमय् भुखाय् ब्बया सीपिनिगु ल्याः ३६ म्ह थ्यःगु दु।

कर्णाली प्रदेश प्रहरी प्रमुख डीआईजी भीम ढकालया कथं आः तक वःगु सुचं कथं म्ह थ्यःगु दु सा घाःपाः जूपिनिगु ल्याः ४६ म्ह स्वया अप्पो जुगु दु धका धाःगु दु। घाःपाः जूपिन्त वासः यायेगु निति जिल्ला अस्पतालय् यकूगु दु।

वंगु चान्ह्यः भुखाय् ब्बया ११ बजे जूया ४७ मिनेटय् जाजरकोट जूया ६.४ म्याग्निच्युडया भुखाय् ब्बःगु खः।