लुँया भाः थौं तोलां गुसः कुहावःगु दु। लुँ तोलां गुसः कुहावया १ लाख ११ हजार ८ सय रुपैयाँ न कारोबार जूगु दु धका नेपाल सुन चाँदी व्यवसायी महासंघं धाःगु दु।

अथेहे, वहः तोलां नीन्यातका कुहावःगु दु। वहः तोलां नीन्यातका कुहावया १ हजार ४ सय २५ रुपैयाँ न कारोवार जुगु दु धका हासंघं धाःगु दु।

कान्तिपुर टेलिभिजन नेटर्वक लिमिटेडं प्राथमिक सेयर (आईपीओ) निष्कासन यायेत नेपाल धितोपत्र बोर्डय् निवेदन बिःगु दु।

कम्पनीं जेठ २८ गते प्रतिकित्ता १०० रुपैयाँ अंकित भाः न्ह्यगू लाख ५० हजार कित्ता आईपीओ निष्कासन यायेत बोर्डय् निवेदन बिःगु खः ।

कम्पनीं निष्कासन यायेत आईपीओ बिक्री प्रबन्धकय् सानिमा क्यापिटल लिमिटेड च्वंगु दु। थुगु कम्पनी कान्तिपुर मिडिया ग्रुप अन्तर्गत सञ्चालित खः।

मिडिया क्षेत्रय् थुगु निगुगु आईपीओ खः। न्हापां नागरिक पत्रिका प्रकाशन रिपब्लिक मिडियां आईपीओ निष्कासन याये धुकुगु खः।

राष्ट्रपति रामचन्द्र पौडेल उपचार लिपा थौं अस्पतालं डिस्चार्ज जूगु दु।

मुटु जाँचया लागि म्हिगःं मंगलवाः सुथय् गंगालाल राष्ट्रिय हृदय रोग केन्द्र भर्ना जूयादीगु खःसा थौं सुथय् डिस्चार्ज जुयादीगु खः। अस्पतालं राष्ट्रपति पौडेल अवस्था सामान्य दु धका धाःगु दु।

राष्ट्रपतिया स्वकीय सचिव चिरञ्जीवी अधिकारीया कथं नियमित जाँचया लागि वयकःयात अस्पताल यकूगु खः।

पौडेलयात २४ घण्टालिपा चिकित्सक पिनिगु निगरानीइ च्वना च्वंगु खः ।

नेपाली कांग्रेसया सभापति शेरबहादुर देउवा स्वास्थ्य उपचारया लागि सिंगापुरय् वंगु दु।

सभापति देउवा नाप जहान आरजु सिंगापुरय् वःगु दु धका वयकःया सचिवालयं धाःगु दु। देउवा निदँय् छकः फलोअपय् वनेमाःगुलि थुगु पटक स्वदँ दँय् धुकुगु दु धका वयकःया सचिवालयं धाःगु दु।

छवाः लिपा स्वदेश लिहावइ धका कांग्रेस केन्द्रीय कार्यालय सचिवालयं धाःगु दु।

शेयर बजाः थौं न दोहोरो अङ्कं थहावना। शेयर बजाः परिसूचक नेप्से थौं मङ्गलवाः ३४ दशमलव १७ अङ्कं थहावना २ हजार २० दशमलव ६४ विन्दुइ थ्यःगु दु।

दकलय् अप्पो थौं दक्को समूहया शेयर थहावःगुलि बीमा, होटल व व्यापार समूहया शेयर तसकं थहावःगु दु। बजाः नाप कारोबार रकमय् न तसकं सुधारय् वःगु दु।

म्हिगः सोमवाः २ अर्ब ८८ करोड रुपैयाँया कारोबार जूगुलि थौं २ सय ७० गु कम्पनीया १ करोड ८ लाख कित्ता शेयर ४ अर्ब १२ करोड ६६ लाख रुपैयाँया कारोबार जूगु खः। दकलय् अप्पो शिवम् सिमेन्टया २७ करोड ६६ लाख रुपैयाँया शेयर न्यायेगु मिइगु जुगु खः।

थौं दकलय् अप्पो विन नेपाल लघुवित्त, बुलुङ इनर्जी विकास कम्पनी व सिटी होटलया शेयर १० प्रतिशतं थहावःगु खःसा दकलय् अप्पो युनिलिभर नेपाल कम्पनीया शेयर ३ प्रतिशत स्वया अप्पो कुहावःगु खः।