महाबू तमोबहाःया क्वाःपाद्यःछेँ जीर्णोद्वार यानाः दनेगु ज्या क्वचागु दु। येँ महानगरपालिकाया उपप्रमुख सुनिता डंगोलं छगु ज्याझ्वः दथुइ शिलापत्र उलेज्या यानादीगु खः।

उगु ज्याझ्वलय् क्वाःपा द्यःछेँ जीर्णोद्वारया झ्वलय् थीथी कथं ग्वाहालियापिन्त दोसल्लां न्ययेका हगू खः। हनेज्याया झ्वलय् समितिया नायः सुनिलरत्न ताम्राकारं दोसल्लां न्ययेकादीगु खःसा समितिया छ्याञ्जे सूर्यरत्न ताम्राकारं दसिपौ लःल्हानादीगु खः। अथेहे २७ वडाया नायः योगेशकुमार खडगीं मतिनाया चिं लःल्हानादीगु खः।

ज्याझ्वलय् समितिया सल्लाहकार अमृतमान ताम्राकारं महाबू तमो बहाःया इतिहासया खँ कनादीगु खःसा उपप्रमुख सुनिता डंगोल, येँ महानगर पूर्वप्रमुख विद्यासुन्दर शाक्य, २७ वडा नायःण्ण् योगेशकुमार खडगी व समितिया सभापति सुनिलरत्न ताम्राकारपिन्सं थःथःगु नुगःखँ तयादीगु खः।

येँ महानगरपालिकां खुसि सिथय् च्वंगु अनधिकृत संरचना न्ह्यन्हुया दुने चिइकेत निर्देशन बिःगु दु।

महानगरं म्हिगः शनिबाः छगु सूचं प्रकाशन यासे खुसि सिथय् व खुसिया करिडोरय् सार्वजनिक क्षेत्रय् संरचना निर्माण नाप अनधिकृत कथं कब्जायाना भोगचलन यानावया च्वपि सकल सरोकारवालापिन्त संरचना चिइकृत निर्देशन बिःगु दु।

महानगरं पटकपटक यासां चिइकेत धाःसा मचिइकूगु संरचनायात प्रचलित कानुनबमोजिम चिइकेगु व चिइकेगु निति माःगु खर्च न सम्बन्धित पक्षपाखे कायेगु धका सूचलये दुथ्याकाबतःगु दु।

खुक्वःगु हलिं नेवाः दिवस प्रधानमन्त्री पुष्पकमल दाहाल ‘प्रचण्ड’ या पाहाँसुइ येँया बसन्तपुरय् तःजिक हःगु दु।

उगु ज्याझ्वलय् झीप्यम्ह थीथी नेवाःख्यलय् योगदान यानादीपि च्वपि पूर्व न्यायाधीश कल्याण श्रेष्ठ, पूर्व आईजीपि सिंह बहादुर श्रेष्ठ, न्हपांगु संकिपाया अभिनेत्री चैत्यदवी सिंह, समाजसेवी व साहित्यकार सुवर्णकेशरी चित्रकार, संस्कृति व इतिहासविद् प्रा.डा. त्रिरत्न मानन्धर, हस्तकला कलाकार चिनकाजी ताम्रकार, उद्योग व्यवसायी रुपज्योति कसाः, बरिष्ठ फोटो पत्रकार नातिकाजी महर्जन, गणितज्ञ व ज्योतिष देवनारायण महर्जन, अन्तर्राष्ट्रिय कुश्तीबाज मिसा मुना श्रेष्ठ, पर्यटन व्यवसायी व सकारात्मक सोचया न्ह्यलुवाः कर्ण शाक्य, बरिष्ठ साहित्यकार मथुरा सायमि, पूर्वराजदूत केदारभक्त माथेमा व कास्की नेवाः खलःयात मूपाहाँ प्रधानमन्त्री ‘प्रचण्ड’ हनापौं, उपप्रधानमन्त्री नारायणकाजी श्रेष्ठ दोसल्ला व हलि नेवाः दबू नेपाःया नायः सुरेन्द्रभक्त श्रेष्ठं खादा न्ययेका हनादीगु खः।

अथेतु, जनकबि दुर्गालाल श्रेष्ठयात न हलिं नेवाः बिशेष हनाः याःगु खः।

उगु ज्याझ्वलय् प्रधानमन्त्री नाप नेकपा (माओवादी केन्द्र) या अध्यक्ष ‘प्रचण्ड’ न गरीब, बिपन्न व उत्पीडित वर्गया असली प्रतिनिधि पार्टी माओवादी केन्द्र व थुकिया नेतृत्व हे याःगु खः धका धयादीगु खः। म्हिगः शनिबाः जुगु ज्याझ्वलय् वयकलं गरीब व उत्पीडित वर्गं थःगु असल प्रतिनिधि म्हसिके माः धका धयादीगु खः। ‘नेपाली जनताया त्याग व बलिदानया बलं संघीयता, गणतन्त्र, धर्मनिरपेक्षता, समावेशी समानुपातिक विशेषतासहितया संवैधानिक व्यवस्था याःगु दु।

अयेन, वर्तमान संविधान न जिमिसं अपेक्षा याये थे बालाक्क जुगु मदु। न्हुगु संविधानय् पहिचान व अधिकार स्थापित यायेत जि व जिमिगु पार्टी न मुख्य संघर्ष यानागु खः।गुलि न अधिकार च्वयातःगु दु, उकिया लागि निर्णायक भूमिका म्हितगु खः। इमान्दार व निरन्तर संगठित कुतः जुयाच्वंगु खः धका धयादीसे संविधानया संस्थागत याये ल्यदनिइगु लिपा स्थापित याना वनेगु जुइ। अयेन, दक्को उत्पीडित वर्ग, जाति व समुदायपिन्स थःगु असली प्रतिनिधि सु खः धका म्हसिकेमाः धका धयादीगु खः।

वर्ल्ड नेवाः अर्गनाइजेशन (हलिं नेवाः दबू) न खुक्वःगु हलिं नेवाः दिं थौं तजिक हनेत्यःगु दु। सांस्केतिक प्रवद्र्धनया निंतिं हलिं नेवाः दिवस धइगु नारां बियातःगु दु।

अथेहे थौं येँया बसन्तपुरय् प्रधानमन्त्री पुष्पकमल दाहाल प्रचण्दया मूपाहाँसूइ ज्याझ्वः जुइ धका हलिं नेवाः दबू नेपाः च्याप्टरया नायः सुरेन्द्रभक्त श्रेष्ठं लहनान्युजयात कनादीगु दु।

झीप्यम्ह थीथी नेवाःख्यलये च्वपि पूर्व न्यायाधीश कल्याण श्रेष्ठ, पूर्व आईजीपि सिंह बहादुर श्रेष्ठ, न्हपांगु संकिपाया अभिनेत्री चैत्यदवी सिंह, समाजसेवी व साहित्यकार सुवर्णकेशरी चित्रकार, संस्कृति व इतिहासविद् प्रा.डा. त्रिरत्न मानन्धर, हस्तकला कलाकार चिनकाजी ताम्रकार, उद्योग व्यवसायी रुपज्योति कसाः, बरिष्ठ फोटो पत्रकार नातिकाजी महर्जन, गणितज्ञ व ज्योतिष देवनारायण महर्जन, अन्तर्राष्ट्रिय कुश्तीबाज मिसा मुना श्रेष्ठ, पर्यटन व्यवसायी व सकारात्मक सोचया न्ह्यलुवाः कर्ण शाक्य, बरिष्ठ साहित्यकार मथुरा सायमि, पूर्वराजदूत केदारभक्त माथेमा व कास्की नेवाः खलःयात विशेष हनिइ ज्याझ्वः तयातःगु दु।

अथेतु, जनकबि दुर्गालाल श्रेष्ठयात न हलिं नेवाः बिशेष हनाः ज्याझ्वः तयातःगु दु।

नेपाल प्रहरीया प्रमुख प्रहरी अतिरिक्त महानिरीक्षक (एआईजी) वसन्तबहादुर कुँवरयात नियुक्त याःगु दु।

आईजीपी बढुवाय् कुँवरनाप एआईजी टेकप्रसाद राई, दीपक थापा, श्यामलाल ज्ञवाली व किरण बज्राचार्य प्रतिस्पर्धाय् दुगु खः। तर, सरकारं वरियता १ नम्बरय् दुम्ह कुँवरयात महानिरीक्षकमा बढुवा याःगु खः।

३० दँया सेवा अवधि कायमै दुगुलि दच्छि तक प्रहरीया नेतृत्व याइगु जुगु दु। स्वन्हु न्ह्यः जक उमित प्रहरी अतिरिक्त महानिरीक्षकय् बढुवा यायेगु निर्णय याःगु खः।